-
ក្រសួងពាណិជ្ជកម្ មរៀបចំកិច្ចប្រជុំដើម្បីពិនិត្យ លើសេចក្ដីព្រាងច្បាប់ ស្ដីពីវិធានដើមកំណើតទំនិញ
ភ្នំពេញ ៖ ការរៀបចំសេចក្តីព្រាងច្បាប់ស្តីពីវិធានដើមកំណើត គឺជាលក្ខខណ្ឌមួយក្នុងកម្មវិធីផ្តល់កម្ចីផ្អែកលើគោលនយោបាយ ដែលអនុវត្តដោយធនាគារអភិវឌ្ឍន៍អាស៊ី (ADB) និង ធនាគារពិភពលោក (World Bank)។នេះជា ប្រសាសន៍ របស់ឯកឧត្ដម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម នៅក្នុងឱកាសដែលឯកឧត្តមបានដឹកនាំកិច្ចប្រជុំនៅព្រឹកថ្ងៃទី៩ ខែកុម្ភៈ ឆ្នាំ២០២២ ដើម្បីពិនិត្យ និងឆ្លងយោបល់លើ សេចក្ដីព្រាងច្បាប់ស្ដីពីវិធានដើមកំណើតទំនិញ ដែលមាន ការចូលរួមពីថ្នាក់ដឹកនាំ និងក្រុមការងាររៀបចំ សេចក្តីព្រាង ច្បាប់ និង បទប្បញ្ញត្តិនានា ស្តីពីវិធានដើមកំណើតទំនិញ។
-
រដ្ឋមន្រ្តីក្រសួងពាណិជ្ជកម្ម ៖ កម្ពុជាត្រៀមខ្លួនរួចជាស្រេចដើម្បីទទួលស្វាគមន៍ធុរជន និងវិនិយោគិនពីបណ្តាប្រទេសប្រើប្រាស់ភាសាបារំាង
ភ្នំពេញ៖ ឯកឧត្តម ប៉ាន សូរសក្ត័ រដ្ឋមន្ត្រីក្រសួង ពាណិជ្ជកម្ម ថ្លែងថា កម្ពុជាបានរៀមខ្លួនរួចជាស្រេច ដើម្បីទទួល ស្វាគមន៍ ធុរជន និងវិនិយោគិនមកពីបណ្តា ប្រទេសហ្វ្រង់កូហ្វូនី ឬហៅថាក្រុមប្រទេសដែលប្រើប្រាស់ភាសាបារំាង (OIF)។ បញ្ជាក់នេះធ្វើឡើងកាលពីរសៀលថ្ងៃទី០៩ ខែកុម្ភៈ ឆ្នាំ២០២២ នៅទីស្តីការក្រសួងពាណិជ្ជកម្ម នាឱកាស ទទួលជួបពិភាក្សាការងារជាមួយឯកឧត្តម ឆេគូ អ៊ូស៊ូម៉ាន (Chekou OUSSOUMAN) តំណាងប្រចាំតំបន់អាស៊ី-ប៉ាស៊ីហ្វិករបស់អង្គការអន្តរជាតិហ្វ្រង់កូហ្វូនី ដែលកំពុង បំពេញបេសកកម្មនៅប្រទេសកម្ពុជា និងបង្ហាញពីគោលជំហរ នៅក្នុងការគាំទ្រដល់បេសកកម្មសេដ្ឋកិច្ច និងពាណិជ្ជកម្ម ហ្វ្រង់កូហ្វូនីនៅអាស៊ី-ប៉ាស៊ីហ្វិក (MECA)។ ក្នុងសវនាការនេះឯកឧត្តម ឆេគូ អ៊ូស៊ូម៉ាន បានបង្ហាញនូវ ការកោតសរសើរ និងវាយតម្លៃខ្ពស់ចំពោះកិច្ចខិតខំ ប្រឹងប្រែងរបស់កម្ពុជា ក្នុងកិច្ចសម្រួលពាណិជ្ជកម្ម និង