នៅសល់តែជាង៨០ថ្ងៃទៀតប៉ុណ្ណោះ កម្ពុជានឹងឈានដល់ការបោះឆ្នោតក្រុមប្រឹក្សាឃុំនិង សង្កាត់អាណ្ណត្តិទី៥។ ការបោះឆ្នោតដែលនឹងមកដល់ថ្ងៃទី៥មិថុនាឆ្នាំ២០២២ នឹងមានការ ចួលរួមពីគណបក្សនយោបាយសរុបចំនួន១៧គណបក្ស ជាមួយនឹងបេក្ខជនឈរឈ្មោះ សារុប៨ម៉ឺន៤ពាន់២០៨នាក់ ក្នុងនោះក៏រួមមានស្ត្រីចំនួន២ម៉ឺន៦ពាន់៥៨៤រូបផងដែរ។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ២៥ម៉ឺន ៨ពាន់ ២៣៧ករណី និងការស្លាប់ថ្មីមានចំនួន ៤៩៧នាក់ ។ សូមបញ្ជាក់ថា ចំនួនតួ លេខឆ្លងថ្មី និងស្លាប់ថ្មី នៅថ្ងៃនេះ ជាផលបូក ប្រទេសចំនួន ៩ នោះទេ ដោយប្រទេសហ្វី លីពីនគិតត្រឹមល្ងាចម៉ោង៦ថ្ងៃសុក្រ នៅមិនទាន់មានសេចក្តីរាយការណ៍ចុងក្រោយទេ ។ តួលេខឆ្លងនៅថ្ងៃនេះ មានការថយចុះចំនួន ១ម៉ឺន ១ពាន់ ១៦៦ករណី និងការស្លាប់ថយ ចុះចំនួន ២៣២នាក់ បើប្រៀបធៀបជាមួយនឹងការឆ្លង និងការស្លាប់កាលពីម្សិលមិញ ។ ក្នុងចំណោមតួលេខឆ្លងថ្មី ក្នុងរយៈពេល២៤ម៉ោងចុងក្រោយនេះ ប្រទេសវៀតណាម នៅតែជាប្រទេសមានតួលេខឆ្លងច្រើនជាងគេបង្អស់ដដែល។

តួលេខអ្នកចាក់វ៉ាក់សាំងដូសទី៣ និងដូសទី៤ នៅថ្ងៃនេះបានបង្ហាញថា មានចំនួនថយចុះ ជាងម្សិលមិញ ។ យោងតាមក្រសួងសុខាភិបាល តួលេខអ្នកចាក់វ៉ាក់សាំងដូសទី៣ ក្នុងរយៈ ពេល២៤ម៉ោងកន្លងមកនេះមានចំនួន ៣ម៉ឺន ៨ពាន់ ៤០៤នាក់ ដែលជាតួលេខចាក់ថយចុះ ជាងម្សិលមិញចំនួន ១ម៉ឺន ៦១០នាក់ ។ គិតត្រឹមថ្ងៃនេះតួលេខអ្នកចាក់វ៉ាក់សាំងដូសទី៣ បានសរុបចំនួន ៧លាន ៥៧ម៉ឺន ៩ពាន់ ៣៤៤នាក់ ។

តួលេខមនុស្សឆ្លងជំងឺកូវីដ១៩ក្នុងរយ:ពេល២៤ម៉ោងកន្លងមកនេះមានចំនួន២៨៧ករណី ដែលថយចុះ១ករណីប្រៀបធៀបការឆ្លងពីម្សិលមិញ។ ការឆ្លងចូលក្នុងសហគមន៍ ត្រូវគេ រាយការណ៍ថាមានចំនួន ២០៧ ករណី, ចំណែក៣០ករណីទៀត គឺជាការឆ្លងនាំមកពីក្រៅប្រ ទេស ។

