មនុស្សដែលឆ្លងជម្ងឺកូវីដ និងដែលបានលាក់បំបាំងអស័យដ្ឋាន និងអត្តសញ្ញាណប្រមាណ៣ថ្ងៃកន្លងមកនេះ បានបង្ហាញមុខវិញហើយ ក្រោយសាលារាជធានី និងក្រសួងយុត្តិធម៌បានព្រមានការចាត់វិធានការតាមផ្លូវច្បាប់

នាយករដ្ឋមន្ត្រីនៃប្រទេសកម្ពុជា និងនាយករដ្ឋមន្ត្រីឡាវ ដែលទើបនឹងឡើងកាន់តំណែងថ្មី បានធ្វើកិច្ចពិភាក្សាគ្នា តាមប្រព័ន្ធវីដេអូ នៅថ្ងៃទី១២មេសាឆ្នាំ២០២១។ ជំនួបសន្ទនារវាងសម្តេចតេជោ ហ៊ុន សែន និងនាយករដ្ឋមន្ត្រីឡាវ លោក ផនខាំ វីផាវ៉ាន់ បានផ្តោតសំខាន់លើកិច្ចសហប្រតិបត្តិការបន្តរវាងប្រទេសទាំង២ដែលជាប់នឹងព្រំប្រទេស។

ប្រទេសអាស៊ានទាំង១០ ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន៥ម៉ឺន៦ពាន់៣៧៤ ករណី និងការស្លាប់ថ្មីមានចំនួន៩៦០នាក់។ កម្ពុជាក្នុងរយៈពេល៧២ម៉ោងចុងក្រោយនេះ មានការឆ្លងថ្មីសារុប ចំនួន៩១១ ករណីក្នុងនោះចំនួន៩១០ករណី ជាការឆ្លងក្នុងសហគមន៍, និង១ករណីទៀតជាការឆ្លងលើអ្នកដំណើរ មកពីក្រៅប្រទេស។

អតីតថ្នាក់ដឹកនាំគណបក្សប្រឆាំងលោក ថាច់ សេដ្ឋា ត្រូវបានព្រះរាជក្រិត្យផ្តល់នីតិសម្បទាធ្វើនយោបាយសាឡើងវិញ។ លោក ថាច់ សេដ្ឋា រួមនឹងអតីតថ្នាក់ដឹកនាំគណបក្សសង្រ្គោះជាតិ សរុប១១៨នាក់ ត្រូវបានតុលាការកំពូលនៃប្រទេសកម្ពុជាបានចេញសាលដីកា សម្រេចផ្អាកមិនឲ្យធ្វើសកម្មភាពនយោបាយ រយៈពេល ៥ឆ្នាំ កាលពីថ្ងៃទី១៦ ខែវិច្ឆិកា ឆ្នាំ២០១៧ កន្លងទៅ បន្ទាប់ពីការកាត់ទោសរំលាយគណបក្សសង្រ្គោះជាតិ ដែលជាប់ពាក់ព័ន្ធនឹងអំពើឃុបឃិតជាមួយបរទេសដើម្បីផ្តួលរំលំរាជរដ្ឋាភិបាលស្របច្បាប់

សម្តេចតេជោ ហ៊ុន សែន បានបើកកកាយល្បិចកលពិសពុលរបស់មេខ្លោងក្រុមឧទ្ទាមក្រៅច្បាប់ជុំវិញការ ផ្លាស់ប្តូរយុទ្ធសាស្ត្រដែលធ្លាប់តែប្រឆាំងនឹងរាជរដ្ឋាភិបាលកម្ពុជាទទួលយកវ៉ាក់សាំងរបស់ប្រទេសចិនសម្រាប់ការចាក់បង្ការមកលើពលរដ្ឋខ្មែរក្នុងប្រទេស

ចំនួនមនុស្ស ដែលបានទទួលការចាក់វ៉ាក់សាំងយ៉ាងហោចដូសទី១ បានជាងមួយលាននាក់ហើយ។ កម្ពុជា បានចាប់ផ្តើមចាក់វ៉ាក់សាំងថ្ងៃទី១០កុម្ភៈឆ្នាំ ២០២១ ដែលវ៉ាក់សាំងទាំងនោះមានបីប្រភេទគឺ វ៉ាក់សាំងស៊ីណូហ្វាម, វ៉ាក់សាំងស៊ីណូវ៉ាក់,និងវ៉ាក់សាំង AstraZeneca

រដ្ឋបាលខេត្តក្រចេះ បានបញ្ជាក់ការរកឃើញជាលើកដំបូងនូវមនុស្សឆ្លងកូវីដ១៩ម្នាក់ រស់នៅក្នុងភូមិវាលបីចក្រីហេង, ឃុំគ្រញូងសែនជ័យ នៃស្រុកស្នួល។

រាជធានីភ្នំពេញ នៅតែជាចំនុចឆ្លងខ្លាំងជាងគេក្នុងសហគមន៍ជាដដែល ក្នុងចំណោមការឆ្លងសារុបចំនួន២៧៧ ករណី ក្នុងរយ:ពេល២៤ម៉ោងចុងក្រោយនេះ។

ការឆ្លងកូវីដ១៩ បានរាលដាលដល់ផ្សារម៉ាក្រូ រាជធានីភ្នំពេញហើយ នៅថ្ងៃទី១២មេសានេះ។ អនុគណៈកម្មការ ស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ១៩ បានជូនដំណឹងនៅលើបណ្តាញសង្គម Facebook ថ្ងៃនេះថា អ្នកកើតជំងឺកូវីដ១៩ ធ្លាប់បានទៅផ្សារទំនើបម៉ាក្រូ នៅវេលា ម៉ោង២រសៀលថ្ងៃទី០៤ ខែមេសា ឆ្នាំ ២០២១កន្លងទៅ

ពិធីចូលឆ្នាំខ្មែរ៣ថ្ងៃខាងមុខនេះ ក្នុងរាជធានីភ្នំពេញ នឹងមិនមានការធ្វើពិធីសង្ក្រានវត្តភ្នំនិងពិធីសង្ក្រានតាមខណ្ឌ ទាំង១៤ដូចបណ្តាឆ្នាំកន្លងមកនោះឡើយ។ ពិធីចូលឆ្នាំខ្មែរខែមេសានេះទៀត នឹងមិនអនុញ្ញាតឲ្យមានកម្មវិធីរាំ ច្រៀងកំសាន្តក្នុងលក្ខណៈមនុស្សជួបជុំអ៊ូអរច្រើននោះផងដែរដោយសារតែបារម្ភនឹងជម្ងឺឆ្លងរាតត្បាតកូវីដ១៩។