ចំនួនមនុស្សដែលបានចាក់វ៉ាក់សាំងនៅទូទាំងប្រទេសមានចំនួន៦លាន៧សែន៤ម៉ឺន១ពាន់៧៨២នាក់ហើយ ក្នុងគម្រោងចាក់លើមនុស្សចំនួន១០លាននាក់ក្នុងជំហានដំបូង។ យោងតាមក្រសួងសុខាភិបាលក្នុងចំនួនពល រដ្ឋពីអាយុ១៨ឆ្នាំឡើង ដែលបានចាក់ជាង៦លាន៧សែននាក់រួចមកនេះ, អ្នកបានចាក់វ៉ាក់សាំងដូសទី២រួច មានចំនួន៤លាន៤សែន៨ម៉ឺន១ពាន់៦៨៣នាក់។ កម្ពុជាមុននេះ បានដាក់គម្រោងចាក់វ៉ាក់សាំងលើពលរដ្ឋ១០ លាននាក់ក្នុងជំហានដំបូងនោះ ត្រូវធ្វើឲ្យហើយនៅក្នុងខែវិច្ឆិកា ប៉ុន្តែយោងតាមប្រសាសន៍បញ្ជាក់របស់សម្តេច នាយករដ្ឋមន្ត្រីកាលពីសប្តាហ៍មុន ការចាក់វ៉ាក់សាំងលើពលរដ្ឋ១០លាននាក់នឹងអាចត្រូវក្នុងរង្វង់ខែតុលា។ នៅទន្ទឹមនឹងនេះដែរ នៅថ្ងៃអាទិត្យទី១សីហាខាងមុខនេះទៀត យុទ្ធនាការចាក់វ៉ាក់សាំងលើកុមារវ័យជំទង់ចាប់ពី អាយុ១២ដល់១៧ឆ្នាំប្រមាណជិត២លាននាក់ នឹងត្រូវធ្វើបន្ថែមទៀតដោយចាប់ផ្តើមចេញពីរាជធានីភ្នំពេញជា មុនដែលជាកន្លែងមានការផ្ទុះឆ្លងច្រើនជាងគេក្នុងសហគមន៍នាពេលនេះ។

ក្រសួងសុខាភិបាលបានព្រមានដាស់តឿននៅថ្ងៃទី២៦កក្កដាជុំវិញវិធានការនិងការប្រុងប្រយ័ត្នទប់ស្កាត់គ្រោះ មហន្តរាយឆ្លងកូវីដ១៩ជាពិសេស វីរុសDelta ដែលជាវីរុសធ្លាប់បង្កគ្រោះមហន្តរាយឆ្លងកូវីដ១៩ក្នុងប្រទេស ឥណ្ឌា។ យោងតាមក្រសួងសុខាភិបាល វីរុស Delta ត្រូវបានគេរកឃើញមានការកើនឡើងជារៀងរាល់ថ្ងៃ បន្ទាប់ ពីមុននេះ សេចក្តីរាយការណ៍បញ្ជាក់ថាមានតែចំនួន៧៥ករណីនោះទេ។ ក្រសួងសុខាភិបាល បានដាក់បញ្ជាដល់រដ្ឋបាលរាជធានីខេត្តទាំង២៥នៅទូទាំងប្រទេស ត្រូវរៀបចំ យុទ្ធនា ការអនុវត្តយុទ្ធសាស្ត្រផ្សព្វផ្សាយ៦ចំណុចដែលជាអនុសាសន៍ដ៏ខ្ពង់ខ្ពស់របស់សម្តេចនាយករដ្ឋមន្ត្រី ទន្ទឹមនឹង ការ ព្រួយបារម្ភជុំវិញគ្រោះមហន្តរាយនៃជម្ងឺឆ្លងរាតត្បាតក្នុងរលកទី៣ឆ្លងចូលក្នុងសហគមន៍ជាពិសេស វីរុស ប្លែងថ្មី Delta ប្រសិនណាបើមិនមិនវិធានការណ៍ដាក់ចេញដោយប្រសិទ្ធភាព នាពេលនេះទេ។ លិខិត របស់ក្រសួងសុខា ភិបាលថ្ងៃច័ន្ទនេះទៅកាន់រដ្ឋបាលរាជធានីខេត្តទាំង២៥ បានសរសេរថា «ស្ថានភាពរាតត្បាត នៃជម្ងឺកូវីដ១៩កំពុង ឈានទៅរកការឆ្លងរីករាលដាលទ្រង់ទ្រាយធំនៅក្នុង សហគមន៍ដែលនឹងបង្កជាមហន្តរាយ ធំដល់ប្រព័ន្ធសុខាភិ បាលនិងធ្វើឲ្យបាត់បង់អាយុជីវិតប្រជាជនរួមទាំងផល វិបាកសង្គមនិងសេដ្ឋកិច្ចធ្ងន់ធ្ងរ»។

