ស្ត្រីយោធិនច្រើននាក់ ក្នុងខេត្តកំពង់ឆ្នាំងបានទទួលអំណោយក្នុងទិវាអន្តរជាតិសិទ្ធិនារី ថ្ងៃទី៨មីនានេះ។ អប្សរាណិតធ្វើសេចក្ដីរាយការណ៍

ស្ត្រីជាភរិយាម្នាក់ ត្រូវប្តីរបស់ខ្លួនបានសម្លាប់នៅថ្ងៃទី៨មីនានេះ ដែលនៅចំថ្ងៃដែលមាន ការលើកស្ទួយនិងការគោរពសិទ្ធិស្ត្រី។ ហេតុការណ៍ប្តីសម្លាប់ភរិយានេះ បានកើតឡើងនៅ ក្នុងខេត្តសៀមរាប។

គ្រោះធម្មជាតិខ្យល់កន្ត្រាក់បានបំផ្លាញផ្ទះពលរដ្ឋ៨៩ខ្នងនិងសាលារៀន២ខ្នង ក្នុងខេត្តចំនួន ២គឺខេត្តបាត់ដំបងនិងខេត្តឧត្តរមានជ័យ។ សេចក្តីរាយការណ៍ពីមន្ត្រីមូលដ្ឋានបានបញ្ជាក់ថា គ្រោះធម្មជាតិខ្យល់កន្ត្រាក់នោះ បានកើតឡើងកាលពីថ្ងៃទី៧មីនាឆ្នាំ២០២២។

សមត្ថកិច្ចបានបំបែកសំណុំរឿងឃាតកម្មសម្លាប់ស្ត្រីជនជាតិចិនម្នាក់, ដោយជនដៃដល់ ជាតិចិនត្រូវបានកម្លាំងនគរបាលតាមចាប់ខ្លួនបាននៅរាជធានីភ្នំពេញ។ ការចាប់ខ្លួនជនដៃ ដល់នោះ បានធ្វើឡើងកាលពីយប់ថ្ងៃទី០៧ ខែមីនា ឆ្នាំ២០២២។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ២៣ម៉ឺន ៤ពាន់ ៧៣៦ករណី និងការស្លាប់ថ្មីមានចំនួន ៥៤០នាក់ ។ តួលេខឆ្លងនៅថ្ងៃនេះ មានការកើនឡើងចំនួន៤៧៣ករណី និងការស្លាប់មានការកើនឡើងចំនួន ៦៥នាក់ បើប្រៀប ធៀបជាមួយនឹងការឆ្លង និងការស្លាប់កាលពី ថ្ងៃម្សិលមិញ ។

លទ្ធផលតួលេខពលរដ្ឋចាក់វ៉ាក់សាំងដូសទី៣ នៅថ្ងៃនេះ មានចំនួនកើនឡើងជាងម្សិលមិញ ។ អ្នកចាក់វ៉ាក់សាំងដូសទី៣ ក្នុងរយៈពេល ២៤ម៉ោងកន្លងមកនេះ មានចំនួន ៥ម៉ឺន ១ពាន់ ៥១៣នាក់ ដែលជាតួលេខចាក់បានកើនឡើងជាងម្សិលមិញ រហូតដល់ចំនួន ៣ម៉ឺន ៣៨៦ នាក់ ។ គិតត្រឹមថ្ងៃនេះ តួលេខអ្នកចាក់វ៉ាក់សាំងដូសទី៣ បានសរុបចំនួន ៧លាន ៤៧ម៉ឺន ៩ពាន់ ៦៥៧នាក់ ។

តួលេខមនុស្សឆ្លងជំងឺកូវីដ១៩បានកើនឡើងថែមទៀតនៅថ្ងៃនេះ ខណៈតួលេខអ្នកជាសះ ស្បើយក៏មានច្រើនគួរឱ្យកត់សម្គាល់ផងដែរ។

កម្ពុជាបានចូលរួមជាមួយនឹងពិភពលោកក្នុងការអបអរទិវាអន្តរជាតិសិទ្ធិស្ត្រី៨មីនា។ សម្តេច ព្រះមហាក្សត្រី ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល បានមាន ព្រះរាជបន្ទូលតាមព្រះរាជសារកត់សម្គាល់ថាប្រធានបទសម្រាប់ការប្រារព្ធសិទ្ធិ ស្ត្រីរបស់អង្គ ការសហប្រជាជាតិឆ្នាំ២០២២នេះគឺ «សមភាព Gender ថ្ងៃនេះ ដើម្បីចិរភាពនាពេលអនាគត ។

បេក្ខជនគណបក្សភ្លើងទៀនយ៉ាងហោចចំនួន៣នាក់ក្នុងខណ្ឌកំបូលរាជធានីភ្នំពេញបាន លាឈប់ពីគណបក្ស និងឈប់ធ្វើជាបេក្ខជនឈរឈ្មោះបោះឆ្នោតក្រុមប្រឹក្សាឃុំសង្កាត់ថែម ទៀតខណៈដំណើរការបោះឆ្នោតឃុំនិងសង្កាត់កាន់តែឈានជិតមកដល់។

អគ្គមេបញ្ជាការរងនៃកងយោធពលខេមរភូមិន្ទបានថ្លែងអំពាវនាវកងកម្លាំងប្រដាប់អាវុធត្រូវ បន្តរក្សានូវភាពស្មោះត្រង់ និងពង្រឹងភាពដាច់ខាតនៅក្នុងកិច្ចការពារ ជាតិ សាសនា ព្រះមហា ក្សត្រ, ការពាររដ្ឋធម្មនុញ្ញ និងរាជរដ្ឋាភិបាលស្របច្បាប់ ដើម្បីធានាបាននូវនិរន្តរភាពនៃសុខ សន្តិភាព ស្ថិរភាព និងការអភិវឌ្ឍ។