អគារសិក្សាថ្មី ១ ខ្នង មាន ៣ បន្ទប់ និងសមិទ្ធផលមួយចំនួនក្នុងសាលាបឋមសិក្សា «កា៤» ស្ថិតក្នុងស្រុកស្នួល ខេត្ត ក្រចេះ ត្រូវបានសម្ពោធបើកឲ្យប្រើប្រាស់ជាផ្លូវការ នៅចំថ្ងៃដែល កម្ពុជាបានប្រារព្ធទិវាសិទ្ធិនារីអន្តរជាតិ។

សមាជិកអតីតគណបក្សសង្គ្រោះជាតិចំនួន១៨៨នាក់ក្នុងខេត្តកែប បានស្ម័គ្រចិត្តចូល រួម ជាមួយនឹងគណបក្សប្រជាជនកម្ពុជាខណៈការបោះឆ្នោតឃុំនិងសង្កាត់បានឈានកាន់តែជិត មកដល់។ ពិធីទទួលសមាជិកថ្មី បានធ្វើឡើងនៅថ្ងៃទី៩មីនានេះ។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ២៧ម៉ឺន ៣ពាន់ ៧៥១ករណី និងការស្លាប់ថ្មីមានចំនួន ៦៦៤នាក់ ។ តួលេខឆ្លងនៅថ្ងៃនេះ មានការកើនឡើងចំនួន ៣ម៉ឺន ៨ពាន់ ១៧៤ករណី និងការស្លាប់មានការកើនឡើងចំនួន ១២៤នាក់ បើប្រៀបធៀបជាមួយនឹងការឆ្លង និងការស្លាប់កាលពីម្សិលមិញ ។

តួលេខអ្នកចាក់វ៉ាក់សាំងដូសទី៣ និងដូសទី៤ នៅថ្ងៃនេះបានបង្ហាញថា មានចំនួនតិចជាង ម្សិលមិញ។

តួលេខមនុស្សឆ្លងជំងឺកូវីដ១៩ក្នុងរយ:ពេល២៤ម៉ោងកន្លងមកនេះបានស្ថិតក្នុង៣ខ្ទង់ជា ដដែលប៉ុន្តែបានថយចុះពីជាង៣០០ករណីមកនៅជាង១០០ករណី។

សន្តិភាពគឺជាកត្តាចំបងនៃការធ្វើឱ្យប្រទេសអាចមានអ្វីៗកើតឡើងគ្រប់សព្វបែបយ៉ាង។ បើ គ្មានសន្តិភាពទេ, កុំថាឡើយការអភិវឌ្ឍន៍, សូម្បីតែសិទ្ធិមនុស្សនិងលទ្ធិប្រជាធិបតេយ្យក៏មិន អាចកើតមានបានដែរ។ ឧទាហរណ៍គឺអ្វីកំពុងកើតមានក្នុងប្រទេសអ៊ុយក្រែនដែលកំពុងមាន សង្គ្រាម។

យ៉ាងហោចបាតុករ១៨២នាក់ត្រូវគេរកឃើញថាមិនទាន់បានផ្តល់សំណាកក្នុងការធ្វើតេស្ត រកវីរុសកូវីដ១៩ និងបាតុករទាំងនោះ ត្រូវបានគេប្រាប់ថានឹងមិនឱ្យធ្វើការប្រមូលផ្តុំតវ៉ាតាមទី សាធារណៈឡើយ។ ការព្រមានមិនឱ្យបាតុករទាំង១៨២នាក់នេះធ្វើការតវ៉ាតាមទីសាធារណៈ គឹនៅទន្ទឹមនឹងតួលេខឆ្លងកូវីដ១៩បានកើនដល់ចំនួន៣ខ្ទង់ និងថ្ងៃខ្លះក៏មានមនុស្សស្លាប់ថែម ទៀត។

មជ្ឈមណ្ឌលកម្ចាត់មីនកម្ពុជា បានទទួលប្រាក់ជំនួយជាង៦លានដុល្លារ សម្រាប់ការបោស សំអាតគ្រាប់បែកចង្កោមនៅក្នុងខេត្តចំនួន៧ ។ ប្រាក់ជំនួយ៦លាន៣៥ម៉ឺន៥ពាន់៧២០ដុល្លារ អាមេរិកនេះ គឺជាជំនួយហិរញ្ញប្បទានរបស់ក្រសួងការបរទេស អាមេរិក តាមរយៈអង្គការ NPA របស់ប្រទេសន័រវ៉េ។

កម្ពុជាគ្រោងនឹងប្រគល់រថយន្តដឹកវ៉ាក់សាំងចំនួន ១០គ្រឿងដល់ប្រទេសឡាវ នៅថ្ងៃទី១២ ខែមីនាខាងមុខនេះដើម្បីការចូលរួមទប់ស្កាត់វិបត្តិនៃជំងឺកូវីដ១៩។

កិច្ចប្រជុំពិសេសអាស៊ាន-អាមេរិក ដែលគ្រោងធ្វើនៅចុងខែនេះ ត្រូវបានលើកទៅវេលាពេល ក្រោយវិញ។ មន្ត្រីអាមេរិក បានថ្លែងមុននេះថាកិច្ចប្រជុំកំពូលអាស៊ានអាមេរិក នឹងគ្រោងធ្វើ នៅថ្ងៃទី២៨និង២៩មីនាឆ្នាំ២០២២ក្នុងរដ្ឋធានីវ៉ាស៊ីនតោន។ រដ្ឋមន្រ្តីក្រសួងការបរទេសកម្ពុជាលោក ប្រាក់ សុខុន បានថ្លែងនៅថ្ងៃទី៩មីនានេះ ថាកិច្ចប្រជុំ ពិសេសអាស៊ាន-អាមេរិក ដែលគ្រោងនឹងធ្វើឡើងនៅចុងខែមីនានេះ ត្រូវបាន លើកទៅពេល ក្រោយទៀត ដោយសារមេដឹកនាំអាស៊ានខ្លះ មិនអាចប្រជុំតាមពេលវេលាស្នើឡើង។ មិនមានសេចក្តីបញ្ជាក់ថាតើការលើកពេលវេលានោះ នឹងកំណត់សាជាថ្មីនៅពេល ណាមួយ នោះឡើយ។ ការលើកពេលប្រជុំកំពូលនេះ គឺជាការលើកពេលទី២ហើយចាប់តាំងពីដើមខែ មករាឆ្នាំ២០២២នេះមក។