ពានរង្វាន់បាល់ទាត់ពិភពលោក FIFA WORLD CUP ដែលបាននិងកំពុងធ្វើដំណើរតាម បណ្តាប្រទេស៥១លើសកលលោកនោះ នឹងមកដល់កម្ពុជានៅថ្ងៃទី១៥មិថុនាខាងមុខនេះ ហើយ។

សង្គ្រាមក្នុងតំបន់ភាគខាងកើតប្រទេសអ៊ុយក្រែន នៅតែបន្តភាពស៊ីសាច់ហុតឈាមគ្នា ខណៈអំពើលុកលុយឈ្លានពានរុស្ស៊ីបានឈានចូលថ្ងៃទី៩២ហើយ។

សម្តេចតេជោ ហ៊ុន សែន បានធ្វើការសម្រេចដ៏ធំមួយទាក់ទងនឹងការកាត់ឆ្វៀលដីជូនប្រជាប្រពលរដ្ឋធ្វើជាកម្មសិទ្ធិ ក្នុងតំបន់បឹងទន្លេសាប។

គណៈកម្មការរៀបចំការបោះឆ្នោតខេត្តសៀមរាប ព្រមាននឹងចាត់វិធានការច្បាប់ចំពោះគណបក្សភ្លើងទៀន បើសិនជានៅតែបន្តការស្រែកជ័យឃោសក្នុងការឃោសនាគាំទ្រគណបក្ស សង្គ្រោះជាតិ។

ប្រមុខរាជរដ្ឋាភិបាលកម្ពុជា បានចូលរួមថ្លែងសុន្ទរកថា ក្នុងសន្និសីទអន្តរជាតិលើកទី ២៧ ស្តីពីអនាគតរបស់អាស៊ី និងបានអំពាវនាវពិភពលោកត្រូវគោរពអធិបតេយ្យភាព និងឯករាជ្យ ភាពគ្នា និងផ្តល់សិទ្ធិជម្រើសដឹកនាំស្របតាមលក្ខខណ្ឌ និងលក្ខណៈពិសេសរបស់ប្រទេស នីមួយៗ។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ១ម៉ឺន ៣ពាន់ ៦៥១ករណី និងការស្លាប់ថ្មីមានចំនួន ៥២នាក់ ។ តួលេខឆ្លងនៅថ្ងៃនេះ មាន ការថយចុះចំនួន ១ពាន់ ១១៩ករណី ប៉ុន្តែការស្លាប់មានក៏មានការកើនឡើងចំនួន ២នាក់ បើប្រៀបធៀបនិងម្សិលមិញ ។ ប្រទេសថៃ គឺជាប្រទេសដែលមានតួលេខឆ្លងច្រើនជាង គេបង្អស់នៅថ្ងៃនេះ។ ដោយឡែកប្រទេសកម្ពុជា គឺជាប្រទេសដែលមិនមានករណីឆ្លង ថ្មីនោះឡើយ ។

កម្ពុជាបានបន្តសម្រុកការចាក់វ៉ាក់សាំងបើទោះបីជាកម្ពុជាគ្មានការឆ្លងកូវីដ១៩ រយៈពេល ១៩ថ្ងៃ ជាប់គ្នាមកនេះក៏ដោយ ។ យោងតាមក្រសួងសុខាភិបាល តួលេខអ្នកចាក់វ៉ាក់សាំង ដូសមូលដ្ឋានទូទាំងប្រទេសគិតត្រឹមថ្ងៃនេះ បានកើនដល់ចំនួន ១៥លាន ២ម៉ឺន ៨ពាន់ ៤៧៩ នាក់ ដែលស្មើនឹង ៩៣,៩៣ភាគរយ ។

តួលេខអ្នកឆ្លងជំងឺកូវីដ១៩ក្នុងប្រទេសកម្ពុជារយៈពេល២៤ម៉ោងនេះ បានស្ថិតក្នុងចំណុច សូន្យជាដដែល ដែលនាំឱ្យការមិនឆ្លងសោះមានចំនួន១៩ថ្ងៃជាប់គ្នាជាបន្តបន្ទាប់។

សារធាតុញៀនជាង១ពាន់៤០០គីឡូក្រាម និងសារធាតុគីមីជាង១១តោន ត្រូវបានបង្ក្រាប នៅក្នុងរាជធានីភ្នំពេញនិងខេត្តកំពង់ស្ពឺ។

មេបញ្ជាការកងទ័ពជើងគោក បានថ្លែងដាស់តឿនថា គេត្រូវតែបន្តការត្រៀមប្រុងប្រយ័ត្ន ចំពោះជម្ងឺឆ្លងរាតត្បាតកូវីដ១៩ ខណៈជម្ងឺនេះនៅតែបន្តការគំរាមដល់ប្រទេសលើពិភពលោកនេះនៅឡើយទេ បើទោះជាកម្ពុជាអាចគ្រប់គ្រងការឆ្លងរាលដាលនេះ បានដោយ ជោគជ័យក៏ដោយ។