កម្ពុជាបានបន្តសម្រុកការចាក់វ៉ាក់សាំងបើទោះបីជាកម្ពុជាគ្មានការឆ្លងកូវីដ១៩ រយៈពេល ១៨ថ្ងៃ ជាប់គ្នាមកនេះក៏ដោយ ។ យោងតាមក្រសួងសុខាភិបាល តួលេខអ្នកចាក់វ៉ាក់សាំង ដូសមូលដ្ឋានទូទាំងប្រទេសគិតត្រឹមថ្ងៃនេះ បានកើនដល់ចំនួន ១៥លាន ២ម៉ឺន ៥ពាន់ ៨៣៧ នាក់ ដែលស្មើនឹង ៩៣,៩១ភាគរយ ។

បុរសជាតិចិន៣នាក់ សារធាតុញៀនជាង៨០គីឡូក្រាមត្រូវបានសមត្ថកិច្ចបង្ក្រាប បាននៅ រាជធានីភ្នំពេញ និងនៅក្នុងក្រុងព្រះសីហនុ។

មនុស្សយ៉ាងហោច៧នាក់ ត្រូវបានឆ្កែចចកខាំបណ្តាលឱ្យរងរបួសខណៈកំពុងចាប់ចង្រិតនៅ តាមរណ្ដៅដាក់អំពូលក្នុងភូមិព្រែរបោះមួយក្នុងខេត្តកំពង់ឆ្នាំង។ ហេតុការណ៍បាន កើតឡើង នាពេលព្រឹកថ្ងៃទី២៤ ខែឧសភា ឆ្នាំ២០២២ នៅចំណុច ភូមិស្នោ ឃុំខុនរ៉ង នៃស្រុកបរិបូណ៌។

ខេត្តសៀមរាប បានបង្កើតគម្រោងកែច្នៃកាកសំណល់មនុស្សពីបង្គន់ ធ្វើជាជីសរីរាង្គ និងជីមមោគ។ គម្រោងកែច្នៃនោះ គឺជាថវិកាហិរញ្ញប្បទានពីប្រទេសបារាំងតម្លស១៧០ម៉ឺនអឺរ៉ូ ។

ក្រសួងសុខាភិបាលកម្ពុជាបាន ចេញសេចក្តីណែនាំពីវិធានការការពារជាមុននូវការចម្លង ជំងឺអុតស្វា ដែលកំពុងរាលដាលលើសាកលលោក ។

តួលេខអ្នកឆ្លងជំងឺកូវីដ១៩ក្នុងប្រទេសកម្ពុជារយៈពេល២៤ម៉ោងនេះ បានស្ថិតក្នុងចំណុច សូន្យជាដដែល ដែលនាំឱ្យការមិនឆ្លងសោះមានចំនួន១៨ថ្ងៃជាប់គ្នាជាបន្តបន្ទាប់។

អ្នកនាំពាក្យ គ.ជ.ប បានថ្លែងថា សកម្មភាពនានារបស់អតីតមន្ត្រីគណបក្សសង្គ្រោះជាតិ ដែល ជាប់បំរាមធ្វើនយោបាយ ពាក់ព័ន្ធនឹងគណបក្សភ្លើងទៀន អាចនឹងក្លាយជាបញ្ហានាំទៅរកការ ស៊ើបអង្កេត ។

សម្តេចតេជោ ហ៊ុន សែន ត្រៀមនឹងចូលរួមធ្វើសុន្ទរកថាតាមប្រព័ន្ធវីដេអូក្រោយពេល អញ្ជើញមកដល់កម្ពុជាក្នុងការចូលរួមសន្និសីទអន្តរជាតិលើកទី២៧ ស្ដីពី «អនាគតរបស់ អាស៊ី»។

សង្គ្រាមឈ្លានពានរបស់រុស្ស៊ីបានឈានចូល ដល់ថ្ងៃទី៩០ហើយ ខណៈក្រុងចំនួនពីរ​ដែលស្ថិតនៅអម​ដង​ទន្លេ​នៅភាគខាងកើត​អ៊ុយក្រែន បានស្ថិតក្នុងការវាយ ប្រហារដ៏ខ្លាំងក្លា ពីសំណាក់ទាហានរុស្ស៊ី។