ពាក់ព័ន្ធនឹងការផ្សាយដដែលរបស់វិទ្យុវីអូឌី, ការផ្សាយមួយរបស់វិទ្យុដដែលនេះជុំវិញការចោទប្រកាន់ថាអាជ្ញាធរ បានគំរាមចាប់យុវជន២នាក់ដែលជាអ្នកការពារបរិស្ថាននៅសង្កាត់បឹងទំពន់១ក្នុងខណ្ឌមានជ័យរាជធានីភ្នំពេញ ត្រូវបានអ្នកនាំពាក្យស្នងការដ្ឋាននគរបាលរាជធានី បានបដិសេធនិងប្រញាប់បំភ្លឺតបប្រាប់សាធារណជនវិញ។

អ្នកនាំពាក្យក្រសួងព័ត៌មានបានទាត់ចោលការចោទប្រកាន់សមាគមសម្ព័ន្ធអ្នកសារព័ត៌មានកម្ពុជាដែលចោទ ជុំវិញការគម្រាមកំហែងរបស់អាជ្ញាធរខណៈអ្នកសារព័ត៌មានបានចុះយកព័ត៌មានក្នុងជម្លោះរឿងដីធ្លីមួយកន្លែង ពាក់ព័ន្ធនឹងគម្រោងអភិវឌ្ឍន៍អាកាសយានដ្ឋានអន្តរជាតិភ្នំពេញថ្មីនៅក្នុងខេត្តកណ្តាល។

រដ្ឋមន្ត្រីការបរទេសចិនលោកវ៉ាងយី បានជ្រើសយកកម្ពុជាគឺជាប្រទេសដំបូងក្នុងដំណើរទស្សនកិច្ច៤ប្រទេស របស់លោកដែលនឹងមានរយៈពេល៥ថ្ងៃនៅអាស៊ី។ ប្រទេសទាំង៤ដែលលោករដ្ឋមន្ត្រីការបរទេសចិននឹងធ្វើ ទស្សនកិច្ចនោះ រួមមានប្រទេសកម្ពុជា, វៀតណាម, សឹង្ហបុរី, និងប្រទេសកូរ៉េខាងត្បូង។

សេចក្តីព្រាងច្បាប់ចំនួន៧ក្នុងនោះរួមមានទាំងសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀង ពាណិជ្ជកម្មសេរីរវាងរាជរដ្ឋាភិបាលកម្ពុជានិងរដ្ឋាភិបាលចិនផងដែរ នឹងត្រូវយកទៅពិភាក្សានិងអនុម័តក្នុងកិច្ច ប្រជុំរដ្ឋសភាពេញអង្គនៅថ្ងៃទី៩កញ្ញាស្អែកនេះ។ មន្ត្រីរដ្ឋាភិបាលកម្ពុជានិងប្រទេសចិន បានចុះហត្ថលេខាលើ កិច្ចព្រមព្រៀងពាណិជ្ជកម្មសេរីរវាងប្រទេសទាំង២ តាំងពីថ្ងៃទី១២តុលាឆ្នាំ២០២០នោះមកក្នុងដំណើរទស្សន កិច្ចរបស់រដ្ឋមន្ត្រីក្រសួងការបរទេសចិនលោកវ៉ាងយី។

គ្រឿងញៀនជិត ១០ គីឡូក្រាមនិងជនជាតិចិន ២នាក់ត្រូវបានសមត្ថកិច្ចបង្ក្រាប នៅរាជធានីភ្នំពេញ។ ការ បង្រ្កាប បានធ្វើឡើងកាលពីថ្ងៃទី៤ ខែកញ្ញា ឆ្នាំ ២០២១ នៅចំណុចផ្លូវលេខ១០៥ ស្ថិតក្នុងសង្កាត់បឺងកេងកង២ នៃខណ្ឌបឹងកេងកង ។

ស្រាទំពាំងបាយជូ និងស្រាស សញ្ញា មាស ហុង ចំនួនជាង១ពាន់ដបត្រូវបានសមត្ថកិច្ចដើរប្រមូលពីកន្លែង ដាក់លក់នានាក្នុងរាជធានីភ្នំពេញដើម្បីត្រៀមកម្ទេចចោល។ ការដើរប្រមួលស្រាទំពាំងបាយជួនិងស្រាស សញ្ញា មាសហុង នេះ បានធ្វើឡើងក្រោយស្ត្រីវ័យក្មេង៣នាក់ បានបាត់បង់ជីវិតក្រោយការទទួលទានផលិតផលធ្វើក្នុង ស្រុកទាំងនេះ។

ក្រសួងកសិកម្មបានប្រកាសការត្រៀមគ្រាប់ពូជស្រូវចំនួន ២ពាន់តោននិងពូជដំណាំរួមផ្សំជាច្រើនទៀត ដើម្បីជួយសង្គ្រោះប្រជាកសិករដែលរងផលប៉ះពាល់ដោយសារគ្រោះធម្មជាតិ។

មនុស្ស៩នាក់ដែលកាន់កាតសារព័ត៌មាន ត្រូវសមត្ថកិច្ចខេត្តស្ទឹងត្រែងឃាត់ខ្លួនក្រោយមនុស្សទាំង៩នោះ បាន ជាប់ពាក់ព័ន្ធនឹងអំពើជំរិតទារប្រាក់៤ពាន់ដុល្លារពីម្ចាស់រថយន្តដឹកឈើ។ ការឃាត់ខ្លួននេះបានធ្វើនៅថ្ងៃទី៧ កញ្ញានេះ។

កិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមាអាណត្តិទី២ ឆ្នាំទី១ បានបើកកិច្ចប្រជុំរបស់ខ្លួនដើម្បីការពិភាក្សា កំណត់ប្រាក់ឈ្នួលអប្ប​បរមារបស់កម្មករនិយោជិតសម្រាប់ឆ្នាំ២០២២បើទោះបីជាស្ថានភាពសេដ្ឋកិច្ចរបស់កម្ពុ ជាកំពុងធ្លាក់ចុះខ្លាំងដោយសារវបត្តិកូវីដ១៩ក៏ដោយ។ ប្រាក់ឈ្នួលអប្ប​បរមារបស់កម្មករនិយោជិត ត្រូវបានគេ ពិភាក្សាជារៀងរាល់ឆ្នាំដើម្បីរកការតម្លើងជួនកម្មករនិយោជិត។

អាជ្ញាធររាជធានីភ្នំពេញ បានព្រមានធ្វើការរុះរើខ្សែកាប្លិ៍អាកាសចេញ នៅលើវិថីព្រះអង្គយុគន្ធរ និងលើវិថីឧកញ៉ា សន្ធរម៉ុកបើសិនជាមិនធ្វើការរុះរើចេញដោយខ្លួនឯងក្នុងរយៈពេល១៥ថ្ងៃទៀតនេះទេ។