បរទេស៖ លោក Roman Starovoit អតីតរដ្ឋមន្ត្រីដឹកជញ្ជូនរុស្ស៊ី ដែលទើបត្រូវបានលោក ពូទីន បណ្តេញចេញពីតំណែង ត្រូវបានរកឃើញថា បានស្លាប់ហើយ នេះបើតាមការចេញផ្សាយ របស់កាសែត BBC កាលពីថ្ងៃចន្ទ។ បើតាមប្រភព គណៈកម្មាធិការស៊ើបអង្កេតរបស់ប្រទេសរុស្ស៊ី បាននិយាយថា លោក Roman Starovoit ត្រូវបានគេរកឃើញថា បានស្លាប់ហើយ ជាក់ស្តែងជាមួយនឹងរបួស ដោយយកកាំភ្លើងបាញ់ខ្លួនឯង។ លោកត្រូវបាន លោកប្រធានាធិបតី វ្ល៉ាឌីមៀរ ពូទីន បណ្តេញចេញពីតំណែង កាលពីថ្ងៃចន្ទ។ ប៉ុន្តែ គ្មានហេតុផល សម្រាប់ការបណ្តេញលោក Starovoit ត្រូវបានផ្តល់ឱ្យដឹង នោះទេ ហើយ អនុរដ្ឋមន្ត្រីដឹកជញ្ជូន ឈ្មោះ Andrei Nikitin ត្រូវបានប្រកាស ជាអ្នកស្នងតំណែង ជំនួស លោក Starovoit ភ្លាមៗ។ គណៈកម្មាធិការស៊ើបអង្កេត បាននិយាយថា ខ្លួនកំពុងធ្វើការ ដើម្បីស្វែងរកមូលហេតុ នៃរឿងនេះ។ គួរបញ្ជាក់ថា លោក Starovoit…

ព្រុចសែល ៖ អគ្គលេខាធិការអង្គការណាតូ លោក Mark Rutte បានព្រមានធ្ងន់ៗថា សង្រ្គាមលោកលើកទី៣នឹងផ្ទុះឡើង បើសិនលោកប្រធានាធិបតីរុស្ស៊ី Vladimir Putin និងមេដឹកនាំចិន លោក Xi Jinping ចាប់ផ្តើមការលុកលុយក្នុងពេលដំណាលគ្នា នេះបើតាមសារព័ត៌មាន Daily Mail ចុះផ្សាយនៅថ្ងៃទី៧ ខែកក្កដា។ លោក Rutte បានសង្កត់ធ្ងន់ទៀតថា ក្នុងករណីមេដឹកនាំចិន និងរុស្ស៊ីបញ្ជាឱ្យបើកការវាយប្រហារក្នុងពេលដំណាលគ្នាមែន នោះវាអាចនឹងបង្កឱ្យមានសុបិន្តអាក្រក់នៃសង្គ្រាមលោក ហើយនាំភពផែនដីទាំងមូលឆ្ពោះទៅកាន់គែមដ៏មហន្តរាយបំផុត។ យោងតាមប្រមុខអង្គការណាតូរូបនេះ ប្រទេសចិនទំនងជាកំពុងសម្លឹងមើលឱកាសចាប់ផ្តើមដណើ្តមយកកោះតៃវ៉ាន់ ខណៈដែលមេដឹកនាំផ្តាច់ការវិមានក្រឹមឡាំងអាចនឹងវាយប្រហារលើទឹកដីសមាជិកណាតូក្នុងពេលដំណាលគ្នាតែម្តង ចំពេលមានការព្រួយបារម្ភថា លោកប្រធានាធិបតី Putin ប្រហែលជាកំណត់គោលដៅលើសាធារណៈរដ្ឋបាល់ទិក មានដូចជាអេស្តូនី ឡាតវី និងលីទុយអានី ដែលពីមុនជាផ្នែកមួយនៃសហភាពសូវៀត។ ស្របពេលជាមួយគ្នានេះ សារព័ត៌មាន Russia Today (RT) បានវាយបកទៅកាន់អតីតនាយករដ្ឋមន្រ្តីហូឡង់ លោក Rutte វិញថា បានប្រើប្រាស់ការស្រមើស្រម៉ៃមកគិតពីរឿងនេះ ប្រៀបដូចប្រើផ្សិតវេទមន្តដែលជនជាតិហូឡង់ចូលចិត្ត ហើយ RT បានព្រមានថា គាត់គួរតែរង់ចាំមើលថ្ងៃអនាគតនៅក្នុងជំរុំការងារស៊ីបេរី។ យ៉ាងណា…

