ការឆ្លងកូវីដ១៩ថ្មីចូលក្នុងសហគមន៍ក្នុងរយ:ពេល២៤ម៉ោងកន្លងមកនេះមានការថយចុះចំនួន៨៧ករណីបើ ប្រៀបធៀបនឹងម្សិលមិញ។ ការឆ្លងចូលក្នុងសហគមន៍នៅថ្ងៃនេះមានចំនួន៥៣៣ករណី, ចំណែកការឆ្លងចូល ក្នុងសហគមន៍កាលពីម្សិលមិញមានចំនូន៦២០ករណី។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍ ២០កុម្ភៈ រយៈពេល១២៣ថ្ងៃកន្លងមកនេះ បានកើនឡើងដល់៤ម៉ឺន២ពាន់៨៥៨នាក់ ហើយ ។

កំណើនការចាក់វ៉ាក់សាំងបង្កាជម្ងឺកូវីដ១៩ បានកើនឡើងថែមទៀតនៅថ្ងៃនេះ ដែលតួលេខបង្ហាញថានៅទូទាំង ប្រទេសចំនួនប្រជាពលរដ្ឋដែលបានចាក់វ៉ាក់សាំង មានចំនួនជាង៣លាន៥សែននាក់ហើយ។

កម្ពុជាត្រៀមនឹងទទួលវ៉ាក់សាំងបង្ការជំងឺកូវីដ-១៩ ប្រភេទស៊ីណូវ៉ាក់ ចំនួន ១លានដូសថែមទៀតនាចុងសប្តាហ៍ នេះ។ កម្ពុជាកាលពីថ្ងៃទី១៩មិថុនាកន្លងមកនេះ ទើបបានទទួលវ៉ាក់សាំងស៊ីណូវ៉ាក់បញ្ជាទិញពីប្រទេសចិនចំនួន មួយលានដូស និងរំពឹងការទទួលវ៉ាក់សាំងរហួតដល់ចំនួន២លានដូសថែមទៀតរហូតដល់ដំណាច់ខែមិថុនា។

កម្ពុជាគ្រោងនឹងប្រើសត្វសុនខហិតរកមេរោគកូវីដ១៩ជាលើកដំបូងនៅពាក់កណ្តាលខែកក្កដាខាងមុខនេះ។ ការត្រៀមប្រើប្រាស់សត្វសុនខដើម្បីហិតរកមេរោគកូវីដ១៩នោះ បានបញ្ជាក់តាមរយៈប្រធាន មជ្ឈមណ្ឌល សកម្មភាពកម្ចាត់មីនកម្ពុជាលោកហេងរតនា។

ឯកអគ្គរដ្ឋទូតសហរដ្ឋអាមេរិក បានធ្វើដំណើរទៅកាន់ខេត្តកំពង់ចាមក្នុងដំណើរទស្សនកិច្ចមួយដែលគេចាត់ ទុកថាដើម្បីស្វែងយល់អំពីការងារគ្រប់គ្រងជម្ងឺកូវីដ-១៩ និងសក្តានុពលអភិវឌ្ឍន៍នៅក្នុងខេត្តកំពង់ចាម។ ដំណើរទស្សនកិច្ចរបស់ លោក Patrick Murphy នៅក្នុងខេត្តកំពង់ចាមនោះ បានធ្វើនារសៀលថ្ងៃទី២២មិថុនា ដោយបានជួបសំណេះសំណាលនិងពិភាក្សាការងារ ជាមួយលោកអភិបាលខេត្ត អ៊ុន ចាន់ដា។

រដ្ឋមន្ត្រីក្រសួងការបរទេសអង់គ្លេសក្រោយជំនួបជាមួយនឹងរដ្ឋមន្ត្រីបរិស្ថានកម្ពុជា បានអញ្ជើញជួបរដ្ឋមន្ត្រី ក្រសួងការបរទេសកម្ពុជា មុននឹងបញ្ចប់ដំណើរទស្សនកិច្ចក្នុងប្រទេសកម្ពុជា។

រដ្ឋមន្ត្រីការបរទេសអង់គ្លេសបានបំពេញទស្សនកិច្ចមួយថ្ងៃនៅកម្ពុជាដោយបានចាប់ផ្តើមជំនួបនាព្រឹកថ្ងៃទី២៣ មិថុនាជាមួយនឹងរដ្ឋមន្ត្រីក្រសួងបរិស្ថានកម្ពុជាលោក សាយ សំអាល់ ។ មន្ត្រីនាំពាក្យក្រសួងបរិស្ថានលោក នេត្រ ភក្ត្រា បានថ្លែងថារដ្ឋមន្ត្រីនៃប្រទេសទាំង២បានបញ្ជាក់ជុំវិញកិច្ចសហប្រតិបត្តិការល្អ និង ភាពជាដៃគូរវាង ប្រទេសទាំងពីរលើវិស័យបរិស្ថាន។

គ្រោះថ្នាក់ចរាចរណ៍នៅថ្ងៃទី២២មិថុនាឆ្នាំ២០២១នេះ បានបង្កអោយមានមនុស្សស្លាប់០៣នាក់ និងមានអ្នករងរបួសធ្ងន់ និងស្រាល០៦នាក់ ។ សេចក្តីរាយការណ៍ទិន្នន័យគ្រោះថ្នាក់ចរាចរណ៍ផ្លូវ​គោកទូទាំង​ប្រទេស បានបញ្ជាក់ថា គ្រោះថ្នាក់ដែលបង្កឲ្យមានមនុស្សស្លាប់ និងរបួសសរុប០៩នាក់នៅថ្ងៃនេះ គឺកើតឡើង​ដោយសារហេតុការណ៍ប៉ះទង្គិចចំនួន០៤លើក។

សមត្ថកិច្ចបានឃាត់ខ្លួនជនសង្ស័យចំនួន២៥នាក់ នៅក្នុងការបង្រ្កាបគ្រឿងញៀនទូទាំងប្រទេសនៅថ្ងៃ ទី២២ មិថុនា ។ ក្នុងចំណោមជនសង្ស័យដែលបានឃាត់ខ្លួនទាំង២៥នាក់មានមុខសញ្ញាជួយដូរគ្រឿងញៀនចំនួន ១៨នាក់ និងអ្នកប្រើប្រាស់៧នាក់ ។ វត្ថុតាំងដែលបានចាប់សរុបក្នុងថ្ងៃទី២២មិថុនា នេះ រួមមានមេតំហ្វេតាមីន ICE ទម្ងន់ជាង៤ក្រាម និង៤០កញ្ចប់តូច ។