កិច្ចប្រជុំគណ:កម្មាធិការចម្រុះកម្ពុជានិងសហភាពអឺរ៉ុបលើកទី១១បានបញ្ចប់ដោយសហ ភាពអឺរ៉ុបបានកោតសរសើរកម្ពុជាលើកិច្ចសហប្រតិបត្តិការរវាងគ្នាទៅវិញទៅមក។ យោងតាមសេចក្តីប្រកាសព័ត៌មានរួមគ្នា​ថ្ងៃទី១០មីនា ”សហភាពអឺរ៉ុបក៏បានកោតសរសើរ កម្ពុជា ចំពោះជោគជ័យនៃការរៀបចំកិច្ចប្រជុំកំពូលអាស៊ី-អឺរ៉ុបលើកទី១៣ កាលពីឆ្នាំ២០២១ ដែលបានបង្ហាញពីកិច្ចខិតខំប្រឹងប្រែង និងការប្តេជ្ញាចិត្តរួមគ្នា ក្នុងការដោះស្រាយជំងឺរាតត្បាត កូវីដ-១៩ ក៏ដូចជាក្នុងការធានាឱ្យបានថាពហុភាគីនិយមនៅតែបន្តមានភាពពាក់ព័ន្ធ និងមាន ប្រសិទ្ធភាពដោះស្រាយបញ្ហាតំបន់ និងសកល”។

ឃាតកម្មលើកុមារីសិស្សសាលាម្នាក់នៅក្នុងខេត្តបន្ទាយមានជ័យ បានស្ថិតក្នុងភាព អាថ៌ កំបាំងនិងកំពុងស្រាវជ្រាវស្វែងរកមូលហេតុ។ ក្មេងស្រីសិស្សសាលាបឋមសិក្សាទំនប់ក៥ ឈ្មោះ លូត លីហ្សា ត្រូវបានគេប្រទះឃើញក្នុងដីឡូតិ៍មួយកន្លែងចម្ងាយពីផ្ទះប្រមាណ២០០ ម៉ែត្រ។

ជំនួយរបស់រដ្ឋាភិបាលជប៉ុន បានផ្តល់មកទៀតហើយដល់កម្ពុជាដើម្បីការជួយលើគម្រោង អភិវឌ្ឍន៍ផ្សេងៗ។ នៅថ្ងៃទី១១មីនានេះ ជំនួយឥតសំណង៨១ម៉ឺន៧ពាន់៧៥៦ដុល្លារ ត្រូវបាន ប្រគល់ដល់អង្គការក្រៅរដ្ឋាភិបាលចំនួន២ សម្រាប់គម្រោងលើកកម្ពស់ការយល់ដឹងអំពីបញ្ហា បរិស្ថាននិងការលុបបំបាត់អំពើហិង្សាលើកុមារនៅក្នុងសាលារៀន។

រដ្ឋធានីគៀវនៃប្រទេសអ៊ុយក្រែននៅតែស្ថិតក្នុងរង្វង់ការហ៊ុំព័ទ្ធពីកម្លាំងទាហានរុស្ស៊ី ប៉ុន្តែនៅ មិនទាន់មានការវាយចូលលុកលុយក្នុងក្រុងនៅឡើយទេបើទោះបីជាកម្លាំងទាហានរុស្ស៊ីបាន ស្ថិតនៅចម្ងាយប្រមាណ៥ទៅ១០គីឡូម៉ែត្រពីក្រុងគៀវនោះក៏ដោយ។

ការតវ៉ាខ្លះត្រូវគេរាយការណ៍ថាបានកើតឡើងពាក់ព័ន្ធនឹងឈ្មោះបេក្ខជនបោះឆ្នោត ខណៈ គណបក្សនយោបាយខ្លះបានដាក់ឈ្មោះបេក្ខជនឈរឈ្មោះការបោះឆ្នោតឃុំនិងសង្កាត់ ដោយបេក្ខជនទាំងនោះ មិនបានដឹងជាមុននោះឡើយ។

ទាក់ទងនឹងរឿងការស្នើសុំដកចេញនេះដែរ, ស្ត្រីម្នាក់ទៀតដែលជាស្ថាបនិកក្រុមហ៊ុនលីលី និងជាប្រធានសមាគមសហគ្រិនស្ត្រីកម្ពុជា CWEA បានធ្វើលិខិតមួយប្រាប់អង្គការតម្លាភាព នៃកម្ពុជាដដែលនោះ ត្រូវដករូបលោកស្រីចេញពីកម្មវិធីដែលគ្រោងនឹងផ្សាយនៅប៉ុន្មានថ្ងៃ ខាងមុខនេះថែមទៀត។