វិនិយោគនិងបានកត់សម្គាល់ពីសក្តានុពលរបស់កម្ពុជាក្នុងវិស័យពាណិជ្ជកម្មដែលអាចនឹងទាក់ទាញធុរជននិងវិនិយោគិន ពីបណ្តាប្រទេសហ្វ្រង់កូហ្វូនី។ ក្នុងនោះឯកឧត្តម ក៏បាន ជម្រាបជូនឯកឧត្តមរដ្ឋមន្ត្រីអំពីគោលបំណងក្នុងការរៀបចំបេសកកម្មសេដ្ឋកិច្ច និងពាណិជ្ជកម្មហ្វ្រង់កូហ្វូនីនៅតំបន់អាស៊ី-ប៉ាស៊ីហ្វិក (MECA) ដែលគ្រោងនឹងប្រព្រឹត្តទៅនៅ រាជធានី ភ្នំពេញនៅខែមីនាខាងមុខនេះ។ ឯកឧត្តមបន្តថា បេសកកម្មសេដ្ឋកិច្ច និងពាណិជ្ជកម្ម…
-
មន្រ្តីក្រសួងបរិស្ថាន ៖ ការអនុវត្តគម្រោងនិរន្តរភាពតំបន់ទេសភាព និងទេសចរណ៍ធម្មជាតិកម្ពុជារយៈពេល៦ឆ្នាំ នឹងជួយលើកស្ទួយដល់ជីវភាពប្រជាសហគមន៍
-
ទឹកស្ព្រីងប្រូវីដា ទទួលបានវិញ្ញាបនបត្រទទួលស្គាល់គុណភាពអន្តរជាតិពីគណៈកម្មាធិការ ISO នៅចក្រភពអង់គ្លេស
ភ្នំពេញ៖ ទឹកស្ព្រីងប្រូវីដា ទទួលបានវិញ្ញាបនបត្រទទួលស្គាល់គុណភាពអន្តរជាតិ ISO 9001: 2015, ISO 22000:2018, HACCP និង GMP ពីគណៈកម្មាធិការទទួលស្គាល់គុណភាពអាយ អេស អូ ( ISO )នៅចក្រភពអង់គ្លេស កាលពីថ្ងៃទី២១ ខែមករា ឆ្នាំ២០២២ ដោយមានការចូលរួមពីគណៈគ្រប់គ្រង និងបុគ្គលិកនៃក្រុមហ៊ុនដូនពេញត្រេឌីង ឯ.ក ព្រមទាំងតំណាងគណៈកម្មាធិការទទួលស្គាល់គុណភាព ISO។
-
ក្រសួងពាណិជ្ជកម្ម និងអង្គការ Swisscontact Cambodia
ភ្នំពេញ៖ ក្រសួងពាណិជ្ជកម្ម និងអង្គការ Swisscontact Cambodiaតំណាងឱ្យសម្ព័ន្ធសកលសម្រាប់កិច្ចសម្រួល ពាណិជ្ជកម្ម (Global Alliance for Trade Facilitation)បានសហការគ្នាក្នុងការដាក់ឱ្យអនុវត្តផ្លូវការគម្រោងថ្មីមួយ ដែលមានឈ្មោះថា «គម្រោងធ្វើឱ្យប្រសើរឡើងនូវការធ្វើពាណិជ្ជកម្ម តាមប្រព័ន្ធអេឡិចត្រូនិកនៃកញ្ចប់ទំនិញខ្នាតតូច សម្រាប់សហគ្រាសធុនតូច និងមធ្យម Improving Small Package e-Trade for SMEs (SeT4SME)»។
-
អបអរសាទរ ! ទឹកស្ព្រីងប្រូវីដា នៃក្រុមហ៊ុនដូនពេញត្រេឌីង ឯ.ក ទទួលបានវិញ្ញាបនបត្រទទួលស្គាល់គុណភាពអន្តរជាតិពីគណៈកម្មាធិការ ISO នៅចក្រភពអង់គ្លេស
