ខេត្តត្បូងឃ្មុំ បានបន្តរកឃើញអ្នកឆ្លងជំងឺកូវីដ១៩ ចំនួន៥៥ នាក់ថ្មីទៀត ក្នុងរយៈពេល២៤ ម៉ោងចុងក្រោយនេះ ដែលជាតួលេខឆ្លង បានកើនខ្ពស់ជាងម្សិលមិញចំនួន ៤នាក់ ។ យោងតាមរដ្ឋបាលខេត្ត, ការឆ្លងថ្មីនៅថ្ងៃនេះ បានកើតលើពលរដ្ឋមានទីលំនៅក្រុងសួងម្នាក់, ស្រុកតំបែរ ២នាក់, ស្រុកមេមុត ៦នាក់, ស្រុកត្បូងឃ្មុំ ១០នាក់, ស្រុកពញាក្រែកចំនួន ៣៦នាក់ ។

ខេត្តក្រចេះ ក្នុងរយៈពេល ២៤ម៉ោង ចុងក្រោយនេះបានបន្តរកឃើញអ្នកឆ្លងជំងឺកូវីដ១៩ ចំនួន ៣៦នាក់ បន្ថែម ទៀត ដែលជាតួលេខឆ្លងថយចុះចំនួន ១៣នាក់ ធៀបនឹងការរកឃើញកាលពីម្សិលមិញ ។

ខេត្តស្វាយរៀងបានរកឃើញអ្នកឆ្លងជំងឺកូវីដ-១៩ថ្មីចំនួន៥នាក់ ដែលជាតួលេខឆ្លងថយចុះ៦នាក់បើប្រៀបធៀប នឹងម្សិលមិញ។ យោងតាម រដ្ឋបាលខេត្ត ការឆ្លងថ្មីទាំង៥នាក់នោះ រួមមានកម្មកររោងចក្រម្នាក់, អ្នកមានអាការៈ សង្ស័យចំនួន៣នាក់ និងដំណើរ ចូលខេត្តស្វាយរៀងម្នាក់។

ខេត្តព្រៃវែងបានរកឃើញអ្នកឆ្លងជំងឺកូវីដ-១៩ថ្មីចំនួន៥២នាក់និងស្លាប់ម្នាក់ក្នុងរយៈពេល២៤ម៉ោងចុងក្រោយ។ នេះជាតួលេខឆ្លងកើន២៤នាក់និងតួលេខស្លាប់កើនម្នាក់ទៀត បើប្រៀបធៀបនឹងម្សិលមិញ។

ខេត្តកំពង់ចាមបានរកឃើញអ្នកឆ្លងជំងឺកូវីដ-១៩ថ្មីចំនួន៤០នាក់ ដែលជាតួលេខឆ្លងកើនខ្ពស់២៤នាក់ប្រៀប ធៀបនឹងម្សិលមិញ។

ខេត្តសៀមរាបរកឃើញឆ្លងជំងឺកូវីដ-១៩ ចំនួន៨៧នាក់ និងស្លាប់ម្នាក់ក្នុងរយៈពេល២៤ម៉ោងចុងក្រោយ។ នេះ ជាតួលេខឆ្លងថយចុះ៦នាក់ប្រៀបធៀបនឹងម្សិលមិញ។

ខេត្តឧត្តរមានជ័យ បានបន្តរកឃើញអ្នកឆ្លងជំងឺកូវីដ១៩ ចំនួន ៥៧នាក់ថែមទៀត ក្នុងរយៈពេល ២៤ម៉ោងចុង ក្រោយនេះ ដែលជាតួលេខឆ្លងកើនឡើងចំនួន ៣៤នាក់ ធៀបនឹងការរកឃើញកាលពីម្សិលមិញ ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៨ម៉ឺន៨ពាន់២៣០ ករណី និងការស្លាប់ថ្មីមានចំនួន២ពាន់៣១៨នាក់។ ការឆ្លងជំងឺកូវីដ១៩ក្នុងប្រទេសអាស៊ាននៅថ្ងៃនេះបានកើន ឡើងចំនួន៥ពាន់៥៥៤ករណី និងការស្លាប់វិញបានកើនឡើងចំនួន១២នាក់បើប្រៀបធៀបនឹង ម្សិលមិញ។

មនុស្សចំនួន២៩៧នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើស បំពានវិធានរដ្ឋបាល និងវិធានសុខាភិបាលក្នុងស្ថានការណ៍ដែលរាជរដ្ឋាភិបាល កំពុងបន្តឹង ការអនុវត្តច្បាប់ប្រឆាំងនឹងការឆ្លងកូវីដ ១៩។

រាជធានីភ្នំពេញ បានដាក់ចេញនូវវិធានការរដ្ឋបាលរយៈពេល១៤ថ្ងៃទៀតហើយក្រោយការឆ្លងវីរុសកូវីដ១៩ជា ពិសេសវីរុសបំប្លែងថ្មី Delta កំពុងតែបង្កើនការឆ្លងកាន់តែខ្លាំង។ ក្នុងរាជធានីភ្នំពេញ, វីរុសកូវីដ១៩ប្រភេទបំប្លែង ថ្មី Delta ត្រូវបានរកឃើញមានចំនួនច្រើនជាងគេក្នុងចំណោមការឆ្លងតាមខេត្តនិងក្រុងទាំង២៣។ ក្នុងចំណោម ការឆ្លងវីរុសបំប្លែងថ្មី Delta ដែលរកឃើញសរុប១ពាន់៣២៥នាក់, រាជធានីភ្នំពេញ បានឆ្លងច្រើនជាងគេដល់ ចំនួន៣២៦នាក់។