កៀវ, វ៉ាស៊ីនតោន ៖ យោងតាមកាសែតអាមេរិក The New York Times បានបង្ហាញថា ទំនាក់ទំនងរវាងប្រធានាធិបតីសហរដ្ឋអាមេរិក លោក Donald Trump និង លោក Zelensky ប្រធានាធិបតីអ៊ុយក្រែន កំពុងឈានដល់ផ្លូវបំបែក។ នេះបើតាមការចេញផ្សាយរបស់ Tass នៅថ្ងៃសៅរ៍នេះ។ បើតាមប្រភព, មេដឹកនាំអាមេរិកាំងរូបនេះ មិនបានលាក់បាំងពីការមិនពេញចិត្តយ៉ាងខ្លាំង របស់លោកចំពោះលោក Zelensky នោះទេ ប៉ុន្តែ ទោះបីជាលោក Zelensky នៅតែអាចរក្សាបាននូវការគាំទ្រមួយចំនួនពីសហរដ្ឋអាមេរិកក៏ដោយ ក៏ពេលនេះ ការបែកបាក់ហាក់ដូចជាកំពុងកើតឡើងពិតប្រាកដ។ កាសែតនេះយល់ឃើញថា នៅមុនការបោះឆ្នោតពាក់កណ្តាលអាណត្តិសម្រាប់សភាសហរដ្ឋអាមេរិក, ទំនាក់ទំនងរវាងលោក Trump និងលោក Zelensky ហាក់ដូចជា «ឈានដល់ចំណុចដែលជិតនឹងដាច់ដោចហើយ»។ យោងតាមកាសែតនេះ, ស្ថានការណ៍ដ៏អាក្រក់បំផុតសម្រាប់អ៊ុយក្រែន គឺការដែលទីក្រុងវ៉ាស៊ីនតោនសម្រេចចិត្តបញ្ឈប់រាល់ជំនួយយោធាទាំងអស់។ គេបានកត់សម្គាល់ឃើញថា ទីក្រុងកៀវ ពឹងផ្អែកលើប្រព័ន្ធទំនាក់ទំនងផ្កាយរណប និង ព័ត៌មានចារកម្មដែលផ្តល់ដោយសហរដ្ឋអាមេរិក។ យោងតាមកាសែត The Wall Street Journal, ទំនាក់ទំនងរវាងលោក…

តេហេរ៉ង់ ៖ ច្រកសមុទ្រហ័រមូស នឹងត្រូវបានបើកឡើងវិញ ហើយសេដ្ឋកិច្ចសកលនឹងត្រូវបានស្តារឲ្យល្អប្រសើរ ប្រសិនបើសហរដ្ឋអាមេរិកព្រមចាកចេញពីតំបន់មជ្ឈិមបូព៌ា។ នេះបើតាមការអះអាងរបស់អ្នកនាំពាក្យយោធាអ៊ីរ៉ង់ កាលពីថ្ងៃសុក្រ។ លោក Mohammad Akraminia អ្នកនាំពាក្យយោធាអ៊ីរ៉ង់ បានបង្ហោះសារមួយ ទាក់ទងនឹងច្រកសមុទ្រហ័រមូស តាមរយៈគណនីរបស់លោក នៅលើបណ្តាញសង្គម X ថា «ការបើកច្រកសមុទ្រនេះ សម្រាប់ការធ្វើដំណើររបស់នាវា គឺអាស្រ័យលើសហរដ្ឋអាមេរិក» ដោយលោកបានបន្ថែមថា «ប្រសិនបើអាមេរិកចាកចេញពីតំបន់នេះ ច្រកសមុទ្រហ័រមូសនឹងត្រូវបានបើក, សន្តិសុខរួមនឹងត្រូវបានធានាដោយមានការចូលរួមពីបណ្តាប្រទេសក្នុងតំបន់ ហើយសេដ្ឋកិច្ចសកលនឹងមានភាពប្រសើរឡើង»។ អ្នកនាំពាក្យរូបនេះ បានអះអាងបន្ថែមថា ប្រសិនបើអាមេរិកមិនព្រមចាកចេញពីតំបន់នេះទេ នោះពួកគេនឹងបង្ខំឱ្យទីក្រុងវ៉ាស៊ីនតោនចាកចេញទាល់តែបានសម្រេច។ យ៉ាងណា លោក Mohammad Akraminia មិនបានបញ្ជាក់លម្អិតទេថា តើលោកកំពុងអំពាវនាវឱ្យមានការដកកងកម្លាំងយោធាដែលត្រូវបានបញ្ជូនទៅក្នុងអំឡុងពេលសង្គ្រាមបច្ចុប្បន្ននេះ, ដកកងកម្លាំងយោធាអាមេរិកទាំងអស់នៅក្នុងតំបន់នេះ, ឬក៏ដកបុគ្គលិករដ្ឋាភិបាលអាមេរិកទាំងផ្នែកយោធា និងមិនមែនយោធាចេញពីតំបន់នោះទេ។ បើតាម CBS NEWS, ទោះបីជាមានសេចក្តីរាយការណ៍គួរឱ្យជឿជាក់មួយចំនួន កាលពីដើមខែនេះថា ការនាំចេញប្រេងពីឈូងសមុទ្រពែរ្ស បានកើនឡើងវិញ ស្ទើរតែដល់កម្រិតមុនពេលមានសង្គ្រាមក៏ដោយ ក៏អ៊ីរ៉ង់ និងសហរដ្ឋអាមេរិក នៅតែបន្តផ្តល់ព័ត៌មានផ្ទុយគ្នា។ រដ្ឋបាលរបស់លោក ត្រាំ អះអាងថា ច្រកសមុទ្រហ័រមូស នៅតែបើកដំណើរការ…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ បានថ្លែងថា សហរដ្ឋអាមេរិកអាចនឹងត្រូវកំណត់គោលដៅវាយប្រហារលើ ភ្នំ Pickaxe ដែលជាទីតាំងមួយពាក់ព័ន្ធនឹងកម្មវិធីនុយក្លេអ៊ែររបស់អ៊ីរ៉ង់ ដោយលោកមានបំណងធានាថា ទីក្រុងតេហេរ៉ង់នឹងមិនអាចទទួលបានអាវុធនុយក្លេអ៊ែរនោះឡើយ។ នៅក្នុងបទសម្ភាសន៍ជាមួយបណ្តាញព័ត៌មាន Newsmax កាលពីយប់ថ្ងៃព្រហស្បតិ៍, លោក ត្រាំ បានរៀបរាប់ថា «កម្មវិធីនុយក្លេអ៊ែររបស់ពួកគេត្រូវបានកប់នៅក្រោមភ្នំ ដែលមានទម្ងន់រាប់លានតោន។ ឥឡូវនេះ យើងកំពុងពិនិត្យមើលភ្នំ Pickaxe។ យើងអាចនឹងវាយប្រហារគោលដៅនោះ ហើយយើងនឹងកម្ទេចវាចោលយ៉ាងឆាប់រហ័ស»។ លោក ត្រាំ បាននិយាយថា សហរដ្ឋអាមេរិកចង់ធានាថា អ៊ីរ៉ង់នឹងមិនមានអាវុធនុយក្លេអ៊ែរឡើយ «ពីព្រោះប្រសិនបើពួកគេមានអាវុធទាំងនេះ ពួកគេនឹងប្រើប្រាស់ជាមិនខាន»។ បើតាម Reuters, ភ្នំ Pickaxe គឺជាទីតាំងមួយដែលមានការការពារយ៉ាងរឹងមាំ ហើយ ត្រូវបានសាងសង់កប់យ៉ាងជ្រៅ នៅក្រោមដី ក្បែរនឹងទីតាំងនុយក្លេអ៊ែរសំខាន់ៗមួយ របស់ទីក្រុងតេហេរ៉ង់។ ជាមួយគ្នានេះ ប្រធានាធិបតីអាមេរិករូបនេះ បានលើកឡើងប្រាប់ Newsmax ដែរថា មិនចាំបាច់ប្រើប្រាស់គ្រាប់បែកនុយក្លេអ៊ែរប្រឆាំងទៅលើអ៊ីរ៉ង់ ហើយក៏គ្មានគម្រោងបញ្ជូនកងទ័ពជើងគោកអាមេរិក ចូលលុកលុយទៅកាន់ប្រទេសអ៊ីរ៉ង់នោះដែរ។ ប៉ុន្តែ លោក ត្រាំ បញ្ជាក់ថា…

