ក្រោយបុណ្យភ្ជុំបិណ្ឌ មិនមានផ្ទុះការរីករាតត្បាត ជំងឺកូវីដ-១៩ នោះឡើយ ដែលនេះ គឺជាអានុភាព និងជាលទ្ធផល កើតចេញពីការ ចាក់វ៉ាក់សាំង និងបាន អំពាវនាវឱ្យពលរដ្ឋ ទៅចាក់វ៉ាក់សាំង ឲ្យបានគ្រប់គ្នា

ភ្នំពេញ៖ ក្រសួងសុខាភិបាល នៅថ្ងៃទី១៩ ខែតុលា ឆ្នាំ២០២១ ចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ១៩ថ្មីចំនួន១៧៥នាក់, អ្នកជំងឺចំនួន២៧១នាក់ជាសះស្បើយ និងអ្នកស្លាប់ថ្មីចំនួន១១នាក់ (ក្នុងនោះ៨នាក់អត់បានចាក់វ៉ាក់សាំង)។ គិតត្រឹមថ្ងៃទី១៩ ខែតុលា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩៖ សរុបចំនួន១១៧,០៣៥នាក់, អ្នកជាសះស្បើយសរុបចំនួន១១១,៤២០នាក់, ស្លាប់សរុបចំនួន២,៦៨១នាក់៕