ខេត្តកំពត បានរកឃើញអ្នកឆ្លងជំងឺកូវីដ១៩ថ្មី ចំនួន ៣០នាក់ ថែមទៀតនៅថ្ងៃនេះ ដែលជាតួលេខឆ្លងខ្ពស់ ជាងពីម្សិលម៉ិញចំនួន ២នាក់ ។

ខេត្តកោះកុង បានរកឃើញអ្នកឆ្លងជំងឺកូវីដ១៩ថ្មី ចំនួន ៩៤នាក់ នៅក្នុងរយៈពេល ២៤ម៉ោង ចុងក្រោយនេះ ដែលជាតួលេខថយចុះ ចំនួន ៥នាក់ ធៀបនឹងម្សិលម៉ិញ ដោយបានរកឃើញអ្នកឆ្លងចំនួន ៩៩នាក់ ។

ខេត្តកែបបានរកឃើញករណីវិជ្ជមានកូវីដ-១៩ចំនួន៧នាក់បន្ថែមទៀតក្នុងរយៈពេល២៤ម៉ោងចុងក្រោយ។ យោងតាមរដ្ឋបាលខេត្ត អ្នកឆ្លងទាំងនោះគឺជាពលរដ្ឋរស់នៅស្រុកដំណាក់ចង្អើរដែលជាពលរដ្ឋ បានប៉ះពាល់ ដោយផ្ទាល់ជាមួយកម្មករនិងកម្មការិនី នៃរោងចក្រពូចិនក្នុងខេត្តកំពត និងរោងចក្រ ហុងលី ក្នុងខេត្តកែប។

ខេត្តមណ្ឌលគិរី បានរកឃើញអ្នកឆ្លងកូវីដ១៩ថ្មី ចំនួន ១៦នាក់ ថែមទៀត ក្នុងរយៈពេល ២៤ម៉ោង​ចុង​ក្រោយ​នេះ ដែលជាតួលេខច្រើនជាងពីម្សិលម៉ិញរហូតដល់ ១២នាក់ ។ ខេត្តមណ្ឌលគិរី កាលពីថ្ងៃច័ន្ធម្សិលម៉ិញ បាន​រកឃើញអ្នកឆ្លងកូវីដ១៩ ចំនួនតែ ៤នាក់នោះទេ ។

ខេត្តឧត្តរមានជ័យ បានរកឃើញអ្នកឆ្លងកូវីដ១៩ថ្មី ចំនួន ១០នាក់ ថែមទៀត ក្នុងរយៈពេល ២៤ម៉ោងនេះ ។ ការឆ្លងនៅថ្ងៃនេះថយចុះ ១៥នាក់ បើធបៀបនឹងម្សិលម៉ិញ ដែលបានរកឃើញអ្នកឆ្លងចំនួន ២៥នាក់ ។

ខេត្តកំពង់ឆ្នាំង បានរកឃើញករណីឆ្លងកូវីដ១៩ លើមនុស្សចំនួន ២៥នាក់ថែមទៀត ក្នុងរយៈពេល២៤ម៉ោង ចុងក្រោយនេះ ។ នេះជាចំនួនឆ្លងច្រើនជាងម្សិលម៉ិញរហូតដល់១២នាក់ ដោយកាលពីថ្ងៃច័ន្ទម្សិលម៉ិញនោះបាន រកឃើញអ្នកឆ្លងថ្មីតែចំនួន១៣នាក់នោះទេ ។

ខេត្តបាត់ដំបង រកឃើញអ្នកវិជ្ជមានកូវីដ-១៩ ចំនួន២៤នាក់ និងមានមនុស្សស្លាប់២នាក់ ក្នុងរយៈពេល២៤ម៉ោង ចុងក្រោយ។ យោងតាមរដ្ឋបាលខេត្ត អ្នកឆ្លងថ្មីនោះ រួមមាន១៣នាក់ជាករណីឆ្លងក្នុងសហគន៍ និង១១នាក់ជាពលរដ្ឋមកពីប្រទេសថៃ។ ចំណែកអ្នកស្លាប់២នាក់នៅថ្ងៃនេះ គឺជាស្ត្រីអាយុ៧៣ឆ្នាំនិងស្ត្រីអាយុ៦១ឆ្នាំរស់ នៅ ក្រុងបាត់ដំបង។

ខេត្តសៀមរាប រកឃើញអ្នកវិជ្ជមានជំងឺកូវីដ-១៩ ថ្មី ចំនួន៣៨នាក់ និងមានមនុស្សស្លាប់ម្នាក់ ក្នុងរយៈពេល២៤ ម៉ោងចុងក្រោយ។ យោងតាមរដ្ឋបាលខេត្ត ក្នុងចំណោមអ្នកឆ្លងថ្មីទាំងនោះ រួមមានពលរដ្ឋ នៅស្រុកសូទ្រនិគម ចំនួន៣នាក់, ស្រុកជីក្រែងចំនួន៣នាក់, ក្រុងសៀមរាប២៣នាក់, ស្រុកប្រាសាទបាគងម្នាក់,ស្រុកបន្ទាយស្រីម្នាក់ និងមកពីប្រទេសថៃចំនួន៧នាក់។ ចំណែកការស្លាប់វិញបានកើតលើស្ត្រីអាយុ៨០ឆ្នាំម្នាក់នៃក្រុងសៀមរាប។

ខេត្តកំពង់ធំ បានរកឃើញអ្នកឆ្លងកូវីដ១៩ថ្មី ចំនួន ១៩នាក់ និងមានអ្នកស្លាប់ម្នាក់ ក្នុងរយៈពេល ២៤ម៉ោង ចុងក្រោយនេះ ។ នេះជាតួលេខកើនឡើងចំនួន ៣នាក់ បើធៀបនឹងម្សិលម៉ិញ ដែលបានរកឃើញអ្នកឆ្លងចំនួន ១៦នាក់ ។