ព្រុចសែល ៖ ប្រធានាធិបតីបារាំង បានអះអាង កាលពីថ្ងៃសុក្រថា អឺរ៉ុបកំពុងធ្វើការដើម្បីជួយអ៊ុយក្រែនជាមួយនឹងរូបភាពផ្កាយរណប នៅសមរភូមិប្រយុទ្ធ។ ការចេញមកបញ្ជាក់បែបនេះ បន្ទាប់ពីទីក្រុងកៀវ ត្អូញត្អែរពីការមានបញ្ហាលើបច្ចេកវិទ្យានេះ ជាមួយអាមេរិក។ ប្រធានាធិបតីបារាំង លោក Emmanuel Macron បាននិយាយនៅចុងបញ្ចប់នៃកិច្ចប្រជុំកំពូល EU នៅទីក្រុងព្រុចសែលថា អឺរ៉ុបកំពុងជួយអ៊ុយក្រែនពីទស្សនៈបច្ចេកទេស។ លោក Macron មានប្រសាសន៍ថា «យើងក៏កំពុងធ្វើការដោយមិនចេះនឿយហត់ដើម្បីពង្រឹងសមត្ថភាពរបស់ខ្លួនក្នុងការទប់ទល់នឹងការវាយប្រហារ តាមរយៈរូបភាពផ្កាយរណប និងប្រព័ន្ធព្រមានជាមុន ដែលត្រូវការយ៉ាងខ្លាំង»។ ការអះអាងនេះ ធ្វើឡើង ខណៈដែលភាពតានតឹងជាមួយទីក្រុងវ៉ាស៊ីនតោនបានបង្ហាញពីភាពពឹងផ្អែករបស់ទីក្រុងកៀវលើបច្ចេកវិទ្យារបស់សហរដ្ឋអាមេរិក នៅលើសមរភូមិ។ ជាក់ស្តែង កាលពីថ្ងៃពុធ , ទីប្រឹក្សាលោកប្រធានាធិបតី Volodymyr Zelensky អះអាងថា ទីក្រុងវ៉ាស៊ីនតោនខកខាន ក្នុងការប្រាប់អ៊ុយក្រែនជាមុន អំពីការវាយប្រហារដោយគ្រាប់មីស៊ីល ដែលបានធ្វើឱ្យប៉ះពាល់ដល់ប្រតិបត្តិការយោធាតបតវិញរបស់ទីក្រុងកៀវ តាមរយៈការកែប្រែប្រព័ន្ធ Starlink ដែលអ៊ុយក្រែនកំពុងប្រើប្រាស់នៅលើសមរភូមិ ។ ការចោទប្រកាន់ដ៏កម្របែបនេះ ត្រូវបានធ្វើឡើង បន្ទាប់ពីលោក Zelensky អំពាវនាវដល់មហាសេដ្ឋីបច្ចេកវិទ្យាអាមេរិក លោក Elon Musk ឱ្យស្តារប្រព័ន្ធ Starlink…

វ៉ាស៊ីនតោន ៖ លោកប្រធានាធិបតី Donald Trump កាលពីថ្ងៃសុក្រ បានចុះហត្ថលេខាលើបទបញ្ជាប្រតិបត្តិមួយ ស្តីពីការលើកលែងទណ្ឌកម្ម និងពន្ធយ៉ាងទូលំទូលាយរបស់សហរដ្ឋអាមេរិក ដែលកំណត់គោលដៅលើប្រាក់ចំណូលថាមពលរបស់រុស្ស៊ី ពោលគឺបន្ទាប់ពីលោកចុះហត្ថលេខាលើច្បាប់ទាំងនោះ កាលពីខែមុន។ ច្បាប់ Lindsey Graham ដាក់ឈ្មោះតាមសមាជិកព្រឹទ្ធសភាអាមេរិក ដែលបានទទួលមរណភាព និងជាអ្នកជំរុញសេចក្តីព្រាងច្បាប់នេះ បានអនុញ្ញាតឱ្យលោក Trump