ភ្នំពេញ៖ ទឹកស្ព្រីងប្រូវីដា ទទួលបានវិញ្ញាបនបត្រទទួលស្គាល់គុណភាពអន្តរជាតិ ISO 9001: 2015, ISO 22000:2018, HACCP និង GMP ពីគណៈកម្មាធិការទទួលស្គាល់គុណភាព ISO នៅចក្រភពអង់គ្លេស កាលពីថ្ងៃទី២១ ខែមករា ឆ្នាំ២០២២ ដោយមានការចូលរួមពីគណៈគ្រប់គ្រង និងបុគ្គលិកនៃក្រុមហ៊ុនដូនពេញត្រេឌីង ឯ.ក ព្រមទាំងតំណាងគណៈកម្មាធិការទទួលស្គាល់គុណភាព ISO។
-
ភ្នាក់ងារទេសចរណ៍ ១០០នាក់ ទទួលបានការបណ្តុះបណ្តាលពង្រឹងជំនាញបដិសណ្ឋារកិច្ច
ភ្នំពេញ៖មជ្ឍមណ្ឌលបណ្តុះបណ្តាលអង្គរ និងនាយកដ្ឋានអភិវឌ្ឍន៍ទេសចរណ៍អង្គរនៃអាជ្ញាជាតិអប្សរាបានបើកវគ្គបណ្តុះបណ្តាលជំនាញស្តីពី ការពង្រឹងបដិសណ្ឋារកិច្ចដល់មន្ត្រី និងបុគ្គលិកដែលកំពុងបម្រើការជាភ្នាក់ងារទេសចរណ៍ ចំនួន១០០នាក់ ក្រោមអធិបតីភាព ឯកឧត្ដម ឡុង កុសល អគ្គនាយករង និងជាអ្នកនាំពាក្យ និងជាតំណាង ឯកឧត្ដម អគ្គនាយក ហង់ ពៅ ។
-
វិស័យមីក្រូហិរញ្ញវត្ថុចាប់ដៃគូជាមួយគ្រឹះស្ថានឧត្តមសិក្សាលើកម្មវិធីអភិវឌ្ឍន៍ធនធានមនុស្សសម្រាប់វិស័យមីក្រូហិរញ្ញវត្ថុកម្ពុជា
-
ថ្មលយតំបន់ទេសចរណ៍ជាទីទាក់ទាញបែបធម្មជាតិនៅ ឧទ្យានជាតិព្រះសុរាម្រិតកុសុមៈគិរីរម្យ
ខេត្តកំពង់ស្ពឺ៖ថ្មលយគឺជាគោលដៅទេសចរណ៍មួយកន្លែងនៅឧទ្យានជាតិព្រះសុរាម្រិតកុសុមៈគិរីរម្យ ដែលមានថ្មដុះធម្មជាតិ មានទេសភាពព្រៃឈើធម្មជាតិនិងសត្វព្រៃដែលជាទី ទាក់ទាញទេសចរណ៍។ ទីកន្លែងទេសចរណ៍មួយកន្លែងនេះស្ថិតក្នុងស្រុកភ្នំស្រួច ខេត្តកំពង់ស្ពឺ។ បើអ្នកទេសចរចង់ធ្វើដំណើរទៅកាន់កន្លែងនេះ ត្រូវធ្វើដំណើរចេញពីរង្វង់មូលនាគព័ន្ធ ឆ្លងកាត់ព្រៃស្រល់ដ៏ស្រស់ស្អាតជាច្រើនកន្លែងដែលប្រកបដោយទេសភាពព្រៃឈើគួរជាទីមនោរម្យ។ បើនៅខែវស្សាផ្លូវពិបាកចេញចូលគេអាចធ្វើដំណើរដោយថ្មើជើងដោយមានរយៈចម្ងាយជិត៥គីឡូម៉ែត្រ តែបើខែប្រាំងគេអាចធ្វើដំណើរតាមរយៈម៉ូតូ ឬរថយន្តចូលតជិតដល់ទីកន្លែងនេះតែម្តង។នៅតំបន់ថ្មលយ មានផ្ទាំងថ្មធំៗដុះលយចេញទៅមាត់ជ្រោះដែលអ្នកទេសចរអាចឈរកម្សាន្តឬថតរូបទេសភាពព្រៃភ្នំដ៏ស្រស់ស្អាតពីទីកន្លែងនេះបានយ៉ាងសប្បាយរីករាយ។នៅទីកន្លែងនេះគឺជាប់ នឹងមាត់ជ្រោះ ហើយក៏ជាប់នឹងជ្រលងភ្នំដែរ ។ កាលបើគេឈើលើថ្មលយនេះ យើងនឹងបានឃើញទិដ្ឋភាពដ៏ប្លែកភ្នែក នឹង គួរអោយស្ញើបណាស់ផង។ អ្នកទេសចរនៅពេលឈរក្បែរថ្មលយតំបន់នេះក៏ត្រូវប្រុងប្រយ័ត្នខ្ពស់ដែរពីព្រោះថាវាមានកម្ពស់ខ្ពស់ពីលើកំពូលភ្នំទៅក្រោមមានរយៈចម្ងាយប្រហែលជិត១៥០ម៉ែត្រ។លោក ឃិនម៉េង ឃាង ប្រធាននាយកដ្ឋានទេសចរណ៍ធម្មជាតិនៃអគ្គនាយកដ្ឋានសហគមន៍មូលដ្ឋានក្រសួងបរិស្ថាន បានឱ្យដឹងក្នុងខណៈពេលដឹកនាំ ប្រតិភូទស្សនៈកិច្ចដំណើរទស្សនកិច្ចស្វែងយល់អំពីផលិតផល និងសេវាកម្មទេសចរណ៍ធម្មជាតិ នៅខេត្តកំពង់ស្ពឺ និងកោះកុងរយៈពេល ៤ថ្ងៃកាលពីថ្មីៗមកនេះបានឱ្យដឹងថានៅឧទ្យានជាតិព្រះសុរាម្រិតកុសុមៈគិរីរម្យនេះមានតំបន់ទាក់ទាញដែលជាគោលដៅទេសចរណ៍ធម្មជាតិច្រើនកន្លែងណាស់។សម្រាប់ចំណុចសំខាន់នៅក្នុងឧទ្យានជាតិមួយកន្លែងនេះមានព្រៃស្រោង មានភ្នំខ្ពស់ៗដោយកន្លែងខ្លះមានកម្ពស់រហូតដល់៧០០ម៉ែត្រ ។មានព្រៃឈើដែលផ្តល់ភាពត្រជាក់សម្រាប់កន្លែងទេសចរណ៍ មានអេកូទេសចរណ៍ ។ក្រៅពីតំបន់ព្រៃស្រោងក៏នៅមានតំបន់គួរជាទីទាក់ទាញច្រើនកន្លែងទៀតដូចជាតំបន់ថ្មលយនេះគឺជាទីកន្លែងទេសចរណ៍ថ្មដុះបែបធម្មជាតិ ។ទីនេះមានទេសភាពស្រស់ស្អាត មានព្រៃស្តុក មានអាកាសធាតុត្រជាក់ ហើយនៅទីកន្លែងនេះក៏មានសត្វព្រៃ ពិសេសសត្វរមាំង សត្វកេងកង ជាដើម។ លោក ប្រធាននាយកដ្ឋានទេសចរណ៍ធម្មជាតិនៃអគ្គនាយកដ្ឋានសហគមន៍មូលដ្ឋានក្រសួងបរិស្ថាន បានឱ្យដឹងដែរថាឧទ្យានជាតិព្រះសុរាម្រិតកុសុមៈគិរីរម្យនៅមានទឹកធ្លាក់ ដែលជាគោលដៅវិនិយោគឯកជន និងកាលពីថ្មីៗមកនេះក៏មានការស្នើសុំវិនិយោគលើវិស័យទេសចរណ៍ធម្មជាតិខ្នាតតូច ដែលមានទំហំដីក្រោម១០ ហិកតា ហើយពេលនេះកំពុងបំពេញនីតិវិធីច្បាប់ដើម្បីអនុវត្តគម្រោង។ លោកបានបញ្ជាក់បន្ថែមថាភ្ញៀវទេសចរអាចមកកម្សាន្តបែបលំហែកាយ ដូចជា ជិះកង់ ដើរព្រៃ និងបោះតង់ជាលក្ខណៈគ្រួសារ។ក្រៅពីនេះមន្ត្រីឧទ្យានុរក្សក្រៅពីមានតូនាទីកិច្ចការពារព្រៃឈើនិងសត្វហើយគាត់ក៏អាចជូនភ្ញៀវទេសចរដើរកម្សាន្ត ហើយតាត់ក៏អារកប្រាក់ចំណូលតាមរយៈនេះផងដែរ៕ដោយ៖ម៉ាដេប៉ូ…
