ខេត្តព្រះវិហារក្នុងរយៈពេលមួយយប់ គ្រោះធម្មជាតិខ្យល់កន្ត្រាក់ បានធ្វើឲ្យផ្ទះពលរដ្ឋ២៩ខ្នងរងការខូចខាតយ៉ាងធ្ងន់ធ្ងរ។ ក្រសួងធនធានទឹកនិងឧតុនិយមបានជួនដំណឹងពលរដ្ឋតាមខេត្តភាគឥសានប្រទេស ត្រូវប្រុងប្រយ័ត្នគ្រោះធម្មជាតិខ្យល់កន្ត្រាក់ដែលនឹងបន្តកើតឡើងថែមទៀតក្នុងសប្តាហ៍នេះ។

ប្រទេសអាស៊ានទាំង១០ ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ មានចំនួន១ម៉ឺន៥ពាន់៣៤៩ ករណី និងការស្លាប់ថ្មីមានចំនួន៥៥២នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មីចំនួន៧២ ករណី ក្នុងនោះការឆ្លង ក្នុងសហគមន៍មាន៧១ករណី, និង១ករណីទៀតជាការឆ្លងលើអ្នកដំណើរមកពី ក្រៅប្រទេស។

រដ្ឋមន្រ្តីសុខាភិបាល ក្រោយប្រសាសន៍របស់សម្តេចនាយករដ្ឋមន្ត្រី បានប្រញាប់ណែនាំអភិបាលរាជធានី-ខេត្ត ត្រូវត្រៀមបម្រុងក្រុមគ្រូពេទ្យដើម្បីថែទាំ និងព្យាបាលអ្នកជំងឺកូវីដ-១៩ នៅតាមផ្ទះ

រដ្ឋបាលរាជធានីភ្នំពេញ បានបន្តបញ្ចេញអត្តសញ្ញាណអ្នកឆ្លងជម្ងឺកូវិដ១៩ថ្មីចំនួន៣៤រូប ជាមួយនឹងការបង្ហាញ មុខរបរនិងអស័យដ្ឋានផងដែរ

ខេត្តព្រៃវែង ដែលមានមនុស្សស្លាប់លើកដំបូង ដោយសារកូវីដ១៩ បានចេញសេចក្តីជូនដំណឹងដាស់តឿនការ ប្រុងប្រយ័ត្នរាល់អ្នកធ្វើដំណើរមកពីក្រៅស្រុក ជាពិសេសក្នុងឳកាសបុណ្យចូលឆ្នាំខ្មែរ ជិតមកដល់នេះ

ប្រជាពលរដ្ឋជិតមួយភូមិប្រមាណជិត២០០គ្រួសារកំពុងធ្វើចត្តាឡីស័កនៅសង្កាត់ទន្លេបាសាក់ ខណ្ឌចំការមន បានទទួលអំណោយ របស់សម្តេចតេជោ ហ៊ុន សែន នាយករដ្ឋមន្ត្រី និងសម្តេចកត្តិព្រឹទ្ធបណ្ឌិត ប៊ុនរ៉ានី ហ៊ុនសែន នៅថ្ងៃទី៦មេសាឆ្នាំ ២០២១នេះអំណោយចែកជូនដោយអភិបាលរាជធានីភ្នំពេញ លោកឃួងស្រេង រួមមានទាំងថវិកា សាច់ជ្រូក និងស្បៀង អាហារផ្សេងទៀត ជូនដល់ប្រជាពលរដ្ឋចំនួន១៩៤គ្រួសារ ដែលកំពុងធ្វើចត្តាឡីស័ក នៅភូមិទី១៦, សង្កាត់ទន្លេ បាសាក់ នៃខណ្ឌចំការមន។ អភិបាលរាជធានី ក្នុងឳកាសផ្តល់ស្បៀងនិងអំណោយ បានថ្លែងសុំការយោគយល់ ពីប្រជាពលរដ្ឋ ចំពោះការបិទភូមិមួយនេះ មិនអោយចេញចូល ដោយសារតែនេះ ជាវិធាន របស់ក្រសួងសុខា ភិបាល ដើម្បីការបង្ការទប់ស្កាត់ជំងឺកូវីដ-១៩។ លោកបន្តថា ការបិទបរិវេណភូមិសាស្ត្រធ្វើចត្តាឡីស័កនេះ នៅ ប្រទេសណា ក៏គេធ្វើដូចគ្នាដូច្នេះដែរ គឺសំដៅធ្វើយ៉ាងណា កុំអោយជម្ងឺកូវិដ១៩ រីករាលដាលកាន់តែខ្លាំង។

ផ្សារអូរឫស្សី បានបន្តរកឃើញមនុស្សឆ្លង២០នាក់បន្ថែមទៀត ដែលនាំឲ្យចំនួនឆ្លងផ្ទុះឡើង ក្នុងផ្សារនាកណ្តាលរាជធានីនោះ បានកើនដល់៣៦នាក់ហើយ

កំណើនមិនព្រមស្រកចុះ នៃចំនួនអ្នកឆ្លងរាលដាលដោយសារកូវីដ១៩ បានជម្រុញឲ្យប្រមុខរាជរដ្ឋាភិបាលប្រើប្រាស់បទពិសោធន៍ ពីប្រទេសមួយចំនួនលើពិភពលោក ដោយដាក់អ្នកឆ្លងកូវីដ១៩ណា ក្នុងលក្ខណៈស្រាល ឲ្យធ្វើការព្យាបាលនៅតាមផ្ទះរបស់គេ, ចំណែកអ្នកឆ្លងធ្ងន់ធ្ងរ នឹងត្រូវដាក់ការព្យាបាលនៅមន្ទីរពេទ្យ

យោងតាមសេចក្តីប្រកាសព័ត៌មានរបស់ក្រសួងសុខាភិបាល បុរសអាយុ៣៥ឆ្នាំរស់នៅភូមិឫស្សីចក, ឃុំព្រៃគ្នេស នៃស្រុកមេសាង បានស្លាប់ដោយសារកូវីដ១៩ មុនពេលបញ្ជួនមកដល់មន្ទីរពេទ្យមិត្តភាពខ្មែរសូវៀត

កិច្ចសន្ទនាត្រីភាគីបើកចំហរ នៃថ្នាក់រដ្ឋមន្រ្តីការបរទេសអាស៊ាន និងចក្រភពអង់គ្លេស គ្រោងនឹងប្រព្រឹត្តទៅនៅ ក្នុងសប្តាហ៍នេះ