ការឆ្លងកូវីដ១៩ក្នុងសហគមន៍ក្នុងរយៈពេល២៤ម៉ោងចុងក្រោយនេះ មានចំនួន៧៧៨ករណី ដែលជាតួលេខ ថយ៤១ករណីបើប្រៀបធៀបនឹងម្សិលមិញ។ ក្នុងចំណោមការឆ្លងទាំងជាង៧០០ករណីថ្ងៃនេះ, ការឆ្លងចូលក្នុង សហគមន៍មានចំនួន៣០៣ករណីប៉ុន្តែការឆ្លងមកពីក្រៅ​ប្រទេសបានកើនច្រើនដល់៤៧៥ករណី។ ការឆ្លងមកពី ក្រៅប្រទេសគឺជាករណីដែលក្រសួងសុខាភិបាលបាននិងកំពុងព្រួយបារម្ភទន្ទឹមនឹងការចាត់វិធានការណ៍ប្រុង ប្រយ័ត្នទប់ទល់ការឆ្លងវាយលុកនាំចូលមកពីក្រៅប្រទេសជាពិសេសវីរុសបំប្លែងថ្មី Delta ។ កម្ពុជាក្នុងរយៈ២៦ថ្ងៃនៃខែកក្កដានេះ, ការឆ្លងជាង៩០០ករណីមាន១៣លើក, ការឆ្លងជាង ៨០០ករណី មាន១១ លើក និងការឆ្លងជាង៧០០ករណីមាន២លើករួមទាំងការឆ្លង៧៧៨ករណីថ្ងៃនេះ។ ការស្លាប់ថ្មី ក្នុងរយៈពេល២៤ ម៉ោងចុង ក្រោយនេះមានចំនួន២២នាក់ ដែលថយចុះ៧នាក់ប្រៀបធៀបនឹងម្សិលមិញ។ ចំនួនមនុស្សដែលបាន ឆ្លងក្នុងព្រឹត្តិការណ៍សហគមន៍២០កុម្ភៈ រយៈពេល១៥៨ថ្ងៃកន្លងមកនេះ បានកើន ឡើងដល់៦ម៉ឺន៤ពាន់៥៤៩ ករណី ។ កម្ពុជាគិតត្រឹមថ្ងៃទី២៦ខែកក្កដា ឆ្នាំ២០២១ ការឆ្លងសរុបទូទាំងប្រទេស មានចំនួន៧ម៉ឺន៣ពាន់ ៧០១ ករណី, ការស្លាប់សរុបមានចំនួន១ពាន់៣០៥នាក់ និងការព្យាបាលជាសះស្បើយ សរុប មានចំនួន៦ម៉ឺន ៥ពាន់៩៦០នាក់។

