អង្គការ UNDP បានថ្លែងថាគ្រោះថ្នាក់ចរាចរណ៍ គឺជាមូលហេតុនៃករណីបាត់បង់ជីវិតនិងការរងរបួសនាំមុខគេ បង្អស់នៅក្នុងកម្ពុជា។ សេចក្តីរាយការណ៍របស់អង្គការ UNDPដែលបានចេញផ្សាយថ្ងៃនេះ បានឲ្យដឹងថា គ្រោះ ថ្នាក់ចរាចរណ៍ក្នុងឆ្នាំ២០១៩ បានធ្វើឲ្យមនុស្សស្លាប់ជាង២ពាន់នាក់ដែលស្មើនឹងជាង៥នាក់ក្នុងមួយថ្ងៃ និងមាន មនុស្សជិត១ម៉ឺន៣ពាន់៧០០នាក់បានរងរបួស។ គ្រោះថ្នាក់ចរាចរណ៍ផ្លូវគោករបស់កម្ពុជានៅក្នុងឆ្នាំ២០១៩នោះ ត្រូវគេរាយការណ៍ថា បានធ្វើឲ្យកម្ពុជាខាតបង់ប្រាក់ចំនួន ៤៦៦លាន៨សែនដុល្លារ ដែលស្មើនឹង ១,៧% នៃ ផលិតផលសរុបប្រចាំឆ្នាំ។

គ្រោះធម្មជាតិរន្ទះបាញ់ បានសម្លាប់មនុស្ស២នាក់នៅក្នុងខេត្តកណ្តាល។ ហេតុការណ៍នោះបានកើតឡើងកាល ពីថ្ងៃទី២២ ខែមិថុនា ឆ្នាំ២០២១ នៅចំណុចទំនប់សង្កែសោម, ស្ថិតក្នុងភូមិពោធិតាប៉ាង ឃុំស្វាយប្រទាល ក្នុង ស្រុកស្អាង ខណៈពេលមេឃកំពុងធ្លាក់ភ្លៀងនិងខ្យល់ខ្លាំងនោះ យុវជនខ្មែរឥស្លាម២នាក់បាននាំគ្នាជ្រកនៅ ក្រោមដើមកាស្យា និងមានហេតុការណ៍រន្ទះបាញ់កើតឡើង។

ក្រុមសកម្មជនមាតាធម្មជាតិ៣នាក់ដែលកំពុងស្ថិតក្នុងការឃុំខ្លួនបណ្តោះអាសន្ន បានសារភាពនូវទោសកំហុស របស់ខ្លួនពាក់ព័ន្ធនឹងអំពើក្បត់ជាតិ, អំពើប្រមាថព្រះមហាក្សត្រជាទីគោរពសក្ការៈ និងអំពើរួមគំនិតក្បត់។

ខេត្តកំពត បានរកឃើញអ្នកឆ្លងជំងឺកូវីដ១៩ថ្មី ចំនួន ១៧នាក់ នៅក្នុងរយៈពេល ២៤ម៉ោង ចុងក្រោយនេះ ដែល ជាតួលេខឆ្លងធ្លាក់ចុះចំនួន ១៣នាក់ បើធៀបនឹងម្សិលម៉ិញ ដែលបានរកឃើញអ្នកឆ្លងចំនួន ៣០នាក់ ។

ខេត្តកោះកុងបានរកឃើញអ្នកឆ្លងកូវីដ១៩ ចំនួន ៩៧នាក់ ថែមទៀតហើយ ក្នុងរយៈពេល ២៤ម៉ោង ចុងក្រោយ នេះ ។ នេះគឺជាតួលេខឆ្លងខ្ពស់ចំនួន ៣នាក់ បើធៀបនឹងម្សិលម៉ិញ ដែលបានរកឃើញអ្នកឆ្លងចំនួន ៩៤នាក់ ។