ក្រុមហ៊ុនរកស៊ីផ្នែកវិស័យទេសចរណ៍មកពីបីប្រទេស បានជួបពិភាក្សាក្នុងការចង់រៀបចំខ្សែ ដំណើរទេសចរណ៍រវាងខេត្តក្រុងចំនួន១០នៃប្រទេសកម្ពុជា, ថៃនិងវៀតណាម។ នេះជាការ រៀបចំលើកដំបូងរវាងក្រុមហ៊ុនទេសចរណ៍អាស៊ីប៉ាស៊ីហ្វិកកម្ពុជា, ក្រុមហ៊ុនទេសចរណ៍នៃទី ក្រុងកន់ថឺនៃប្រទេសវៀតណាម និងក្រុមហ៊ុនទេសចរណ៍ខេត្តត្រាតនៃប្រទេសថៃ។ ក្រុមហ៊ុន ទាំង៣នេះ បានរៀបចំសន្និសីទរយៈពេល៣ថ្ងៃរួមគ្នារវាងពីថ្ងៃទី៤ដល់៦ឧសភាក្រោមទស្សន ទាន «គោលដៅទេសចរណ៍បី នៃទីផ្សារតែមួយ។

កម្ពុជាដែលអាចនាំប្រទេសជាតិរូចផុតពីសង្គ្រាម ហើយបាននិងកំពុងបន្តរក្សាសន្តិភាពយ៉ាង គត់មត់រហូតមកទល់សព្វថ្ងៃនេះ បានក្លាយជាគំរូមួយដល់បណ្តាប្រទេសនានាលើសកល លោក។

រថយន្តដឹកសំរាមសំណល់រឹងចំនួន១៩គ្រឿង ត្រូវបានប្រគល់ដល់មន្ទីរបរិស្ថាន ក្នុងខេត្ត ចំនួន១២ សម្រាប់បង្កើនការគ្រប់គ្រងសំរាមកាន់តែមានប្រសិទ្ធភាពថែមទៀត។ ការគ្រប់គ្រង កាកសំណល់សំរាម គឺជាការយកចិត្តទុកដាក់មួយរបស់រាជរដ្ឋាភិបាលដើម្បីកត្តាសន្តិសុខអនា ម័យ និងការជួយរួមចំណែកធ្វើឱ្យពិភពលោកបានស្អាត បញ្ចៀសនូវភាពកខ្វក់ដែលប​ង្កគ្រោះ ថ្នាក់ដល់សុខភាពមនុស្ស។

ក្រុមប្រទេសលោកខាងលិច បន្តបង្កើនជំនួយកាន់តែច្រើនមកឱ្យប្រទេសអ៊ុយក្រែន ខណៈ ការវាយប្រហាររុស្ស៊ីកាន់តែសន្ថើនដាក់មកលើតំបន់ភាគខាងកើតនិងខាងត្បូងប្រទេស។ សេចក្តីរាយការណ៍នៅថ្ងៃសុក្រនេះ បានឱ្យដឹងថាការវាយប្រហារមួយក្នុងតំបន់រោងចក្រស្ល ដែកក្នុងក្រុងម៉ារីយូប៉ូល បានធ្វើឱ្យមានការដាច់ទំនាក់ទំនងគ្នាជាមួយនឹងទាហានអ៊ុយក្រែន ដែលកំពុងប្រយុទ្ធការពារលេណដ្ឋានចុងក្រោយនោះ។

កិច្ចប្រជុំពិគ្រោះយោបល់ ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា បានបញ្ចប់ ទៅនៅថ្ងៃទី៦ឧសភានេះដោយក្រុមអ្នកចូលរួមបានស្នើរកការបង្កើតក្របខណ្ឌរៀបចំផ្តល់ ជំនួយមនុស្សធម៌របស់អាស៊ាននៅមីយ៉ាន់ម៉ា។