មានសិទ្ធិអំណាចក្នុងការដាក់ពន្ធរហូតដល់ ១០០ ភាគរយ លើអ្នកទិញប្រេង និងឧស្ម័នសំខាន់ៗរបស់រុស្ស៊ី។ បទបញ្ជាប្រតិបត្តិ បានចែងថា «ដូចដែលបានពិពណ៌នាបន្ថែម នៅក្នុងផ្នែកទី ៤ នៃបទបញ្ជានេះ ខ្ញុំសូមលើកលែងការអនុវត្តទណ្ឌកម្ម ការរឹតបន្តឹង និងពន្ធបែបនេះ ដែលមានចែងក្នុងច្បាប់ Graham»។ ច្បាប់នេះផ្តោតលើវិស័យថាមពល និង ការពារជាតិរបស់រុស្ស៊ី, ប្រធានាធិបតីរុស្ស៊ី លោក Vladimir Putin និងមន្ត្រីជាន់ខ្ពស់ផ្សេងទៀត ក៏ដូចជា កងនាវាដឹកប្រេងស្រមោលរបស់ទីក្រុងមូស្គូ ដែលត្រូវបានប្រើដើម្បីគេចវេសពីទណ្ឌកម្មរបស់លោកខាងលិច។ ការបញ្ច្រាសរបស់លោក Trump លើទណ្ឌកម្មរបស់រុស្ស៊ី បានកើតឡើង បន្ទាប់ពីកិច្ចព្រមព្រៀងដ៏ចម្រូងចម្រាសមួយ ដែលលោកបានធ្វើជាមួយលោក Putin ដោយនឹងអនុញ្ញាតឱ្យរុស្ស៊ីនាំចេញប្រេងម៉ាស៊ូតរបស់ទីក្រុងមូស្គូ…

តេហេរ៉ង់ ៖ អ៊ីរ៉ង់ កាលពីថ្ងៃសុក្រ បានប្រកាសបដិសេធការចោទប្រកាន់របស់អារ៉ាប៊ីសាអូឌីតដែលថា ខ្លួនមានជាប់ពាក់ព័ន្ធនឹងការវាយប្រហាររបស់ក្រុមឧទ្ទាមហ៊ូទី នៅប្រទេសយេម៉ែន។ ការបដិសេធនេះ បានធ្វើឡើង នៅមួយថ្ងៃ បន្ទាប់ពីលោក Rayed Krimly អនុរដ្ឋមន្ត្រីទទួលបន្ទុកផ្នែកការទូតសាធារណៈ អារ៉ាប៊ីសាអូឌីតបានលើកឡើងថា អ៊ីរ៉ង់បានជំរុញឱ្យមានការកើនឡើងនៃសកម្មភាពវាយប្រហារទាំងនេះ។ ជាការឆ្លើយតប, លោក Esmaeil Baqaei អ្នកនាំពាក្យក្រសួងការបរទេសអ៊ីរ៉ង់ បានថ្លែងនៅក្នុងសេចក្តីថ្លែងការណ៍មួយថា «សាធារណរដ្ឋអ៊ីស្លាមអ៊ីរ៉ង់ បដិសេធរាល់ការអះអាងដែលថា អ៊ីរ៉ង់បានដើរតួនាទីនៅក្នុងប្រតិបត្តិការរបស់ក្រុមហ៊ូទី នៅយេម៉ែន»។ លោកបានបន្ថែមថា «កងកម្លាំងប្រដាប់អាវុធនៅយេម៉ែនធ្វើសកម្មភាព ដោយផ្អែកលើផលប្រយោជន៍ និងការវាយតម្លៃផ្ទាល់ខ្លួនរបស់ពួកគេ។ ការអះអាងបែបនេះគឺមិនអាចជឿទុកចិត្តបានឡើយសម្រាប់អ្នកដែលយល់ដឹងច្បាស់អំពីទំនាក់ទំនងរវាងអ៊ីរ៉ង់ និងបណ្តាភាគីសម្ព័ន្ធមិត្តរបស់ខ្លួន។ ទោះជាយ៉ាងណាក៏ដោយ អ៊ីរ៉ង់មិនយល់ឃើញថា ការកើនឡើងនៃភាពតានតឹងនេះ ផ្តល់ផលប្រយោជន៍ដល់ភាគីណាមួយឡើយ»។ ចាប់តាំងពីសង្គ្រាមស៊ីវិលនៅយេម៉ែនបានផ្ទុះឡើងវិញ នៅក្នុងខែកក្កដាមក, ក្រុមហ៊ូទី ដែលគេចោទថា គាំទ្រដោយអ៊ីរ៉ង់ បានវាយប្រហារគោលដៅនានារបស់អារ៉ាប៊ីសាអូឌីតជាបន្តបន្ទាប់ រួមមាននាវាដឹកប្រេងនៅសមុទ្រក្រហម, ហេដ្ឋារចនាសម្ព័ន្ធប្រេង និង អាកាសយានដ្ឋានអន្តរជាតិក្រុងរីយ៉ាដ (Riyadh) ដែលក្នុងនោះ មានមនុស្ស ១៣ នាក់បានស្លាប់ នៅក្នុងការវាយប្រហារមួយកាលពីសប្តាហ៍មុន។ សម្ព័ន្ធយោធាដឹកនាំដោយអារ៉ាប៊ីសាអូឌីត បានគាំទ្ររដ្ឋាភិបាលយេម៉ែនដែលទទួលស្គាល់ដោយអន្តរជាតិ អស់រយៈពេលជាងមួយទសវត្សរ៍មកហើយ។…

វ៉ាស៊ីនតោន ៖ អាមេរិកបានរៀបចំគម្រោងវាយប្រហារកាន់តែសាហាវជាងមុន តាមរយៈការបញ្ចេញគ្រាប់បែកខ្នាតយក្សប្រឆាំងហេដ្ឋារចនាសម្ព័ន្ធថាមពល និងទីតាំងនុយក្លេអ៊ែររបស់អ៊ីរ៉ង់ ប្រសិនបើលោកប្រធានាធិបតី Donald Trump បញ្ជាឲ្យចាប់ផ្តើមប្រតិបត្តិការប្រយុទ្ធឡើងវិញ ។ បើតាមសេចក្តីរាយការណ៍របស់ Aljazeera កាលពីថ្ងៃព្រហស្បតិ៍, គ្រាប់បែកខ្នាតយក្សដែលអាមេរិកអាចយកប្រើវាយអ៊ីរ៉ង់ មានឈ្មោះថា Mother of All Bombs ឬ MOAB ។ វាមានតម្លៃប្រហែល ១៧ ម៉ឺនដុល្លារក្នុងមួយគ្រាប់ ។ គ្រាប់បែក MOAB មានទម្ងន់សរុបប្រមាណ ៩ តោនកន្លះ ក្នុងនោះក្បាលគ្រាប់ផ្ទុកសារធាតុផ្ទុះប្រហែល ៨ តោនកន្លះ ។ កម្លាំងផ្ទុះរបស់គ្រាប់បែកនេះ មានអង្កត់ផ្ចិតចន្លោះពី ១ ទៅ ១,៦ គីឡូម៉ែត្រ ពោលគឺអាចបង្កការបំផ្លិចបំផ្លាញយ៉ាងធ្ងន់ធ្ងរដល់សំណង់អគារ រូងភ្នំ និងសូម្បីតែទីតាំងមានការការពាររឹងមាំក៏ដោយ ។ ជាមួយគ្នានេះ គ្រាប់បែក MOAB ប្រើប្រព័ន្ធកំណត់ទីតាំង GPS សម្រាប់ណែនាំទិសដៅ និងរចនាឡើងសម្រាប់វាយប្រហារគោលដៅលើដីគោក ព្រមទាំងទីតាំងដូចជាបណ្តាញរូងភ្នំ និងផ្លូវរូងក្រោមដី ។…

ព្យុងយ៉ាង ៖ បន្ទាប់ពីបញ្ជូនទ័ពចូលរួមប្រយុទ្ធឲ្យរុស្ស៊ីក្នុងសង្គ្រាមជាមួយអ៊ុយក្រែន ពេលនេះកូរ៉េខាងជើងទទួលបានមេរៀនជាច្រើន និងកំពុងសំងំដកស្រង់បទពិសោធន៍ទាំងនេះដើម្បីយកមកបង្កើនសមត្ថភាពដាក់ពង្រាយកងទ័ព និងគ្រឿងសឹកទៅកាន់សមរភូមិ ។ មេបញ្ជាការកងកម្លាំងអាមេរិកប្រចាំកូរ៉េខាងត្បូង លោក Xavier Brunson និយាយកាលពីថ្ងៃព្រហស្បតិ៍ថា