ពលរដ្ឋខ្មែរឯនាយសមុទ្ទ បានបន្តផ្ញើសារតាមវីដេអូ បង្ហាញការត្រៀមទទួលស្វាគមន៍ដំណើរ ទស្សនកិច្ចសម្តេចនាយករដ្ឋមន្ត្រី ហ៊ុន សែន ដែលនឹងអញ្ជើញទៅដល់សហរដ្ឋអាមេរិកនា សប្តាហ៍ក្រោយនេះហើយ ដើម្បីចូលរួមកិច្ចប្រជុំកំពូលពិសេសអាស៊ានអាមេរិក នៅក្នុងសេត វិមាន។ សម្តេចនាយករដ្ឋមន្ត្រីនៅថ្ងៃទី៣ឧសភានេះ បានថ្លែងអរគុណចំពោះទឹកចិត្តពលរដ្ឋ ខ្មែរនៅឯនាយសមុទ្ទនោះ។

សង្គ្រាមក្នុងប្រទេសអ៊ុយក្រែន បានឈានចូលថ្ងៃទី៦៨ហើយ ប៉ុន្តែការប៉ុនប៉ងចង់គ្រប់គ្រង តំបន់ដុនបាស បានជួបនឹងឧបសគ្គនៃការទប់ទល់យ៉ាងខ្លាំងក្លាពីក្រុមទាហានអ៊ុយក្រែន។ ការវាយប្រហារ ត្រូវគេរាយការណ៍ថាបានរាលដាលចេញពីអ៊ុយក្រែនចូលក្នុងទឹកដីរុស្ស៊ី និង ចូលក្នុងទឹកដីនៃប្រទេសMoldova ក្បែរប្រទេសអ៊ុយក្រែនថែមទៀត នាពេលនេះ។ លោក ម៉ារ យ៉ារិទ្ធិ រាយការណ៍ជុំវិញស្ថានការណ៍សង្គ្រាម ក្នុង ប្រទេសអ៊ុយក្រែនឈានចូលថ្ងៃទី៦៨

ពលរដ្ឋបានបន្តសម្រុកចាក់វ៉ាក់សាំងដូសជម្រុញ ខណៈមានការអំពាវនាវពីប្រមុខដឹកនាំ រាជរដ្ឋាភិបាលដើម្បីការជួយបង្កើនភាពស៊ាំកាន់តែខ្លាំងក្នុងសហគមន៍។

តួលេខឆ្លងក្នុងប្រទេសអាស៊ានទាំង១០ រយៈពេល ៧២ម៉ោងចុងក្រោយនេះ មានចំនួន ៦ម៉ឺន ៣ពាន់ ៦១៤ករណី ចំណែកការស្លាប់មានចំនួន ៥០៩នាក់ ។ តួលេខឆ្លងក្នុង៧២ម៉ោង នៃសប្តាហ៍នេះ មានការថយចុះចំនួន ៨ម៉ឺន ៨ពាន់ ៤៧ករណី និងការស្លាប់ក៏បានថយចុះ ចំនួន ១៣៩នាក់ ផងដែរ បើប្រៀបធៀបនឹងសប្តាហ៍មុន ។ ក្នុងសប្តាហ៍នេះ ប្រទេសថៃ ជាប្រទេសដែលមានតួលេខឆ្លងច្រើនជាងគេ ចំណែកប្រទេសកម្ពុជា ជាប្រទេសដែល មានតួលេខឆ្លងតិចជាងគេដដែល ។

តួលេខឆ្លងកូវីដ១៩ក្នុងរយៈពេល២៤ម៉ោងចុងក្រោយនេះ មានតែ២ករណីទេ ខណៈម្សិលមិញ មាន១ករណីដោយសារតែគោលនយោបាយចាក់ស្រោចស្រពវ៉ាក់សាំងទូទាំងប្រទេសដែល បង្កើតភាពស៊ាំក្នុងសហគមន៍។

តួលេខភ្ញៀវជាតិនិងអន្តរជាតិដើរកំសាន្តនាចុងសប្តាហ៍កន្លងមកនេះ មានចំនួន៣២ម៉ឺននាក់ ដែលស្ថិតក្នុងតួលេខកើនឡើងក្នុងស្ថានភាពដែលការឆ្លងកូវីដ១៩នៅមិនទាន់ស្ងប់នៅឡើយ។

សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) បានបន្តសកម្មភាពមនុស្សធម៌របស់ ខ្លួនសាឡើងវិញតាមបណ្តាខេត្ត និងទីកន្លែងនានាក្រោយដំណាក់កាលឆ្លងកូវីដ១៩បានថម ថយដោយសារតែនយោបាយចាក់ស្រោចស្រពវ៉ាក់សាំងនៅទូទាំងប្រទេស។

បណ្ឌិត ហ៊ុន ម៉ាណែត បានជួបសំណេះសំណាលជាមួយថ្នាក់ដឹកនាំសហជីព ក្នុងឱកាស ខួបលើកទី១៣៦ ទិវាពលកម្មអន្តរជាតិ ១ ឧសភា។ ជំនួបនេះ បានធ្វើឡើងនៅវិមាន៧មករា ក្នុងរាជធានីភ្នំពេញក្នុងឳកាសចូលរួមអបអរសាទរខួបលើកទី១៣៦ ទិវាពលកម្មអន្តរជាតិ ១ ឧសភា ក្រោមប្រធានបទ “សន្តិភាព សុខភាព និង សន្តិសុខការងារ” ។

បញ្ហាគ្រឿងញៀន គឺបញ្ហាដែលរាជរដ្ឋាភិបាលកម្ពុជាមានការព្រួយបារម្ភជាខ្លាំង។ នៅក្នុងកិច្ច ប្រជុំសវនកម្មមួយនៅថ្ងៃនេះនៅស្នងការដ្ឋាននគរបាលរាជធានី បញ្ហាគ្រឿងញៀននេះ ត្រូវ បានលើកឡើងដើម្បីរកមធ្យោបាយបង្ក្រាបនិងទប់ស្កាត់ឱ្យកាន់តែមានភាពខ្លាំងក្លាថែមទៀត ។

កម្ពុជាបានបង្ហាញនូវនយោបាយការទូតដ៏ប៉ិនប្រសប់របស់ខ្លួនក្រោមការកាច់ចង្កូតរបស់ ប្រមុខរាជរដ្ឋាភិបាលនៃគណបក្សប្រជាជនកម្ពុជា។