នៅសល់តែប្រមាណ៦ថ្ងៃទៀតទេ, កិច្ចប្រជុំកំពូលពិសេសអាមេរិកអាស៊ាន ដែលសម្តេចតេ ជោហ៊ុនសែននៃប្រធានអាស៊ានប្តូរវេនឆ្នាំ២០២២ នឹងត្រូវដឹកនាំគណៈប្រតិភូអញ្ជើញចូលរួម នៅវិមានសប្រធានាធិបតី ក្នុងរដ្ឋធានី Washington DC។ កិច្ចប្រជុំកំពូលពិសេសអាមេរិកអាស៊ាននេះនឹងមានរយៈពេល២ថ្ងៃ គឺថ្ងៃទី១២និង១៣ឧសភា។

សម្តេចតេជោ ហ៊ុន សែន បានបង្ហោះសារមួយនៅថ្ងៃសុក្រនេះបង្ហាញក្តីសោកស្តាយ ចំពោះ មរណភាពរបស់ប្រុសបង្តើត។ ព្រឹទ្ធាចារ្យ ហ៊ុន ណេង អាយុ៧២ឆ្នាំដែលជាបងបង្កើតរបស់ សម្តេច បានទទួលមរណភាពកាលពីថ្ងៃល្ងាចថ្ងៃទី៥ឧសភាវេលាម៉ោង៦និង២៥នាទី ដោយ សារតែការគាំងបេះដូង។ សម្តេចតេជោ ហ៊ុន សែន បានសរសេរក្នុងបណ្តាញសង្គមថា «បង ប្អូនយើងបែកគ្នាដោយពុំបានលា» ។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ១ម៉ឺន ៦ពាន់ ២០ករណី និងការស្លាប់ថ្មីមានចំនួន ១០៥នាក់ ។ តួលេខឆ្លងនៅថ្ងៃនេះ មានការ កើនឡើងចំនួន ៨៤៨ករណី និងការស្លាប់មានការថយចុះចំនួន ៦នាក់ផងដែរ បើប្រៀបធៀប នឹងម្សិលមិញ ។

កម្ពុជានៅតែបន្តសម្រុកការចាក់វ៉ាក់សាំងដូសជំរុញ បើទោះបីជាតួលេខឆ្លងមានការធ្លាក់ចុះ ដោយសារតែភាពស៊ាំក្នុងសហគមន៍យ៉ាងណាក្តី។  តួលេខអ្នកចាក់វ៉ាក់សាំងដូសទី៣ ក្នុងរយៈ ពេល ២៤ ម៉ោងមកនេះ បានចំនួន ៣ម៉ឺន ៥ពាន់ ៤១៩នាក់ ដែលជាតួលេខចាក់កើនឡើង ចំនួន ៣ពាន់ ៦២២នាក់ បើប្រៀបធៀបនឹងម្សិលមិញ ។ តួលេខពលរដ្ឋដែលបានចាក់វ៉ាក់ សាំងដូសទី៣ សរុបទូទាំងប្រទេស គិតត្រឹមថ្ងៃនេះមានចំនួន ៨លាន ៦៧ម៉ឺន ១ពាន់ ៣៥៨ នាក់ ។

តួលេខឆ្លងជំងឺកូវីដ១៩រយៈពេល២៤ម៉ោងកន្លងមកនេះ មានមួយករណីដែលជាតួលេខ បង្ហាញសមត្ថភាពគ្រប់គ្រងបានរ​បស់កម្ពុជាលើជម្ងឺរាតត្បាតនេះក្រោមគោលនយោបាយ ចាក់វ៉ាក់សាំងរ​បស់រាជរដ្ឋាភិបាល។ ការឆ្លងថ្មី ចំនួន ១ករណីនៅថ្ងៃនេះ គឺជាការឆ្លងចូល សហគមន៍។ ចំណែកការស្លាប់ថ្មីនៅថ្ងៃនេះពុំមាននោះទេដែលឲ្យនាំការស្លាប់សារុប មាន ចំនួន៣ពាន់៥៦នាក់ជាដដែល។