-
ប្រជាសហគមន៍អេកូធម្មជាតិ ចំបក់ក្រៅពីអាស្រ័យផលចំការ អនុផលព្រៃឈើ ខ្លះងាកមកបម្រើសេវាកម្មទេសចរណ៍
ខេត្តកំពង់ស្ពឺ៖ប្រជាសហគមន៍តំបន់ការពារ និងអេកូធម្មជាតិ ចំបក់ ជារមណីយដ្ឋានធម្មជាតិទាក់ទាញមួយក្នុងខេត្ត កំពង់ស្ពឺ ក្រៅពីរបរជាបង្គោលធ្វើចំការ រកអនុផលព្រៃឈើ និងមួយចំនួនបានងាកមកបម្រើលើសេវាទេសចរណ៍សម្រាប់ផ្គត់ផ្គង់ជីវភាពគ្រួសារ។ គួរបញ្ជាក់ថារមណីយដ្ឋាន ចំបក់ ស្ថិតក្នុងទឹកដី ភូមិចំបក់ ឃុំចំបក់ ស្រុកភ្នំស្រួច ខេត្ត កំពង់ស្ពឺ ជាប់ព្រំដែនឧទ្យានជាតិគិរីរម្យ។លោក ទូច ម៉ក់ ប្រធានសហគមន៍តំបន់ការពារនិងអេកូទេសចរណ៍ ឃុំចំបក់ ស្រុក ភ្នំស្រួចខេត្តកំពង់ស្ពឺបានឱ្យដឹងថាសហគមន៍នេះបាន បង្កើតឡើងនៅថ្ងៃទី០៩ ខែមករា ឆ្នាំ២០០៣។ អ្វីដែលជាភាពទាក់ទាញខ្លាំង គឺទឹកធ្លាក់ ទេសភាពព្រៃភ្នំ ជាដើម។ ទឹកធ្លាក់មានច្រើនកន្លែងរាប់ពីទីមួយរហូតដល់ទីប្រាំពីកន្លែង និងក្រៅពីនេះជាតំបន់ទេសភាព កន្លែងខ្លះ ដូចជាថ្មអំពិល ល្អាងប្រជៀវ សុទ្ធតែទេសភាពស្អាតគ្មានគូប្រៀប។លោកថានៅក្នុងផ្ទៃដីរបស់សហគមន៍គ្រប់គ្រងរាល់ថ្ងៃគឺមាន ៣៤៥១ ហិចតា ហើយនៅក្នុងនេះមាន៦៣៧ គ្រួសារចងក្រងជាសមាជិកនៅក្នុងសហគមន៍។ លោកបានបញ្ជាក់បន្ថែមថានៅក្នុងសេវាកម្មដែលជាផលិតផលទេសចរណ៍សហគមន៍មានដូចជាផ្ទះសំណាក់តាមសហគមន៍ មានផ្នែករបាំ មានផ្នែកដឹកភ្ញៀវទាំងគោយន្ត រទេះគោនិងម៉ូតូជាដើម ។មួយទៀតគឺផ្នែកភ្ញៀវ ហើយអ្វីដែលសំខាន់សហគមន៍បានទាញយកពីភ្ញៀវដែលមកដល់សហគមន៍រៀបចំជាកញ្ចប់សេវា ។ លោក បានឲ្យដឹងបន្ថែមថា “ដើម្បីឲ្យប្រជាសហគមន៍ទទួលបានប្រាក់ចំណូលបន្ថែមយើងបានបង្រៀន ការដុតក្រឡានពីព្រោះថាងាយរកចំណូល បង្រៀនចាក់កងដៃ ពីរបស់ធម្មជាតិឬបង្រៀនពីការកែច្នៃរបស់ផ្សេងៗទៀតដែលអាចរកចំណូលពីការលក់ជូនដល់ភ្ញៀវទេសចរ “។ លោក…