វីរកីឡាការិនីប៉េតង់ លោកស្រី កែ ឡេង បានស្នើអង្គការតម្លាភាពនៃកម្ពុជា ដកចេញនូវកិច្ច សម្ភាសន៍របស់លោកស្រីចេញពីកម្មវិធីដែលគ្រោងនឹងធ្វើពិធីសម្ពោធផ្សាយថ្ងៃទី១៥មីនា ខាង មុខនេះ។

អគ្គមេបញ្ជាការនៃកងយោធពលខេមរភូមិន្ទនាយឧត្តមសេនីយ៍ វង្ស ពិសេន បានជួបពិភាក្សា ជាមួយអគ្គមេបញ្ជាការកងទ័ពជើងទឹកភូមិន្ទថៃនាយឧត្តមនាវី ស៊ុមប្រាសុង នីលសាម៉ៃ ដែល កំពុងបំពេញទស្សនកិច្ច២ថ្ងៃក្នុងប្រទេសកម្ពុជា។ មន្ត្រីនាំពាក្យបានថ្លែងថាកិច្ចពិភាក្សានាព្រឹក ថ្ងៃទី១១មីនាបាន ផ្តោតលើកិច្ចសហប្រតិបត្តិការយោធានិងការផ្លាស់ប្តូរព័ត៌មានរវាងប្រ ទេស ទាំង២និងការ បង្ក្រាបឧក្រិដ្ឋលើដែនសមុទ្ទ។

បេក្ខជនអនាគតនាយករដ្ឋមន្ត្រីរបស់គណបក្សប្រជាជនកម្ពុជាលោក ហ៊ុន ម៉ាណែត បានអំពាវនាវពលរដ្ឋត្រូវជ្រើសរើសដោយប្រុងប្រយ័ត្នជុំវិញលក្ខណៈសម្បត្តិអ្នកកាច់ចង្កូតនាវាប្រទេស។ ប្រសាសន៍ថ្លែងនេះ បានធ្វើឡើងនៅថ្ងៃទី ១១មីនាឆ្នាំ២០២២ ក្នុងពិធីមួយបញ្ចុះខណ្ឌ សីមាព្រះវិហារ និងសម្ពោធឆ្លងសមិទ្ធផល ក្នុងវត្ត បុព្វកសុវារី ហៅវត្តជីទ្រុន ស្ថិតក្នុងនៅភូមិជី ទ្រុន ឃុំត្រពាំងព្រីង ស្រុកតំបែរ នៃខេត្តត្បូងឃ្មុំ ។

កម្ពុជាបានបង្ហាញបំណងការចង់បើកស្ថានទូតនៅក្នុងប្រទេសប៉ាគីស្ថាន នៅទន្ទឹមនឹងសេចក្តីរាយការណ៍បានឱ្យដឹងថារដ្ឋម​ន្ត្រីការបរទេសប៉ាគីស្ថាន លោកស្ហាម៉េមូដ គូរ៉េស្ហ៊ី ត្រៀមនឹង បំពេញទស្សនកិច្ចកម្ពុជាក្នុងឆ្នាំ២០២២។ កម្ពុជានិងប្រទេសប៉ាគីស្ថាន មានទំនាក់ទំនង ការ ទូតសាឡើងវិញក្នុងខែ មេសាឆ្នាំ២០០៤។

មនុស្សយ៉ាងហោច៣៤នាក់ ត្រូវបានឃាត់ខ្លួន ក្នុងប្រតិបត្តិការបង្ក្រាបការទន្ទ្រានដីរដ្ឋ ក្នុង ដែនព្រៃលិចទឹកតំបន់បឹងទន្លេសាប ខណៈផ្ទៃដីជាង៦ម៉ឺនហិកតាត្រូវបានរឹបអូសជាដីរដ្ឋវិញ ។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ២៦ម៉ឺន ៧ពាន់ ៥១៦ករណី និងការស្លាប់ថ្មីមានចំនួន ៧២៩នាក់ ។ តួលេខឆ្លងនៅថ្ងៃនេះ មានការថយចុះចំនួន ៩ពាន់ ៦៤៩ករណី និងការស្លាប់មានការកើនឡើងចំនួន ៦៥នាក់ បើ ប្រៀបធៀបជាមួយនឹងការឆ្លង និងការស្លាប់កាលពីម្សិលមិញ ។

