ការវាយប្រហារគ្នាកាន់តែបង្កើនឡើងថែមទៀតនាតំបន់ភាគខាងកើត​​និងខាងត្បូងអ៊ុយក្រែន ក្រោយទិវាជ័យជំនះ៩ឧសភា ដោយរុស្ស៊ីនិងអ៊ុយក្រែនរៀងៗខ្លួនសុទ្ធតែប្តេជ្ញាយកឈ្នះដាក់ គ្នាឱ្យទាល់តែបាន។ នៅជាមួយគ្នានោះផងដែរ កញ្ចប់ជំនួយអាមេរិកបានកើនពី៣៣ពាន់លាន ដល់៤០ពាន់លានដុល្លារហើយ ដើម្បីការជួយអ៊ុយក្រែនឱ្យឈ្នះសង្គ្រាមលើរុស្ស៊ី។

យ៉ាងហោចឯកសារចំនួន៣ក្នុងចំណោមឯកសារស្នើ៤ ត្រូវបានគណៈកម្មាធិការជាតិរៀបចំ ការបោះឆ្នោត គជប បានសម្រេចឯកភាពលើខ្លឹមសារ ប៉ុន្តែឯកសារមួយទៀតបានស្នើរកការ កែសំរួលខ្លឹមសារសាឡើងវិញ។

ពលរដ្ឋខ្មែរឯនាយសមុទ្ទបានធ្វើដំណើរចាកចេញពីប្រទេសនិងរដ្ឋផ្សេងៗរបស់ខ្លួនខណៈ យន្តហោះពិសេសរបស់ព្រះរាជាណាចក្រកម្ពុជា កំពុងនាំថ្នាក់ដឹកនាំកំពូលនៃប្រទេសកម្ពុជា ដែលជាប្រធានអាស៊ានដើម្បីអញ្ជើញចូលរួមក្នុងកិច្ចប្រជុំកំពូលមួយប្រព្រឹត្តទៅក្នុងរដ្ឋធានី វ៉ាស៊ីនតោនសហរដ្ឋអាមេរិក។

ព្រះមហាក្សត្រខ្មែរ បានមានព្រះរាជបន្ទូលអំពាវនាវប្រជាពលរដ្ឋ អញ្ជើញទៅចួលរួមការ បោះឆ្នោតជ្រើសរើសក្រុមប្រឹក្សាឃុំសង្កាត់ ឱ្យបានគ្រប់ៗគ្នានៅថ្ងៃទី៥ ខែមិថុនាខាងមុខនេះ។ ព្រះរាជបន្ទូលអំពាវនាវ បានធ្វើតាមព្រះរាជសារ ថ្ងៃទី១០ឧសភាឆ្នាំ២០២២ ខណៈការបោះ ឆ្នោតជ្រើសរើសក្រុមប្រឹក្សាឃុំសង្កាត់ នឹងមកដល់រយៈពេល២៦ថ្ងៃទៅមុខទៀតនេះ។ ព្រះរាជ សារព្រះមហាក្សត្រ បានសរសេរថាសូមឱ្យប្រជាពលរដ្ឋអញ្ជើញទៅបោះឆ្នោតនៅថ្ងៃកំណត់ នោះដោយ «កុំឱ្យមានការព្រួយបារម្ភអ្វីទាំងអស់»។

តួលេខឆ្លងក្នុងប្រទេសអាស៊ានទាំង១០ រយៈពេល ៧២ម៉ោងចុងក្រោយនេះ មានចំនួន ៤ម៉ឺន ៨ពាន់ ៥២១ករណី ចំណែកការស្លាប់មានចំនួន ២៤១នាក់ ។ តួលេខឆ្លងក្នុង៧២ម៉ោង នៃសប្តាហ៍នេះ មានការថយចុះចំនួន ១ម៉ឺន ៥ពាន់ ២៦០ករណី និងការស្លាប់ក៏បានថយ ចុះចំនួន ២៦៩នាក់ ផងដែរ បើប្រៀបធៀបនឹងសប្តាហ៍មុន ។ ក្នុងសប្តាហ៍នេះ ប្រទេសថៃ ជាប្រទេសដែលមានតួលេខឆ្លងច្រើនជាងគេ ចំណែកប្រទេសកម្ពុជា ជាប្រទេសដែលមាន តួលេខឆ្លងតិចជាងគេដដែល ។

កម្ពុជាបានបន្តសម្រុកការចាក់វ៉ាក់សាំងដូសជំរុញ ដើម្បីជួយជម្រុញកាន់តែប្រសើរបង្កើន ភាពស៊ាំក្នុងសហគមន៍។ កម្ពុជារយៈពេល២ថ្ងៃចុងក្រោយនេះ មិនមានមនុស្សឆ្លងដោយសារ ជម្ងឺកូវីដ១៩នោះឡើយ។

តួលេខឆ្លងកូវីដ១៩ក្នុងប្រទេសកម្ពុជា បានស្ថិតក្នុងតួលេខសូន្យនៅថ្ងៃនេះថែមទៀត ដែល ជាតួលេខ គ្មានមនុស្សឆ្លងរយៈពេល២ថ្ងៃជាប់គ្នាមកហើយ ដោយសារតែភាពស៊ាំក្នុងសហគមន៍​ក្រោមគោលនយោបាយចាក់វ៉ាក់សាំងរបស់រាជរដ្ឋាភិបាលកម្ពុជា។

តូលេខទេសចរណ៍ក្នុងសប្តាហ៍នេះ មានជិត៣០ម៉ឺននាក់ ដែលធ្លាក់ចុះជាងថ្ងៃចុងសប្តាហ៍ មួយកន្លងមកនេះ។ កាលពីចុងសប្តាហ៍ថ្ងៃទី៣០មេសាដល់១ឧសភា, តួលេខទេសចរណ៍ក្នុង ប្រទេសមានជាង៣១ម៉ឹន៤ពាន់នាក់ ប៉ុន្តែក្នុងចុងសប្តាហ៍ថ្ងៃទី៧-៨ ខែឧសភាកន្លងមកនេះ តួលេខភ្ញៀវទេសចរណ៍ទូទាំងប្រទេសមានចំនួន២៩ម៉ឺន៩ពាន់៨៨៨នាក់ ក្នុងនោះភ្ញៀវជាតិ ២៨ម៉ឺន៣ពាន់៩៩០នាក់ និងភ្ញៀវបរទេសផ្ទៃក្នុង១ម៉ឺន៥ពាន់៨៩៨នាក់។

ត្រីបបែលយក្ស១ ក្បាលទម្ងន់ ១៨០ គីឡូក្រាម ត្រូវបានអ្នកនេសាទចាប់បានក្នុងខេត្តស្ទឹង ត្រែង ប៉ុន្តែត្រូវបានដោះលែងចូលទៅក្នុងទឹកទន្លេមេគង្គវិញដើម្បីការជួយអភិរក្សសត្វត្រី ដ៏កម្រនេះ។

កម្ពុជា-ថៃ បានបើកដំណើរការឆ្លងកាត់ច្រកទ្វារអន្តរជាតិជាំក្នុងស្រុកអន្លង់វែង ខេត្តឧត្តរមានជ័យវិញហើយ ក្រោយបិទជាង២ឆ្នាំដោយសារជំងឺកូវីដ ។