អនុគណៈកម្មការស្រាវជ្រាវ បានអំពាវនាវស្វែងរកអ្នកដែលធ្លាប់ទៅហាងបាយ «អ័រគីដេ» នៅសង្កាត់ផ្សារ ដេប៉ូ១ ត្រូវប្រញាប់ទៅធ្វើតេស្តរកកូវីដជាន់បន្ទាន់។ ទីតាំងលក់បាយមួយកន្លែង យីហោ «អ័រគីដេ» មានទីតាំងនៅ ផ្លូវ ១៥០ សង្កាត់ផ្សារដេប៉ូ១ ខណ្ឌទួលគោក

ការផ្ទុះឆ្លងខ្លាំងលើបុគ្គលិករោងចក្រកាត់ដេរ ឌីន ហាន ក្នុងខណ្ឌមានជ័យ រាជធានីភ្នំពេញ បានប្រញាប់ឲ្យអាជ្ញាធរបានអំពាវនាវពលរដ្ឋ និងអ្នកជាប់ពាក់ព័ន្ធ ត្រូវប្រញាប់ទៅធ្វើតេស្តយកសំណាក។ រោងចក្រកាត់ដេរ ឌីន ហាន ដេលមានទីតាំងនៅផ្លូវឌួងងៀប២, ភូមិថ្មី សង្កាត់ស្ទឹងមានជ័យទី៣ នៃខណ្ឌមានជ័យ មានកម្មករឆ្លងរយៈ ពេល២៤ម៉ោងចុងក្រោយនេះ មានយ៉ាងហោច៥៤នាក់

មនុស្សពីរនាក់បានស្លាប់ដោយសារជំងឺកូវីដ១៩ ជាមួយនឹងចំនួនការឆ្លងទូទាំងប្រទេសបានកើនលើស ៣ពាន់នាក់ហើយនៅថ្ងៃទី៨មេសានេះ។ ការស្លាប់មនុស្ស២នាក់ចុងក្រោយនេះ បាននាំឲ្យករណីស្លាប់ដោយសារកូវីដ១៩ ក្នុងប្រទេសកម្ពុជាបានកើនដល់២៤នាក់ហើយ។

រដ្ឋបាលរាជធានីភ្នំពេញបានបន្តជម្រុញអាជីវករដែលមិនទាន់ផ្តល់សំណាកធ្វើតេស្ត ត្រូវប្រញាប់ទៅកាន់ទីតាំង យកសំណាកនិងបានព្រមានការដាក់ទោសនិងពិន័យលើអាជីវករដែលចចេសមិនធ្វើតាមវិធានការរដ្ឋបាលដែលបានដាក់ចេញនេះទេ

ចំនួនមនុស្សឆ្លងលើអាជីវករផ្សារអូរឫស្សី បានកើនឡើងទ្វេដងក្នុងរយៈពេល២៤ម៉ោងចុងក្រោយនេះ។ អាជីវករ និងសន្តិសុខសរុបជាង៥០នាក់បន្ថែមទៀត ត្រូវគេរកឃើញមានវិជ្ជមានកូវីដ-១៩ ដែលនាំឲ្យចំនួនអ្នក ឆ្លងបាន កើនសរុប ជាង១០០នាក់ហើយក្នុងផ្សារអូរឫស្សី កណ្តាលរាជធានី

កម្ពុជាកាន់តែបង្កើនសន្ទុះល្បឿននៃការចាក់វ៉ាក់សាំង ទន្ទឹមនឹងចំនួនឆ្លងរាលដាលកាន់តែមានភាពឡើងខ្ពស់។ ចំនួនមនុស្សដែលបានទទួលចាក់វ៉ាក់សាំងក្នុងរយៈពេល២៤ម៉ោងចុងក្រោយនេះមានចំនួន៦ម៉ឺន៥ពាន់៩៣៤ នាក់ដែលច្រើនជាងម្សិលមិញថែមទៀត

ការអនុវត្តបំរាមគោចរ បានឈានចូលដល់ថ្ងៃទី៨ហើយក្នុងរាជធានីភ្នំពេញ។ ក្នុងការអនុវត្តប្រមាណ៧ថ្ងៃមកនេះ ស្នងការដ្ឋាននគរបាលជាតិ បានបញ្ជាក់ថាពលរដ្ឋមានការយល់ដឹងកាន់តែខ្លាំងជុំវិញការចូលរួមអនុវត្តកាតព្វបំ រាមគោចរក្នុងរាជធានីភ្នំពេញ។

រាជធានីភ្នំពេញ នៅតែនៅតែមានការឆ្លងខ្ពស់ បើទោះបីជាមានចំណាត់ការបំរាមគោចរដើម្បីទប់ស្កាត់ការជួប ជុំគ្នានាពេលយប់នោះក៏ដោយ

រាជរដ្ឋាភិបាល កំពុងពិចារណាការទទួលយកទេសចរណ៍បរទេស ដែលបានចាក់វ៉ាក់សាំងរួចហើយ ក្នុងគោលដៅទេសចរណ៍សៀមរាបអង្គរ នាអំឡុងត្រីមាសទី៤ ឆ្នាំ២០២១។ រដ្ឋមន្ត្រីក្រសួងទេសចរណ៍ លោក ថោង ខុន បានប្រាប់អ្នកសារព័ត៌មាននៅថ្ងៃទី៧មេសាថា លោកបានស្នើទៅប្រមុខរាជរដ្ឋាភិបាល ក្នុងការពិចារណាបើក ទទួលភ្ញៀវទេសចរអន្តរជាតិដែលបានចាក់វ៉ាក់សាំងបង្ការជំងឺកូវីដ-១៩រួចហើយនោះ ដោយអាចមកទស្សនា គោលដៅទេសចរណ៍សៀមរាប-អង្គរ នៅត្រីមាសទី៤ នៃឆ្នាំ២០២១

មនុស្ស៥នាក់បានស្លាប់ និង២នាក់ទៀតបានរងរបួសធ្ងន់ស្រាល ក្នុងគ្រោះថ្នាក់ចរាចរណ៍ទូទាំងប្រទេស ថ្ងៃទី ៧មេសានេះ។ សេចក្តីរាយការណ៍ទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស បានបញ្ជាក់ថា គ្រោះថ្នាក់ដែលបង្កឲ្យមានមនុស្សស្លាប់ និងរបួសសរុប៧នាក់នៅថ្ងៃនេះ គឺកើតឡើងដោយសារហេតុការណ៍ប៉ះទង្គិចចំនួន៦លើក ។