កងកម្លាំងប្រដាប់អាវុធតាមបណ្តោយព្រំដែនខេត្តស្ទឹងត្រែង បានទទួលនូវអំណោយជាគ្រឿងឧបភោគបរិភោគ និងថវិកាក្នុងឳកាសកំពុងបំពេញភារកិច្ចទប់ស្កាត់ពលករខុសច្បាប់ឆ្លងកាត់ព្រំដែនននិងក្នុងឳកាសបុណ្យចូល ឆ្នាំប្រពៃណីជាតិខ្មែរ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៥២៤ករណី និងការស្លាប់ថ្មីមានចំនួន៥២៨នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មីចំនួន៥៧៦ ករណី ដែលសុទ្ធតែជាករណីឆ្លងចូលក្នុងសហគមន៍ទាំងអស់

ការប្រជ្រៀតគ្នា សម្រុកបើកលុយនៅធនាគារមួយកន្លែងក្នុងខេត្តកំពង់ឆ្នាំង ត្រូវបានសមត្ថកិច្ចប្រញា់បចុះទៅបំបែកដោយសារតែបារម្ភការឆ្លងនឹងកូវីដ១៩។ សេចក្តីរាយការណ៍ឲ្យដឹងថា កម្មករជាង១០០នាក់វេលាព្រឹកមិញនេះ បាននាំគ្នាសម្រុកចូលបើកលុយនៅខាងមុខ ធនាគារប្រៃសណីយ៍កម្ពុជា ក.អ សាខាខេត្តកំពង់ឆ្នាំង ដែលការប្រជ្រៀតនោះ បានបំពាននឹងវិធានសុខាភិបាល។

កម្លាំងនគរបាលរាជធានីភ្នំពេញ ដែលមិនទាន់បានចាក់វ៉ាក់សាំង បានតម្រូវធ្វើការចាក់ឲ្យរួចរាល់ហើយទាំង អស់ក្នុងរយៈពេលមួយសប្តាហ៍។ សម្តេចនាយករដ្ឋមន្ត្រីហ៊ុនសែនបានដាក់បទបញ្ជាក្នុងសប្តាហ៍នេះ តម្រូវឲ្យ ក្រសួងនិងអង្គភាពនានាចំណុះរាជរដ្ឋាភិបាល ត្រូវបូកសរុបនូវមន្ត្រីក្រោមបង្គាប់រ​បស់ខ្លួន ដើម្បីចង់ដឹងថាតើអ្នក ចាក់និងមិនទាន់ចាក់មានចំនួនប៉ុន្មាន? និងសម្តេចបានបញ្ជាក់ថាចំពោះអ្នកមកមកចាក់មិនចាំបាច់មកធ្វើការនៅ ក្នុងក្រសួងឬនៅអង្គភាពនោះឡើយ។

មន្ត្រីនគរបាល ដែលបាញ់សម្លាប់ជនសង្ស័យញៀនថ្នាំ កាន់កាំបិតដេញតាមចាក់រួបលោកនោះ បានទទួលការ ឧបត្ថម្ភថវិកា១០លានរៀលពីសម្តេចកិត្តិព្រឹទ្ធបណ្ឌិត។ ប្រាក់ឧបត្ថម្ភដល់មន្ត្រីនគរបាលលោក ភឿង ភិរៈ ដោយសម្តេចប្រធានកាកបាទក្រហមកម្ពុជា ត្រូវគេពណ៌នាថា ដើម្បីជួយសម្រាលការលំបាកផ្នែកជីវភាពដល់រូបលោក

បុរសម្នាក់ដែលបានបង្ហោះវីដេអូ រារាំងមិនឲ្យពលរដ្ឋចាក់វ៉ាក់សាំងផលិតដោយប្រទេសចិន ត្រូវបានសមត្ថកិច្ច ឃាត់ខ្លួន។ បុរសឈ្មោះ ប៉ាន់ សុភី បានបង្ហោះវីដេអូក្នុងបណ្តាញសង្គមចោទសម្តេចតេជោហ៊ុនសែនដែលជម្រុញ ប្រជាពលរដ្ឋទៅចាក់ថ្នាំបង្កាវ៉ាក់សាំងកូវីដ១៩

វិទ្យាល័យជាស៊ីមសាមគ្គី ស្ថិតក្នុងខណ្ឌទួលគោក ត្រូវបានអភិបាលរាជធានីភ្នំពេញបានជ្រើសយក រៀបចំជាកន្លែងព្យាបាលអ្នកជម្ងឺកូវិដ១៩។ អភិបាលរាជធានីលោក ឃួង ស្រេង នៅរសៀលថ្ងៃទី៩មេសានេះ បានចុះបញ្ជាផ្ទាល់ដល់មន្ត្រីពេទ្យ និងកងកម្លាំង ដើម្បីការរៀបចំបរិស្ថាន អនាម័យនៅក្នុងទីកន្លែងថ្មីនោះ។

ការផ្អាកចរាចរណ៍លើស្ពានព្រះមុនីវង្សចាស់ បាននាំឲ្យចរាចរណ៍ណែនកកស្ទះតាមផ្លូវនានាដែលជាច្រកចេញ ចូលក្នុងភូមិសាស្ត្រខណ្ឌចំការមន, ខណ្ឌច្បារអំពៅ និងសូម្បីតែផ្លូវមួយចំនួនទៀតដែលតភ្ជាប់ទៅស្ពានព្រៃក សំរោងក្រុងតាខ្មៅ ក៏ត្រូវកកស្ទះផងដែរ។ ការកកស្ទះនេះ ត្រូវបានអាជ្ញាធររាជធានីសម្រេចនៅថ្ងៃនេះថានឹងប្រ សាឡាងខ្នាតធំចំនួន២គ្រឿងសម្រូលការដឹកជញ្ជួនមនុស្សនិងយានយន្តឆ្លងកាត់ទន្លេបាសាក់។

សេចក្តីសម្រេចបិទបណ្តោះអាសន្នរយៈពេល១៤ថ្ងៃ មិនឲ្យមានការឆ្លងចេញចូលកាត់ខេត្ត និងរាជធានី បាននាំឲ្យប៉ះពាល់មនុស្សមួយចំនួនដែលនឹងតម្រូវធ្វើការចាក់វ៉ាក់សាំងដូសលើកទី២។ សេចក្តីរាយការណ៍បានបង្ហាញថា មានមនុស្សមួយចំនួនដែលបានចាក់វ៉ាក់សាំងដូសលើកទី១ហើយ បានជាប់ដំណើរនៅតាមបណ្តាខេត្តដោយ មិនអាចធ្វើដំណើរវិលត្រឡប់ទៅកាន់ទីកន្លែងដែលមានការចាក់វ៉ាក់សាំងដូសលើកទី១នោះបានឡើយ

ផ្សារដើមគ ដែលបន្តបើកការធ្វើអាជីវកម្មនាកណ្តាលរាជធានី ត្រូវគេរកឃើញមានមនុស្សឆ្លងកូវីដ១៩ បានចូលទៅកាន់ទីផ្សារនោះ។ ផ្សារដើមគ គឺជាផ្សារលក់បោះដុំនូវបន្លែផ្លៃឈើ, ត្រីសាច់នានា ដែលជាកន្លែងចែកចាយ និងផ្គត់ផ្គង់នៅទូទាំងរាជធានីនិងថែមទាំងខេត្តខ្លះថែមទៀត