សម្តេចតេជោ ហ៊ុន សែន បានផ្ញើសារលិខិតចូលរួមរំលែកទុក្ខនាយករដ្ឋមន្ត្រីប្រទេសចិនជុំវិញករណីគ្រោះទឹក ជំនន់នាភាគកណ្តាលប្រទេស។ ព្យុះភ្លៀងបង្កទឹកជំនន់ក្នុងខេត្តហឺណាននៃប្រទេសចិនចាប់តាំងពីថ្ងៃទី១៧កក្កដា នោះមក មានមនុស្សបាត់បង់ជីវិតមានយ៉ាងហោច៦៣នាក់និងមនុស្សច្រើននាក់ទៀតបានបាត់ខ្លួន។ មនុស្សជា ច្រើនលាននាក់បានប៉ះរងផលប៉ះពាល់និងត្រូវបានគេជម្លៀសចេញពីទីលំនៅដ្ឋានដែលរងការលិចលង់គ្រាដែល ទឹកភ្លៀងបានធ្លាក់ក្នុងមួយម៉ោងមានច្រើនដល់ជាង២០១មីលីម៉ែត្រឯណោះ។ សារលិខិតរបស់សម្តេចតេជោហ៊ុន សែនទៅកាន់នាយករដ្ឋមន្ត្រីចិនលោកលឺខឺឈាំង និងត្រូវបានផ្សព្វផ្សាយក្នុងបណ្តាញសង្គមថ្ងៃទី២៦កក្កដានេះ បានសរសេរថា «ខ្ញុំមានសេចក្តីក្រៀមក្រំយ៉ាងក្រៃលែង ដោយបានទទួលដំណឹងថា ជំនន់ទឹកភ្លៀងនៅក្នុងខេត្ត ហឺណាន ភាគកណ្តាលប្រទេសចិន បានបណ្តាលឱ្យមនុស្សបាត់បង់ជីវិត, បង្កផលប៉ះពាល់ដល់ មនុស្សជាង បីលាននាក់ និងបំផ្លិចបំផ្លាញដល់ទ្រព្យសម្បត្តិយ៉ាងធ្ងន់ធ្ងរ»។ សម្តេចតេជោបានថ្លែងក្នុងសារ លិខិតថា តាងនាម ឱ្យរាជរដ្ឋាភិបាល និងប្រជាជនកម្ពុជា សម្តេច សូមសម្តែងនូវសមានទុក្ខយ៉ាងជ្រាលជ្រៅ និងសូម ចូលរួមរំលែ ក ទុក្ខយ៉ាងក្រៀមក្រំ ជូនចំពោះលោកនាយករដ្ឋមន្រ្តីចិន លី ខឺឈាំង និងជូនចំពោះប្រជាជនចិន ជាពិសេសជន រងគ្រោះ និងក្រុមគ្រួសារជនរងគ្រោះ ក្នុងគ្រោះមហន្តរាយនេះ។

ភោជនីយដ្ឋាន កុងហ្វូឃីតឈិន (Kung Fu Kitchen) មានអ្នកឆ្លងកូវីដ១៩បានចេញចូលនៅទីនោះ។  ភោជ នីយដ្ឋាន កុងហ្វូឃីតឈិន (Kung Fu Kitchen)  មានទីតាំង ស្ថិតនៅផ្លូវ៣០២ សង្កាត់បឹងកេងកង១ ខណ្ឌបឹង កេងកង រាជធានីភ្នំពេញ។ អនុគណៈកម្មការស្រាវជ្រាវជំងឺកូវីដ-១៩ បានជូនដំណឹងថា មានអ្នកជំងឺកូវីដ១៩ បានចូលហូបអាហារនៅ ភោជនីយដ្ឋាន កុងហ្វូឃីតឈិន (Kung Fu Kitchen) នោះ។ អនុគណៈកម្មការស្រាវជ្រាវ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេល វេលានោះ កាលពីថ្ងៃទី ១៨ ខែកក្កដា ត្រូវ ដាក់ខ្លួន ដាច់ដោយឡែក និងយកចិត្តទុកដាក់ តាមដាន សុខភាពរបស់ខ្លួនរយៈ ពេល ១៤ ថ្ងៃ។

