ខេត្តបាត់ដំបង បានរកឃើញអ្នកឆ្លងកូវីដ១៩ថ្មី ចំនួន ២៥នាក់ ក្នុងរយៈពេល ២៤ម៉ោងចុងក្រោយនេះ។ យោងតាមរដ្ឋបាលខេត្ត ការរកឃើញឆ្លងថ្មីនៅថ្ងៃនេះ រួមមានការឆ្លងនៅក្នុងសហគមន៍ចំនួន ១២នាក់ និងឆ្លង លើពលករដែលទើបត្រឡប់មកពីប្រទេសថៃចំនួន ១៣នាក់ ។ អ្នកទាំង២៥នាក់នោះ ជាពលរដ្ឋមានទីលំនៅនៅ ក្នុងក្រុង-ស្រុកចំនួន៨ រួមមានក្រុងបាត់ដំបង ស្រុកសង្កែ ស្រុកបវេល ស្រុភ្នំព្រឹក ស្រុកកំរៀង ស្រុកសំពៅលូន ស្រុកថ្មគោល និងស្រុកបានណន់ ។

ខេត្តកំពង់ចាមមានអ្នកឆ្លងកូវីដ-១៩ថ្មីចំនួន៦៧នាក់ក្នុងរយៈពេល២៤ម៉ោងចុងក្រោយដែលជាតួលេខថយចុះ ម្នាក់បើប្រៀបធៀបនឹងម្សិលមិញ។

ខេត្តត្បូងឃ្មុំមានអ្នកឆ្លងកូវីដ១៩ ចំនួន៧៤នាក់​ ក្នុងរយៈពេល២៤ម៉ោងចុងក្រោយនេះ។ នេះជាតួលេខកើន២៩ នាក់បើប្រៀបធៀបនឹងការឆ្លងម្សិលមិញដែលមានចំនួន៤៥នាក់។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ បានឆ្លងកូវីដ១៩ថ្មី មានចំនួន៣ម៉ឺន៧ពាន់ ៩៧០ករណី និងការស្លាប់ថ្មីមានចំនួន៥៩៩នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មី សរុបចំនួន៦៥៥ករណី ក្នុងនោះ៥៨៣ករណីជាការឆ្លងក្នុងសហគមន៍, និង៧២ករណីទៀតជាការនាំចូលពី ក្រៅប្រទេស។

ការឆ្លងកូវីដ១៩ថ្មីចូលក្នុងសហគមន៍ក្នុងរយ:ពេល២៤ម៉ោងកន្លងមកនេះ មានការកើនឡើងចំនួន៥០ករណីវិញ បើប្រៀបធៀបនឹងម្សិលមិញ។

កំណើនការចាក់វ៉ាក់សាំងបង្កាជម្ងឺកូវីដ១៩ បានបន្តកើនឡើងថែមទៀតនៅថ្ងៃនេះ ដែលតួលេខបង្ហាញថានៅ ទូទាំងប្រទេសចំនួនប្រជាពលរដ្ឋដែលបានចាក់វ៉ាក់សាំងបានកើនពីជាង៣លាន៥សែនឡើងដល់ជាង៣លាន៦សែននាក់ហើយក្នុងរយៈពេល២៤ម៉ោងចុងក្រោយនេះ។

លទ្ធផលជាផ្លូវការនៃដំណើរទស្សនកិច្ចរបស់រដ្ឋមន្ត្រីក្រសួងការបរទេសអង់គ្លេសនៅកម្ពុជា ត្រូវបានរាជរដ្ឋាភិ បាលបានបញ្ចេញក្នុងនោះរួមមានការជជែកលើកិច្ចការនយោបាយ, សន្តិសុខនិងការអភិវឌ្ឍសង្គមថ្មីៗរបស់ប្រ ទេសកម្ពុជា, កិច្ចសហប្រតិបត្តិការទ្វេភាគីរួមមានពាណិជ្ជកម្ម, សេដ្ឋកិច្ច, អប់រំ, ការបោសសំអាតមីន, សុខាភិ បាលនិងបរិស្ថាន។

លោក ប្រាជ្ញ ច័ន្ទ ត្រូវបានរដ្ឋសភាបោះឆ្នោតផ្តល់សេចក្តីទុកចិត្តជាប្រធានថ្មីនៃគណៈកម្មាធិការជាតិរៀបចំការ បោះឆ្នោត ក្នុងសម្លេងគាំទ្រទាំងស្រុង៨២សម្លេងនៃសម័យប្រជុំរដ្ឋសភាថ្ងៃនេះក្រោមអធិបតីភាពដ៏ខ្ពង់ខ្ពស់ សម្តេចអគ្គមហាពញាចក្រី ហេង សំរិន។

ព្រះករុណាព្រះមហាក្សត្រ បានធ្វើព្រះរាជសារកោតសរសើរសម្តេចប្រធានរដ្ឋសភា ហេង សំរិន និងសម្តេចនាយករដ្ឋមន្ត្រី ហ៊ុន សែន ក្នុងស្នាដៃបំរើជាតិមាតុភូមិកម្ពុជា។ ព្រះរាជសាររបស់ព្រះមហាក្សត្រដែលកោតសរសើរប្រមុខដឹកនាំរដ្ឋសភា និងប្រមុខដឹកនាំរាជរដ្ឋាភិបាល បានធ្វើឡើងនៅចំថ្ងៃដែលរដ្ឋសភាបានបើកសម័យប្រជុំលើកទី៦, នីតិកាលទី៦ នាព្រឹកថ្ងៃទី២៤មិថុនា ឆ្នាំ២០២១។

សមត្ថកិច្ចបានឃាត់ខ្លួនជនសង្ស័យចំនួន១២នាក់ នៅក្នុងការបង្រ្កាបគ្រឿងញៀនទូទាំងប្រទេសនៅថ្ងៃ ទី២៣ មិថុនា ។ ជនសង្ស័យដែលបានឃាត់ខ្លួនទាំង១២នាក់ គឺជាមុខសញ្ញាជួញដូរគ្រឿងញៀនទាំងអស់ ។ វត្ថុតាំងដែលបានចាប់សរុបក្នុងថ្ងៃទី២៣មិថុនា នេះ រួមមាន មេតំហ្វេតាមីន ICE ទម្ងន់ជាង ២៩ក្រាម និង២ កញ្ចប់តូច ។ការបង្ក្រាបគ្រឿងញៀននៅថ្ងៃនេះរួមមាន: ខេត្តកំពង់ចាម ខេត្តកំពង់ឆ្នាំង និងខេត្តបាត់ ដំបង ៕