ទីក្រុងព្យុងយ៉ាងបានរៀនសូត្រពីរបៀបដឹកជញ្ជូនកងទ័ព គ្រឿងសព្វាវុធ និងសម្ភារយោធាពីកូរ៉េខាងជើងទៅកាន់រុស្ស៊ី ព្រមទាំងបង្កើតខ្សែសង្វាក់ផ្គត់ផ្គង់ ដើម្បីគាំទ្រដល់ប្រតិបត្តិការយោធារបស់ទីក្រុងមូស្គូ ។ លោក Brunson សង្កត់ធ្ងន់ថា បទពិសោធន៍ទាំងនេះ មិនត្រឹមតែជួយឱ្យកងទ័ពកូរ៉េខាងជើងយល់ដឹងអំពីយុទ្ធសាស្ត្រនៅលើសមរភូមិប៉ុណ្ណោះទេ ប៉ុន្តែថែមទាំងពង្រឹងសមត្ថភាពចល័តកងកម្លាំង ការកេណ្ឌធនធាន និងការគ្រប់គ្រងផ្នែកភស្តុភារយោធាផងដែរ ។ មេបញ្ជាការអាមេរិករូបនេះព្រមានថា សមត្ថភាពរបស់កូរ៉េខាងជើង ក្នុងការដាក់បញ្ចូលបទពិសោធន៍ក្នុងសម័យសង្គ្រាម ទៅក្នុងប្រតិបត្តិការយោធារបស់ខ្លួន កំពុងបង្កើតបញ្ហាប្រឈមថ្មីដល់កិច្ចខិតខំប្រឹងប្រែងទប់ស្កាត់ជម្លោះយោធារបស់សហរដ្ឋអាមេរិក និងកូរ៉េខាងត្បូង នៅឧបទ្វីបកូរ៉េ ។ បើតាម Korea Times, ទំនាក់ទំនងរវាងសម្ព័ន្ធមិត្តចាក់ទឹកមិនលិចទាំងពីរកាន់តែស្អិតរមួតឡើង បន្ទាប់ពីមេដឹកនាំកូរ៉េខាងជើង លោក គីម ជុងអ៊ុន និងលោកប្រធានាធិបតីរុស្ស៊ី វ្ល៉ាឌីមៀរ ពូទីន បានចុះហត្ថលេខាលើសន្ធិសញ្ញាភាពជាដៃគូយុទ្ធសាស្ត្រគ្រប់ជ្រុងជ្រោយកាលពីខែមិថុនា ឆ្នាំ២០២៤ ។ ក្រោមកិច្ចព្រមព្រៀងនេះ កូរ៉េខាងជើងបានបញ្ជូនកងទ័ព និងផ្គត់ផ្គង់អាវុធ ដើម្បីគាំទ្រក្នុងសង្គ្រាមរបស់រុស្ស៊ីប្រឆាំងនឹងអ៊ុយក្រែន ៕ ប្រភព…

វ៉ាស៊ីនតោន ៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បានថ្លែងកាលពីថ្ងៃព្រហស្បតិ៍ថា ទីក្រុងវ៉ាស៊ីនតោនកំពុងធ្វើការចរចាជាមួយទីក្រុងមូស្គូ និង ទីក្រុងប៉េកាំង ដោយមានគោលបំណងឈានឆ្ពោះទៅលុបបំបាត់អាវុធនុយក្លេអ៊ែរ នៅក្នុងប្រទេសទាំងនេះ ដែលសុទ្ធតែជាម្ចាស់ឃ្លាំងអាវុធអាវុធនុយក្លេអ៊ែរធំជាងគេបំផុត នៅលើពិភពលោក។ នេះបើតាមការចេញផ្សាយរបស់ Reuters។ បើតាមវិទ្យាស្ថានស្រាវជ្រាវសន្តិភាពអន្តរជាតិស្តុកខុល, រុស្ស៊ីគឺជាប្រទេសដែលមានក្បាលគ្រាប់នុយក្លេអ៊ែរក្នុងស្តុកច្រើនជាងគេបំផុត។ បន្ទាប់មក គឺ សហរដ្ឋអាមេរិក និង ចិន។ ទោះជាយ៉ាងណាក៏ដោយ ទីក្រុងវ៉ាស៊ីនតោន មានចំនួនក្បាលគ្រាប់នុយក្លេអ៊ែរ ដែលដាក់ពង្រាយច្រើនជាង ទីក្រុងមូស្គូ។ នៅក្នុងបទសម្ភាសន៍មួយ ជាមួយបណ្តាញព័ត៌មាន Newsmax, លោក ត្រាំ បាននិយាយថា លោកជឿជាក់ថា ក្បាលគ្រាប់នុយក្លេអ៊ែររបស់ប្រទេសចិន នឹងតាមទាន់សហរដ្ឋអាមេរិក ក្នុងរយៈពេល ៥ ឆ្នាំខាងមុខ។ លោក ត្រាំ បានប្រាប់ទៀតថា «វាជារឿងគួរឱ្យស្តាយណាស់ ព្រោះខ្ញុំពិតជាចង់ឱ្យមានការលុបបំបាត់អាវុធនុយក្លេអ៊ែរ ប្រសិនបើអាចធ្វើទៅបាន។ តាមពិតទៅ យើងកំពុងពិភាក្សាជាមួយរុស្ស៊ី និងចិន អំពីការលុបបំបាត់អាវុធនុយក្លេអ៊ែរនេះ»។ បើតាម Reuters , ការលើកឡើងរបស់លោក ត្រាំ…

មូស្គូ ៖ ប្រទេសរុស្ស៊ីបានបាញ់សាកល្បងមីស៊ីលនាំផ្លូវប្រភេទ Oniks និង Kalibr ចេញពីនាវាមុជទឹកដើរដោយថាមពលនុយក្លេអ៊ែរ Novosibirsk ដោយជោគជ័យ នាអំឡុងសមយុទ្ធយោធានៅឯមហាសមុទ្រប៉ាស៊ីហ្វិក ក្នុងនោះមួយគ្រាប់អាចហោះក្នុងចម្ងាយ ១,២០០ គីឡូម៉ែត្រ ។ នេះបើតាមការប្រកាសរបស់ក្រសួងការពារជាតិរុស្ស៊ី កាលពីថ្ងៃ ព្រហស្បតិ៍ ។ នាវាមុជទឹកដើរដោយថាមពលនុយក្លេអ៊ែរ Novosibirsk ដែលស្ថិតក្នុងកងនាវាប៉ាស៊ីហ្វិករបស់រុស្ស៊ី បានបាញ់មីស៊ីលទៅកាន់គោលដៅសមុទ្រ និងគោលដៅលើដីគោក ដើម្បីសាកល្បងសមត្ថភាពប្រយុទ្ធរបស់ខ្លួន ។ បើតាមក្រសួងការពារជាតិរុស្ស៊ី, មីស៊ីលនាំផ្លូវ Oniks ត្រូវបានបាញ់សំដៅទៅកាន់គោលដៅសមុទ្រ ដែលតំណាងឱ្យនាវាចម្បាំងរបស់សត្រូវ ហើយបានវាយប្រហារចំគោលដៅនៅចម្ងាយជាង ១៧០ គីឡូម៉ែត្រ ។ រីឯមីស៊ីលនាំផ្លូវ Kalibr បានបាញ់សំដៅទៅកាន់ទីលានសាកល្បង Kura នៅលើឧបទ្វីប Kamchatka របស់រុស្ស៊ី ដែលមានចម្ងាយជាង ១.២០០ គីឡូម៉ែត្រពីទីតាំងបាញ់ ។ ក្រសួងការពារជាតិរុស្ស៊ីអះអាងថា ការបាញ់សាកល្បងមីស៊ីលទាំងពីរគ្រាប់បានសម្រេចជោគជ័យទាំងស្រុង ដោយមីស៊ីលទាំងពីរបានវាយប្រហារចំគោលដៅដែលបានកំណត់ ។ ក្នុងអំឡុងពេលបញ្ចេញសាច់ដុំយោធានេះ នាវាចម្បាំង និងនាវាគាំទ្រផ្សេងទៀតនៃកងនាវាប៉ាស៊ីហ្វិក ក៏បានចូលរួមធានាសុវត្ថិភាពនៅតំបន់បាញ់សាកល្បងមីស៊ីល និងរឹតត្បិតលើការធ្វើដំណើររបស់នាវាស៊ីវិល ក៏ដូចជាយន្តហោះដែលហោះហើរចូលទៅកាន់តំបន់នោះផងដែរ…