អ្នកដែលធ្លាប់បានទៅឬធ្លាប់មានទំនាក់ទំនងជាមួយ តូបលេខ០១លក់ស្បែកជើង ក្នុងផ្សារ ធំទួលសង្កែ ត្រូវប្រ ញាប់ធ្វើ ចត្តាឡីស័ក និងតាមដានសុខភាព។ តូបលេខ០១លក់ស្បែកជើង ក្នុងផ្សារ ធំទួលសង្កែ មានទីតាំង ស្ថិតនៅស្ថិតនៅក្នុង សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។ អនុគណៈកម្មការស្រាវជ្រាវជំងឺកូវីដ-១៩ បានជូនដំណឹងថា មានអ្នកជំងឺកូវីដ១៩ គឺជាអាជីវករលក់ស្បែកជើង តូបលេខ០១លក់ស្បែកជើង ក្នុងផ្សារ ធំទួលសង្កែ នោះ។ អនុគណៈកម្មការស្រាវជ្រាវ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និង ពេល វេលានោះ រវាងពីថ្ងៃទី១២ ដល់ថ្ងៃទី១៩ ខែកក្កដា ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដាន សុខភាពរបស់ខ្លួនរយៈ ពេល ១៤ ថ្ងៃ។

ផ្សារទំនើប ឡាក់គី (LUCKY SUPERMARKET) នៃសាខាផ្សារស្ទឹងមានជ័យថ្មី មានអ្នកឆ្លងកូវីដ១៩។ ផ្សារទំនើប ឡាក់គី សាខាផ្សារស្ទឹងមានជ័យថ្មី មានទីតាំង ស្ថិតនៅផ្លូវ២១៧ សង្កាត់ស្ទឹង មានជ័យទី៣ ខណ្ឌមានជ័យ រាជធានីភ្នំពេញ។ អនុគណៈកម្មការស្រាវជ្រាវជំងឺកូវីដ-១៩ បានជូនដំណឹងថា មានអ្នកជំងឺកូវីដ១៩ បានចូលទៅ ផ្សារទំនើប ឡាក់គី សាខាផ្សារស្ទឹងមានជ័យថ្មី នោះ។ អនុគណៈកម្មការស្រាវជ្រាវ បានអំពាវនាវដល់ប្រ ជាពល រដ្ឋ ដែលធ្លាប់បានទៅទីកន្លែង និងពេល វេលានោះ កាលពីថ្ងៃទី១៥ ខែកក្កដា ត្រូវដាក់ខ្លួន ដាច់ដោយឡែក និង យកចិត្តទុកដាក់ តាមដាន សុខភាពរបស់ខ្លួនរយៈ ពេល ១៤ ថ្ងៃ។

ក្រុមហ៊ុនចំនួន២ដែលមានទុននិយោគចំនួន៧លាន៨សែនដុល្លារអាមេរិក ត្រូវបានក្រុមប្រឹក្សាអភិវឌ្ឍន៍កម្ពុជា CDC បានសម្រេចអោយធ្វើការបណ្តាក់ទុន។ ក្រុមហ៊ុនទាំង២ដែលអាចបង្កើត ការងារដល់ពលរដ្ឋបានចំនួន ៣៨០កន្លែងនោះរួមមាន៖ ១- ក្រុមហ៊ុន កាថាយ៉ា “CATHAYA (CAMBODIA) CO., LTD.” ក្នុងគម្រោងបង្កើតរោងចក្រវាយនភណ្ឌ ដែល មានទីតាំង ក្នុងតំបន់សេដ្ឋកិច្ពិសេស ក្រុងព្រះសីហនុនៃ ខេត្តព្រះសីហនុ។ ក្រុមហ៊ុននេះ មានទុនវិនិយោគ ប្រមាណ២លាន៨សែនដុល្លារអាមេរិក និងអាចបង្កើតការងារចំនួន ១៧០នាក់។ ២- ក្រុមហ៊ុន “CK SPORTS CO., LTD.” ក្នុងគម្រោងបង្កើតរោងចក្រផលិតស្បែកជើង, គ្រឿងបន្សំស្បែកជើង និងសម្ភារៈកីឡា ដែលមានទីតាំងក្នុងតំបន់សេដ្ឋកិច្ចពិសេស មេនហាតធេនក្នុងក្រុងបាវិត ខេត្តស្វាយរៀង។ ក្រុម ហ៊ុននេះមានទុនវិនិយោគចំនួន ៥លានដុល្លារអាមេរិក ដែលនឹងបង្កើតការងារបានចំនួនប្រមាណ ២១០នាក់។ គិតចាប់ពីដើមខែកក្កដាដល់ ថ្ងៃទី២៣ខែកក្កដា ឆ្នាំ២០២១នេះ ក្រុមហ៊ុនដែលទទួលបានការអនុញ្ញាតបណ្តាក់ទុន មានចំនួន៦ក្រុមហ៊ុន ជាមួយទឹកប្រាក់វិនិយោគសរុប៥៨លាន៩សែន ដុល្លារ និងអាចជួយ បង្កើតការងារ ជួន ប្រជាពលរដ្ឋ បាន៨ពាន់៥៣៥កន្លែង។

