ខេត្តក្រចេះ បានរកឃើញអ្នកឆ្លងជំងឺកូវីដ១៩ថ្មីចំនួន១០នាក់ក្នុងរយៈពេល២៤ម៉ោងចុងក្រោយ។ យោងតាមរដ្ឋ បាលខេត្តការឆ្លងថ្មីទាំង១០នាក់ថ្ងៃនេះ គឺជាប្រជាពលរដ្ឋដែលរស់នៅក្នុងក្រុងក្រចេះ៤នាក់, ស្រុកស្នួល៣នាក់, ស្រុកព្រែកប្រសព្វម្នាក់, ស្រុកឆ្លូងម្នាក់ និងស្រុកចិត្ដបុរីម្នាក់ ។

ខេត្តព្រះវិហារ ក្នុងរយៈពេល ២៤ម៉ោងចុងក្រោយនេះ បានបន្តរកឃើញអ្នកឆ្លងជំងឺកូវីដ១៩ ចំនួន ១៣នាក់ ដែលជាតួលេខឆ្លងទាបជាងម្សិលមិញចំនួន ៣នាក់ ។

នៅក្នុងខេត្តកំពង់ឆ្នាំងដដែល មនុស្ស១៥នាក់ត្រូវគេរកឃើញឆ្លងកូវីដ១៩និងមានមនុស្សស្លាប់ម្នាក់។ យោង តាមរដ្ឋបាលខេត្ត, អ្នកឆ្លងទាំង១៥នាក់រួមមានពលរដ្ឋក្នុងក្រុងកំពង់ឆ្នាំង៥នាក់, នៅស្រុកកំពង់លែង៣នាក់, ស្រុកទឹកផុសម្នាក់, ស្រុកបរិបូរណ៍ម្នាក់និងនៅក្នុងស្រុករលាប្អៀរ៥នាក់។ ចំណែកអ្នកស្លាប់គឺជាស្ត្រីអាយុ៤១ឆ្នាំ នៃក្រុងកំពង់ឆ្នាំង។

តំបន់មួយចំនួនក្នុងក្រុងកំពង់ឆ្នាំង, នៅស្រុកកំពង់លែង និងនៅក្នុងស្រុករលាប្អៀរ នៃខេត្តកំពង់ឆ្នាំង ត្រូវបាន បិទខ្ទប់នៅថ្ងៃនេះ ក្រោយពីរកឃើញអ្នកវិជ្ជមាន កូវីដ១៩ បំប្លែងថ្មី ប្រភេទដែលតា Delta ចំនួន៥នាក់។

ខេត្តកំពង់ធំ បានបន្តរកឃើញអ្នកឆ្លងជំងឺកូវីដ១៩ ចំនួន ២២នាក់ ក្នុងរយៈពេល ២៤ម៉ោង កន្លងមកនេះ ដែលជា លេខឆ្លងកើនឡើង ២នាក់ ធៀបនឹងការរកឃើញពីម្សិលមិញ ។

ខេត្តបាត់ដំបង បានរកឃើញអ្នកឆ្លងជំងឺកូវីដ១៩ ចំនួន ៦៩នាក់ និងមានអ្នកស្លាប់ថ្មីម្នាក់ ថែមទៀត ក្នុងរយៈ ពេល ២៤ម៉ោងចុងក្រោយនេះ ។ តួលេខឆ្លងថ្ងៃនេះ មានការកើនឡើងចំនួន ៥នាក់ ធៀបនឹងម្សិលមិញ ។

ទីតាំងចំនួន ២១កន្លែង ត្រូវបានអាជ្ញាធរខេត្តឧត្តរមានជ័យ ធ្វើការបិទខ្ទប់ជាបណ្តោះអាសន្ន ដោយសារតែការ ផ្ទុះឡើងនូវជម្ងឺកូវីដ១៩។

ខេត្តឧត្តរមានជ័យ បានបន្តរកឃើញអ្នកឆ្លងជំងឺកូវីដ១៩ ចំនួន ៧០នាក់ថ្មីថែមទៀត ក្នុងរយៈពេល ២៤ម៉ោង ចុង ក្រោយនេះ ដែលជាតួលេខឆ្លងថយចុះចំនួន ៤៤នាក់ ធៀបនឹងការរកឃើញពីម្សិលមិញ។

ខេត្តបន្ទាយមានជ័យ បានរកឃើញអ្នកឆ្លងកូវីដ១៩ ចំនួន១៨១នាក់នៅថ្ងៃនេះ ដែលជាតួលេខកើន៧២នាក់បើ ប្រៀបធៀបនឹងម្សិលមិញ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៧ម៉ឺន៣ពាន់ ៥៦៣ ករណី និងការស្លាប់ថ្មីមានចំនួន១ពាន់៨៤៦នាក់។ ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុង ក្រោយនេះនៅ អាស៊ាន មាន៩ប្រទេស។ ចំណែកការ ស្លាប់ថ្មីមានចំនួន៨ប្រទេស។