មនុស្សចំនួន២៣នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើស បំពានវិធានរដ្ឋបាល និងវិធានសុខាភិបាល ក្នុងស្ថានការណ៍ដែលរាជរដ្ឋាភិបាលកំពុង បន្តឹងការអនុវត្តច្បាប់ប្រឆាំងនឹងការឆ្លងកូវីដ ១៩ ។ 

ប្រធានមន្ទីរពេទ្យមិត្តភាពកម្ពុជា-ជប៉ុន មង្គលបូរី ខេត្តបន្ទាយមានជ័យ ដែលរងការរិះគន់ការខ្វះភាពទទួលខុស ត្រូវ, ត្រូវបានក្រុមប្រឹក្សាវិន័យសម្រេចដកចេញពីតំណែងហើយ។

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន៤ម៉ឺន៨ពាន់ ៦៥៩នាក់។ យោងតាមក្រសួងសុខាភិបាល តួលេខនៃចំនួនសារុបដែលពលរដ្ឋទូទាំងប្រទេសបានទទួលការ ចាក់វ៉ាក់សាំងគិតត្រឹមថ្ងៃទី៧ ខែកញ្ញានេះ បានកើនដល់ ១១លាន២សែន៩ម៉ឺន១ពាន់ ៤៦៥នាក់ហើយ, ក្នុងនោះ អ្នកបានចាក់វ៉ាក់សាំងដូសទី២រួចមានចំនួន៩លា១ពាន់១២៣នាក់។ ការចាក់វ៉ាក់សាំងលើពលរដ្ឋ អាយុពី១៨ឆ្នាំ ឡើង មានចំនួន៩លាន៦សែន៨ពាន់៦៧៩នាក់, និងលើយុវជនវ័យជំទង់អាយុរវាងពី១២ ដល់១៧ឆ្នាំ មានចំនួន ១លាន៦សែន៨ម៉ឺន២ពាន់៧៨៦នាក់។

ការឆ្លងជំងឺកូវីដ១៩នៅក្នុងសហគមន៍នាពេលនេះបានកើនឡើង៨ម៉ឺនករណីហើយ ក្រោយការឆ្លងថ្មីនៅថ្ងៃនេះ ចំនួន៥១១ករណី។ ការឆ្លងថ្មី៥១១ករណីក្នុងពេល២៤ម៉ោងចុងក្រោយនេះ បានថយចុះចំនួន១៧ករណីបើប្រៀប ធៀបនឹងម្សិលមិញ។ ការឆ្លងថ្មីថ្ងៃនេះ រួមមានការឆ្លងចូលក្នុងសហគមន៍៣៥៩ករណី និង ការឆ្លងមកពីក្រៅប្រ ទេស១៥២ករណី។

ភ្នែកខាងស្តាំរបស់លោក​ រ៉ុង ឈុន ត្រូវបានក្រុមគ្រូពេទ្យបានស្នើរកការព្យាបាល និងវះកាត់ក្រោយការពិនិត្យ ឃើញថាភ្នែកខាងស្តាំរបស់ទណ្ឌិតរូបនោះ បានរងនឹងអាការៈស្រវាំង ប៉ុន្តែទណ្ឌិត រ៉ុង ឈុន បានស្នើសុំមិនទាន់ ឲ្យធ្វើការវះកាត់ភ្លាមៗនាពេលនេះទេ។

អ្នកនាំពាក្យក្រសួងមហាផ្ទៃនាយឧត្តមសេនីយ៍ ខៀវ សុភ័គ បានបញ្ជាក់នូវសុខភាពរឹងមាំរបស់សម្តេច ក្រឡាហោម ស ខេង ក្រោយការវះកាត់នៅក្នុងប្រទេសបារាំង។ មិនមានការបញ្ជាក់ថាតើការ វះកាត់ដោយ ជោគជ័យពីក្រុមវេជ្ជបណ្ឌិតបារាំងលើសម្តេចក្រឡាហោម ស ខេង ដែលជាឧបនាយករដ្ឋមន្ត្រីនិងជារដ្ឋមន្ត្រី ក្រសួងមហាផ្ទៃនោះ បានជាប់ពាក់ព័ន្ធនឹងជម្ងឺអ្វីនោះទេ ប៉ុន្តែមន្ត្រីខុទ្ទកាល័យ បានបញ្ជាក់បន្ថែមថ្ងៃទី៧កញ្ញា នេះទៀតថា សម្តេចក្រឡាហោម ស ខេង ដែលកំពុងធ្វើចត្តាឡីស័ក មានសុខភាពល្អប្រសើរនោះទេ។

សម្តេចនាយករដ្ឋមន្ត្រីកម្ពុជានឹងធ្វើជាម្ចាស់ផ្ទះនៃកិច្ចប្រជុំកំពូលមហាអនុតំបន់មេគង្គលើកទី៧ តាមប្រព័ន្ធវីដេអូ ដែលនឹងមានការអញ្ជើញចូលរួមពីនាយករដ្ឋមន្ត្រីចិនលោកលឺខឺឈាង និងថ្នាក់ដឹកនាំនៃប្រទេសដទៃទៀតជា សមាជិក។ យោងតាមក្រសួងការបរទេសកិច្ចប្រជុំកំពូលមហាអនុតំបន់មេគង្គលើកទី៧ នឹងប្រព្រឹត្តទៅនៅថ្ងៃទី៩ កញ្ញាក្នុងសប្តាហ៍នេះ។

កម្ពុជានឹងមានក្រុមបាល់ទាត់ជម្រើសជាតិផ្នែកនារីជាលើកដំបូង ដើម្បីត្រៀមចូលរួមប្រកួតប្រជែង នៅក្នុងព្រឹត្តិ ការណ៍កីឡាស៊ីហ្គេម លើកទី៣២ឆ្នាំ២០២៣ ក្នុងឋានៈកម្ពុជានឹងធ្វើជាម្ចាស់ផ្ទះ។

ខេត្តព្រះសីហនុ បានបញ្ជាក់ការគ្រោងនឹងបើកសាលារៀនចំនួន៥ឡើងវិញនៅថ្ងៃ១៣កញ្ញាខាងមុខនេះផង ដែរ។ ផែនការត្រៀមបើកដំណើរការសាលារៀនឡើងវិញក្នុងខេត្តនេះ ត្រូវបានលើកឡើងក្នុងកិច្ចប្រជុំមួយនៅ ព្រឹកថ្ងៃច័ន្ទនេះក្រោមវត្តមានអភិបាលខេត្តព្រះសីហនុ លោក គួច ចំរើន។

សាលារៀនក្នុងខេត្តកោះកុង នឹងត្រូវបើកសាឡើងវិញ នៅថ្ងៃទី៩កញ្ញាសប្តាហ៍នេះហើយ។ ការកំណត់បើកសា លារៀនវិញក្នុងខេត្តកោះកុងនេះ បានលើកឡើងក្នុងកិច្ចប្រជុំមួយនៅព្រឹកថ្ងៃទី៦ ខែកញ្ញា ក្រោយការពិនិត្យ លើ ស្ថានភាពជាក់ស្តែងដែលបង្ហាញថា អត្រាឆ្លងជំងឺកូវីដ១៩ បានថយចុះ, ចំណែកសិស្សានុសិស្ស ក៏បានចាក់វ៉ាក់ សាំងការពារកូវីដ១៩ បានគ្រប់ៗគ្នារួចរាល់។