ប្រជាពលរដ្ឋ១៣ម៉ឺន៩៦៩នាក់ បានទទួលការចាក់វ៉ាក់សាំងរយៈពេល២៤ម៉ោងកន្លងមកនេះ។ ចំនួនពលរដ្ឋ សរុបដែលបានទទួលការចាក់វ៉ា់ក់សាំងគិតត្រឹមថ្ងៃទី៣១សីហានេះ បានកើនដល់១០លាន៦សែន៩ម៉ឺន ៣ពាន់ ៩៦៤នាក់ហើយ, ក្នុងនោះអ្នកបានចាក់វ៉ាក់សាំងដូសទី២រួច មានចំនួន៨លាន៤សែន៥ម៉ឺន៨ពាន់៩៣នាក់។ 

វីរុសកូវីដ-១៩បំប្លែងថ្មី Delta ត្រូវបានបន្តរកឃើញជារៀងរាល់ថ្ងៃ និងយ៉ាងហោច១៦៤ករណីទៀតតរូវបានគេ រកឃើញក្នុងរយៈពេល៣ថ្ងៃចុងក្រោយនេះ ដែលនាំឲ្យចំនួនឆ្លងនឹងវីរុសបំប្លែងថ្មីកាចសាហាវនេះ បានកើន សរុប១ពាន់៩១៦ករណីហើយ។

គ្រូពេទ្យព្យាបាលជំងឺកូវីដម្នាក់ បានបាត់បង់ជីវិតដោយសារជំងឺឆ្លងកូវីដ១៩។ អ្នកគ្រូពេទ្យ អ៊ិម ស្រីនិ នៃ មន្ទីរ ពេទ្យបង្អែកខេត្តព្រះសីហនុ បានបាត់បង់ ជីវិតវេលាយប់មិញនេះបន្ទាបពីរយៈពេល២ថ្ងៃដែលបានបញ្ជួនមក មណ្ឌលព្យាបាលជំងឺ កូវីដ១៩ព្រីមៀម សែនសុខ។

គ្រឿងញៀនជិត១គីឡូក្រាមរួមនិងជនសង្ស័យម្នាក់ ត្រូវបានសមត្ថកិច្ចបង្រ្កាបបាននៅខេត្តកំពង់ស្ពឺ និងនៅរាជ ធានីភ្នំពេញ។ការបង្រ្កាបកាលពីថ្ងៃទី២៧ខែសីហា លើកទី១បានធ្វើនៅចំណុចភូមិវត្តភ្នំ, ឃុំភ្នំតូច នៃស្រុកឧដុង្គ និងបន្តការស្រាវជ្រាវមករាជធានីភ្នំពេញដោយបានចុះឆែកឆេរបន្ទប់ជួលលេខ ១០១ នៅផ្ទះសំណាក់យីហោ ហេបភី, ភូមិកន្ទោកជើង, សង្កាត់កន្ទោក នៃខណ្ឌកំបូល រាជធានីភ្នំពេញ និងបានរកឃើញគ្រឿងញៀនជាច្រើន ថែមទៀត។

កម្ពុជា បាននិងកំពុងបន្តគម្រោងសាងសង់ផ្លូវនៅទូទាំងប្រទេសជាដដែលបើទោះបីជាកម្ពុជាបានស្ថិតក្នុងការ ឆ្លងកូវីដ១៩យ៉ាងណាក្តី។ រដ្ឋមន្ត្រីក្រសួងសាធារណការនិងដឹកជញ្ជួនលោកស៊ុនចាន់ថុល បានលើកឡើងរៀប រាប់ជុំវិញគម្រោងសាងសង់ផ្លូវទូទាំងប្រទេសនាពេលនេះ ក្នុងកម្មវិធីមួយឆ្លើយតបនឹងសំណួររបស់ប្រជាពលរដ្ឋ ថ្ងៃទី៣០សីហានេះ ។

ជនសង្ស័យ៣នាក់ពាក់ព័ន្ធនឹងការលួចលុយ១១ម៉ឺនដុល្លារ ត្រូវនគរបាលជំនាញឃាត់ខ្លួនក្រោយរយៈពេលលួច ចំនួន៤ថ្ងៃរួចមកហើយនៅក្នុងក្រុងព្រះសីហនុ។ ទូដែកមួយគ្រឿងដែលរួមមានលុយ១១ម៉ឺនដុល្លារ និងនាឡិកា ដៃ១គ្រឿង ត្រូវបានចោរចូលលួចយកក្នុងបន្ទប់មួយក្នុងអគារកាស៊ីណូឆាងឆឹងកាលពីថ្ងៃទី២៥សីហា។ កាស៊ីណូ ឆាងឆឹងមានទីតាំងក្នុងភូមិ៣, សង្កាត់៤ ក្នុងក្រុងព្រះសីហនុ។

រដ្ឋមន្ត្រីក្រសួងបរិស្ថាននិងភរិយា បានបរិច្ចាគថវិកា១០ម៉ឺនដុល្លារ ដើម្បីការសាងសង់អាគារព្យាបាលជំងឺកូវីដ-១៩ខេត្តព្រះសីហនុ។ រដ្ឋបាលខេត្តព្រះសីហនុ នៅថ្ងៃទី៣០សីហាឆ្នាំ២០២១ បានថ្លែងអំណរគុណចំពោះ រដ្ឋមន្ត្រី

ក្រសួងការបរទេសកម្ពុជាបានបញ្ជាក់ថ្ងៃនេះថា ការទទួលយកជនភៀសខ្លួនអាហ្វហ្កានីស្ថាន មកស្នាក់នៅក្នុង ប្រទេសកម្ពុជាគឺឈរលើគោលការណ៍មនុស្សធម៌។ ប្រមុខរដ្ឋាភិបាលកម្ពុជាសម្ដេចតេជោហ៊ុន សែន នៅថ្ងៃ២៨ សីហា បានយល់ព្រមទទួលយកជនភៀសខ្លួនអាហ្វហ្កានីស្ថានចំនួន៣០០នាក់ជាបណ្តោះអាសន្ន, មុននឹងទៅ កាន់ប្រទេសទី៣បន្ទាប់ពីមានការស្នើសុំអង្គការមូលនិធីអាស៊ី ASIA FOUNDATION។

ខេត្តមណ្ឌលគិរី បានបន្តរកឃើញអ្នកឆ្លងជំងឺកូវីដ១៩ ចំនួន ៣៣នាក់ ថែមទៀត ក្នុងរយៈពេល ២៤ម៉ោង ចុង ក្រោយនេះ ។