តួលេខអ្នកចាក់វ៉ាក់សាំងដូសទី៣ និងដូសទី៤ នៅថ្ងៃនេះបានបង្ហាញថា មានចំនួនកើនឡើង ជាងម្សិលមិញ ។ យោងតាមក្រសួងសុខាភិបាល តួលេខអ្នកចាក់វ៉ាក់សាំងដូសទី៣ ក្នុងរយៈ ពេល២៤ម៉ោងកន្លងមកនេះមានចំនួន ១៤ម៉ឺន ១៤នាក់ ដែលជាតួលេខចាក់កើនឡើង ជាង ម្សិលមិញចំនួន១១ម៉ឺន ៨ពាន់ ៧៤៥នាក់ ។ គិតត្រឹមថ្ងៃនេះតួលេខអ្នកចាក់វ៉ាក់សាំងដូសទី៣ បានសរុបចំនួន ៧លាន៦៤ម៉ឺន ៩៤០នាក់ ។

តួលេខមនុស្សឆ្លងជំងឺកូវីដ១៩ក្នុងរយ:ពេល២៤ម៉ោងកន្លងមកនេះបានស្ថិតក្នុង៣ខ្ទង់ជា ដដែលនិងថែមទាំងកើនឡើងទៀតប្រៀបធៀបការឆ្លងពីម្សិលមិញ។ កម្ពុជាក្នុងរយៈពេល២៤ ម៉ោងមកនេះមានការឆ្លងជំងឺកូវីដ១៩ចំនួន២៣៨ករណីដែលកើនឡើងចំនួន៤០ករណីបើ ប្រៀបនឹងម្សិលមិញ។ ការឆ្លងចូលក្នុងសហគមន៍ ត្រូវគេ រាយការណ៍ថាមានចំនួន ២១៤ ករណី, ចំណែក២៤ករណីទៀត គឺជាការឆ្លងនាំមកពីក្រៅប្រទេស ។ រដ្ឋលេខាធិការក្រសួង សុខាភិបាលលោកស្រី ឱ វណ្ណឌីន បានថ្លែងថាតួលេខឆ្លងកូវីដ១៩នៅមិនទាន់បានថមថយនៅ ឡើយទេ និងលោកស្រីបានអំពាវនាវការប្រុងប្រយ័ត្នបន្ថែមទៀត ។ កម្ពុជាគិតត្រឹមថ្ងៃទី១០ខែ មីនា ឆ្នាំ ២០២២, ការឆ្លងជំងឺកូវីដ១៩សរុបទូទាំងប្រទេសរួម ទាំង ការឆ្លងអូមីក្រុងថែមទៀតនោះ មានចំនួន១៣ម៉ឺន៣ពាន់៥០១ករណី, ចំណែកការព្យាបាលជា សះស្បើយមានចំនួន១២ម៉ឺន៧ពាន់៩៩៥នាក់ដោយរាប់បញ្ចួលទាំងការព្យាបាលជាសះ ស្បើយថ្ងៃនេះចំនួន ៣១២នាក់ថែមទៀត ។ ចំណែកការស្លាប់ថ្មីមានម្នាក់ផងដែរនៅថ្ងៃនេះ ដែលនាំឲ្យការស្លាប់សារុបមានចំនួន៣ពាន់៤៤នាក់។

រថយន្តដឹកវ៉ាក់សាំងចំនួន ៣០គ្រឿង ត្រូវបានប្រគល់ជូនដល់ជូនដល់មន្ទីរសុខាភិបាល រាជធានី-ខេត្តសម្រាប់បម្រើឲ្យការងារប្រយុទ្ធប្រឆាំងនឹងជំងឺកូវីដ១៩។ ពិធីប្រគល់នេះបាន ធ្វើឡើងនៅថ្ងៃទី១០ ខែមីនា ឆ្នាំ២០២២ នេះក្នុងរាជធានីភ្នំពេញ ក្រោមវត្តមាន លោកជំទាវ វេជ្ជបណ្ឌិត ឱ វណ្ណឌីន ដែលជាប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ ក្នុង ក្របខណ្ឌទូទាំងប្រទេស។

អគារមនី្ទរពេទ្យកម្ពុជា-ចិន ព្រះកុសុមៈកម្ពស់១១ជាន់ ចំណាយថវិកាជាង៨០លានដុល្លារ បានបញ្ចប់ការសាងសង់ជាស្ថាពរហើយ។ រដ្ឋលេខាធិការក្រសួងសុខាភិបាលលោក ស្រី វេជ្ជបណ្ឌិត យក់ សម្បត្ដិ បានថ្លែងថាពិធីសម្ពោធ អគារជាផ្លូវការ គ្រោងនឹងធ្វើនៅថ្ងៃទី២១មីនា ឆ្នាំ២០២២ដែលរំពឹងថានឹងមានការអញ្ជើញចូលរួមដ៏ខ្ពង់ខ្ពស់ពីសម្តេចនាយករដ្ឋមន្ត្រី ហ៊ុន សែន។