សមត្ថកិច្ចបានថ្លែងថ្ងៃនេះនូវការបង្ក្រាបគ្រឿងញៀនជាង៥០គីឡូក្រាម និងបានបញ្ជាក់ការចាប់ខ្លួន ជនសង្ស័យ ២នាក់ថែមទៀតក្នុងការបង្ក្រាបជាបន្តបន្ទាប់ក្នុងខណ្ឌឫស្សីកែវនិងខណ្ឌសែនសុខ រាជធានីភ្នំពេញ។ យោងតាម សមត្ថកិច្ចប្រឆាំង បទល្មើសគ្រឿងញៀន ការបង្ក្រាបបានធ្វើវេលាយប់ជ្រៅថ្ងៃទី២០កក្កដាក្នុងគោលដៅ ៤ផ្សេង គ្នា។ គោលដៅទី ១នៅចំណុចផ្លូវលំ, សង្កាត់ទួលសង្កែ១, ខណ្ឌឬស្សីកែវ, គោលដៅទី២ នៅចំណុចអតីតរោង ចក្រទឹកដោះគោ លើផ្លូវជាតិលេខ៥, សង្កាត់ទួលសង្កែ១, ខណ្ឌឬស្សីកែវ, គោលដៅទី៣នៅចំណុចផ្ទះជួលមួយ ក្នុងភូមិទួលថ្លាន់ សង្កាត់ទួលសង្កែ២ ខណ្ឌឬស្សីកែវ និងគោលដៅទី៤ នៅផ្ទះមួយលើផ្លូវបេតុង, ភូមិក្រាំងធ្នង់ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។ ក្នុងប្រតិបត្តិការនោះ សមត្ថកិច្ចបានឃាត់ខ្លួនបុរសជាជន សង្ស័យ ២នាក់។ ជនសង្ស័យទី១ ឈ្មោះ សាន ពិសិដ្ឋ អាយុ ៣៧ ឆ្នាំ និងម្នាក់ទៀត ឈ្មោះ សុខ ពន្លក អាយុ ៣០ឆ្នាំ។ សមត្ថកិច្ចបានរឹបអូស សារធាតុញៀនសរុបជាង៥០គីឡូក្រាម ក្នុងនោះរួមមានមេតំហ្វេតាមីន(ICE) ៣០កញ្ចប់ធំ និង៤កញ្ចប់តូច ស្មើទម្ងន់ជាង៣០គីឡូក្រា, និងថ្នាំកេតាមីន២០កញ្ចប់ធំ…

កម្ពុជាបានរៀបចំសណ្ឋាគារចំនួន២ដល់អ្នកធ្វើដំណើរមកពីក្រៅប្រទេសតាមច្រកព្រលានយន្តហោះអន្តរជាតិ ភ្នំពេញក្នុងការធ្វើចត្តាឡីស័កក្នុងសម័យដែលជម្ងឺរាតត្បាតកូវីដ១៩មិនទាន់បានស្ងប់ស្ងាត់នេះ។ សណ្ឋាគារទាំង ២នោះ គឺសណ្ឋាគារសុខាភ្នំពេញនិងរ៉េស៊ី ដង់ និងសណ្ឋាគារ Courtyard Marriott Phnom Penh។