ភ្លៀងបានបន្តធ្លាក់ក្នុងក្រុងព្រះសីហនុនៅថ្ងៃនេះថែមទៀត បន្ទាប់ពីភ្លៀងធ្លាក់ដ៏ខ្លាំងក្លាកាលពីម្សិលមិញប្រ មាណ៥ម៉ោង ដោយបង្កការលិចលង់, ធ្វើឲ្យមនុស្សម្នាក់ស្លាប់និងម្នាក់ទៀតបានរងរបួស និងបានបង្កវិនាសអន្ត រាយទ្រព្យសម្បត្តិ រដ្ឋនិងប្រជាជន។

ពលរដ្ឋខ្មែរចំនួន២២៧នាក់ក្នុងផ្សាររុងគ្លឿនៃប្រទេសថៃ ត្រូវបានបញ្ជូនមកទឹកដីកម្ពុជាវិញក្នុងស្ថានការណ៍ដែល ប្រទេសថៃបានស្ថិតក្នុងស្ថានភាពឆ្លងខ្លាំងក្លានៃវីរុសកូវីដ១៩។ ការបញ្ជូនពលរដ្ឋខ្មែរ២២៧នាក់ក្នុងនោះរួមមាន បុរស១១៥នាក់និងស្រ្តី១១២នាក់ បានធ្វើកាលពីថ្ងៃ ទី២៤សីហាតាមច្រកទ្វារផ្សាររុងគ្លឿ, ស្រុកអារញ្ញនៃខេត្ត ស្រះកែវ។

កម្ពុជាបានបន្តរកឃើញអ្នកឆ្លងវីរុសកូវីដ១៩បំប្លែងថ្មីDelta បន្ថែមទៀតខណៈពេលកំពុងចាត់វិធានការបិទ ខ្ទប់កន្លែងខ្លះដែលកំពុងមានការឆ្លងនូវវីរុសដ៏កាចសាហាវនេះនិងការអនុវត្តចាក់ដូសជម្រុញដើម្បីការទប់ស្កាត់ ការឆ្លងរាល់វីរុសបំប្លែងថ្មីប្រភេទនានាទាំងអស់។

កម្ពុជានឹងក្លាយជាប្រធាន AIPA បន្ទាប់ពីមានការប្តូរវេនពីប្រទេសប្រុយណេ ក្នុងពិធីបិទបញ្ចប់នៃមហាសន្និបាត AIPA លើកទី៤២ នារសៀលថ្ងៃទី២៥សីហានេះ។ សម្តេចអគ្គមហាពញាចក្រី ហេង សំរិន ដែលនឹងក្លាយជាប្រ ធាននៃមហាសន្និបាតប្រចាំឆ្នាំសភាពអាស៊ានអាយប៉ា លើកទី៤៣ សម្រាប់ឆ្នាំ២០២២ បានថ្លែងបញ្ជាក់ទំហំ ទឹកចិត្តនៃកិច្ចសហប្រតិបត្តិក្នុងនាមជាប្រធានថ្មីប្តូរវេន ។

កប៉ាល់លួចដឹកប្រេងឆៅរត់គេចចេញពីប្រទេសកម្ពុជា ត្រូវបានចាប់មកវិញនៅក្នុងដែនទឹកនៃប្រទេសឥណ្ឌូណេ ស៊ី។ កប៉ាល់ដឹកប្រេងឈ្មោះ MT Strovolos ដោតទង់ជាតិបាហាម៉ា ត្រូវឃាត់បានកាលពីថ្ងៃទី២៧ ខែកក្កដា ឆ្នាំ២០២១ នៅក្បែរកោះស៊ូម៉ាត្រា គឺនៅច្រើនថ្ងៃបន្ទាប់ពីអាជ្ញាធរកម្ពុជា បានស្នើឲ្យស្ថាប័នប៉ូលិសអន្តរជាតិ ចេញសេចក្តីប្រកាសនិវេទក្រហម ដើម្បីជួយធ្វើអន្តរាគមន៍តាមចាប់កប៉ាល់ដែលលូចដឹកប្រេងឆៅ២៩ម៉ឺនបារ៉ែល ដែលបូមចេញបានពីប្លុក A ក្នុងដែនទឹកនៃប្រទេសកម្ពុជា។

ប្រធានគណបក្សអភិវឌ្ឍន៍សេដ្ឋកិច្ចដែលធ្លាប់បានចូលរួមបោះឆ្នោតសកលឆ្នាំ២០១៨ បានទទួលមរណភាព ហើយនៅថ្ងៃទី២៤សីហានេះ។ លោកហួន រាជចំរើន ត្រូវមន្ត្រីបក្សរបស់ខ្លួនបញ្ជាក់ថាគាត់បានស្លាប់ដោយសារ តែមានជម្ងឺប្រចាំកាយជាច្រើនមុខ ប៉ុន្តែមិនជាប់ពាក់ព័ន្ធនឹងការឆ្លងនូវជម្ងឺកូវីដ១៩នោះទេ។ សេចក្តីរាយការណ៍ បានឲ្យដឹងសាកសពរបស់លោកត្រូវបានក្រុមគ្រួសារស្នើសុំធ្វើពិធីបុណ្យជាលក្ខណៈគ្រួសារក្នុងវត្តអង្គតាមិញ ខណ្ឌសែនសុខ រាជធានីភ្នំពេញ។ សូមបញ្ជាក់ថាក្នុងការចូលរួមបោះឆ្នោតសកលឆ្នាំ២០១៨, គណបក្សអភិវឌ្ឍន៍ សេដ្ឋកិច្ច មិនបានទទួលជោគជ័យក្នុងការរកសម្លេងណាមួយបានក្នុងរដ្ឋសភាឡើយ។ គណបក្សនេះ បានទទួល សម្លេងគាំទ្រនូវចំនួនសន្លឹកឆ្នោត២ម៉ឺន៣ពាន់២៥៥សន្លឹកតែប៉ុណ្ណោះ។

គ្រឹះស្ថានមីក្រូហិរញ្ញវត្ថុ Active People PLC ដែលមានទីតាំងស្ថិតនៅផ្លូវលេខ៦ ភូមិ៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ មានអ្នកឆ្លងកូវីដ១៩ប្រភេទបំប្លែងថ្មី Delta បានចេញចូលនៅទីតាំងនោះ។

ភ្លៀងក្នុងមួយសប្តាហ៍ទៅមុខទៀតនេះ នឹងបន្ដធ្លាក់ច្រើនជាងសប្តាហ៍ខណៈកម្ពុជា ទទួលរងនូវឥទ្ធិពលពីជ្រលង សម្ពាធទាបឥណ្ឌាក្នុងកម្រិតខ្លាំង និងការរំពឹងអាចកើតឡើងនូវជ្រលងសម្ពាបទាប ITCZ សារជាថ្មីថែមទៀត ។

ថ្ងៃឈប់សម្រាកការងាររបស់មន្ត្រីរាជការ, និយោជិត, កម្មករ សម្រាប់ឆ្នាំ២០២២ នឹងមានរយៈពេល២១ថ្ងៃ។  យោងតាមអនុក្រឹត្យស្តីពីប្រតិទិនឈប់សម្រាកការងារ, ថ្ងៃឈប់សម្រាក២១ថ្ងៃសម្រាប់ឆ្នាំក្រោយ គឺដូចគ្នានឹង ចំនួនថ្ងៃឈប់សម្រាកក្នុងឆ្នាំ២០២១នេះផងដែរ។