តួលេខអ្នកឆ្លងជំងឺកូវីដ១៩ក្នុងប្រទេសកម្ពុជាបានស្ថិតនៅត្រឹម១ខ្ទង់ក្នុងរយៈពេល៧ថ្ងៃជាប់ គ្នាមកនេះ។ យោងតាមក្រសួងសុខាភិបាល ការឆ្លងថ្មីថ្ងៃនេះមានចំនួន៣ករណី ដែលកើន ឡើង១ករណីបើប្រៀបធៀបកាលពីម្សិលមិញ ។ ការឆ្លងថ្មី ចំនួន ៣ករណីនៅថ្ងៃនេះ គឺជាការ ឆ្លងចូលសហគមន៍ទាំងអស់។

កម្ពុជាបានទទួលវ៉ាក់សាំងកូវីដ១៩ Pfizer ជិត២លានដូសដែលជាជំនួយរបស់សហរដ្ឋអាមេរិក ខណៈកម្ពុជាកំពុងសម្រុកលើការចាក់វ៉ាក់សាំងដូសជម្រុញ។ សម្តេចនាយករដ្ឋមន្ត្រីបាន ថ្លែង ថាវ៉ាក់សាំងនៃជំនួយនេះ គឺសម្រាប់ការចាក់ដូសជម្រុញដែលផ្តល់អាទិភាពលើសិស្ស សាលា និងគ្រូបង្រៀន។

ក្រុមជម្រើសជាតិ U23 របស់កម្ពុជា នឹងត្រូវប៉ះជាមួយក្រុមជម្រើសជាតិឡាវនៅដើម សប្តាហ៍ក្រោយនេះហើយដែលជាការប្រកួតមួយក្នុងក្របខណ្ឌកីឡាស៊ីហ្គេម លើកទី៣១ រៀប ចំធ្វើនៅក្នុងប្រទេសវៀតណាម។

ភ្លៀងនៅតែបន្ដធ្លាក់ថែមទៀត ក្នុងកម្រិតពីខ្សោយទៅច្រើន សម្រាប់សប្ដាហ៍ទៅមុខទៀត នេះ ខណៈកម្ពុជាបានទទួលរងនូវឥទ្ធិពល នៃជ្រលងសម្ពាធទាប ឥណ្ឌា ។

មនុស្សចំនួន៣នាក់និងគ្រឿងសព្វាវុធជាច្រើន ត្រូវឃាត់ខ្លួននិងរឹបអូសខណៈកំពុងដឹកជញ្ជូន អាវុធខុសច្បាប់ឆ្លងដែនចេញទៅប្រទេសថៃ។ យោងតាមកងកម្លាំងរាជអាវុធហត្ថ, ការបង្ក្រាប ករណីរត់ពន្ធអាវុធខុសច្បាប់និងចាប់ខ្លួនជនសង្ស័យទាំងនេះ បានធ្វើនៅត្រង់ចំណុចរង្វង់មូល យាយជីច្រូតស្រូវ ដែលស្ថិតក្នុងភូមិឬស្សីក្រោក ឃុំឬស្សីក្រោក ស្រុកមង្គលបូរី ខេត្តបន្ទាយ មានជ័យនៅថ្ងៃទី២ឧសភាកន្លងមកនេះ។

កម្ពុជាបានរៀបចំទិវាសេរីភាពសារព័ត៌មានសកលលោក ៣ ឧសភា លើកទី២៩ ដោយមាន ការអញ្ជើញចូលរួមពីបណ្ឌិត ហ៊ុន ម៉ាណែត ដែលជាតំណាងដ៏ខ្ពង់ខ្ពស់របស់សម្តេចតេជោ ហ៊ុន សែន។

សមាជិកអតីតគណបក្សសង្រ្គោះជាតិ និងគណបក្សប្រជាធិបតេយ្យមូលដ្ឋានជាង១០០នាក់ នៅក្នុងខេត្តរតនគិរី បានស្ម័គ្រចិត្តចូលរួមជីវភាពនយោបាយ ជាមួយគណបក្សប្រជាជន កម្ពុជាខណៈការបោះឆ្នោតឃុំនិងសង្កាត់កាន់តែឈានជិតមកដល់។

សម្តេចតេជោ ហ៊ុន សែន បានអំពាវនាវការជួយរក្សាបរិយាកាសល្អក្នុងដំណើរការរៀបចំ បោះឆ្នោតឃុំនិងសង្កាត់ដែលនឹងមកដល់រយៈពេលជាង៣០ថ្ងៃទៅមុខទៀតនេះ។ ប្រសាសន៍ អំពាវនាវបានធ្វើឡើងនៅថ្ងៃទី៣ឧសភានេះ ខណៈដំណើរការឃោសនាបោះឆ្នោតនឹងឈាន មកដល់នៅសប្តាហ៍ក្រោយនេះហើយ។

សម្តេចនាយករដ្ឋមន្ត្រី បានមានប្រសាសន៍ដាស់តឿនថាសង្គ្រាមក្នុងប្រទេសអ៊ុយក្រែនបង្ក ឡើងដោយប្រទេសរុស្ស៊ី នឹងបន្តធ្វើឱ្យពិភពលោកប្រឈមនឹងការខ្វះខាតស្បៀង, ចំណែក វិបត្តិប្រេងសាំងដែលមានការកើនតម្លៃ ក៏ជះឥទ្ធិពលមកដល់កម្ពុជាផងដែរ។

សម្តេចតេជោ ហ៊ុន សែន បានមានប្រសាសន៍រំលឹកអតីតកាលដែលកម្ពុជាខ្វះនូវធនធាន មនុស្សក្នុងការជួយកសាងនិងដឹកនាំប្រទេស។ ប្រសាសន៍រំលឹកនេះបានធ្វើឡើងនៅថ្ងៃទី៣ ឧសភានេះក្នុងឱកាសជួបជាមួយក្រុមសិស្ស និទ្ទេស A ជាងមួយពាន់នាក់ដែលប្រឡងជាប់ បាក់ឌុប។