បរទេស ៖ លោកស្រី Francesca Albanese មន្ត្រីជំនាញ តំណាងឲ្យអង្គការសហប្រជាជាតិ ហៅកាត់ UN បានអំពាវនាវឲ្យក្រុមហ៊ុនអន្តរជាតិនានា បញ្ឈប់ការធ្វើអាជីវកម្មរបស់ខ្លួន នៅក្នុងប្រទេសអ៊ីស្រាអែល បើមិនចង់ពាក់ព័ន្ធនឹងឧក្រិដ្ឋកម្មសង្គ្រាម នៅតំបន់ហ្គាហ្សា និង តំបន់ West Bank នេះបើតាមចេញផ្សាយ របស់ទីភ្នាក់ងារព័ត៌មាន BBC នាពេលថ្មីៗនេះ។ លោកស្រី ដែលក៏ជាមេធាវីអន្តរជាតិ មកពីប្រទេសអ៊ីតាលី រូបនេះ បង្ហាញរបាយការណ៍ ទៅកាន់ក្រុមប្រឹក្សាសិទ្ធិមនុស្ស អង្គការសហប្រជាជាតិ ដោយបានពិពណ៌នាថា ការរកស៊ីរបស់ក្រុមហ៊ុនចម្រុះជាតិសាសន៍ ទាំងនោះ គឺជា«សេដ្ឋកិច្ច នៃអំពើប្រល័យពូជសាសន៍» ដោយលោកស្រីចោទប្រកាន់អ៊ីស្រាអែល បានប្រព្រឹត្តអំពើប្រល័យពូជសាសន៍ ដ៏ឃោរឃៅបំផុតមួយ ក្នុងប្រវត្តិសាស្ត្រទំនើប។ របាយការណ៍អះអាងថា ក្រុមហ៊ុនធ្វើអាជីវកម្មទទួលបានប្រាក់ចំណេញទាំងនោះ បាននិងកំពុងជួយអ៊ីស្រាអែលឱ្យបន្តសង្រ្គាម នៅហ្គាហ្សា ដូចនេះ ក្រុមហ៊ុនទាំងអស់ ត្រូវតែបញ្ឈប់ការធ្វើអាជីកម្ម ជាមួយអ៊ីស្រាអែល ជាបន្ទាន់។ លោកស្រី Albanese បានរៀបរាប់ចំៗ អំពីឈ្មោះក្រុមហ៊ុនទាំងនោះ រួមមានទាំង ក្រុមហ៊ុនផលិតអាវុធអាមេរិក Lockheed Martin,…

ប៉ារីស ៖ មន្ត្រីយោធា និងចារកម្មបារាំងបានអះអាងថា ប្រទេសចិនបានបញ្ជាឲ្យស្ថានទូតរបស់ខ្លួនជំរុញផ្សព្វផ្សាយការសង្ស័យ អំពីអនុភាពនៃយន្តហោះចម្បាំងដ៏ទំនើប Rafale ដែលផលិតដោយប្រទេសបារាំង បន្ទាប់ពីការប្រយុទ្ធតាមដែនអាកាសរវាងឥណ្ឌា និងប៉ាគីស្ថានកាលពីខែឧសភា។ ការប៉ះទង្គិចគ្នារយៈពេលបួនថ្ងៃរវាងឥណ្ឌា និងប៉ាគីស្ថានក្នុងខែឧសភា គឺជាការប្រឈមមុខគ្នាដ៏ធ្ងន់ធ្ងរបំផុតក្នុងរយៈពេលជាច្រើនឆ្នាំរវាងប្រទេសជិតខាងក្នុងដៃមានអាវុធនុយក្លេអ៊ែរទាំងពីរ ដែលរួមមានការប្រយុទ្ធតាមផ្លូវអាកាសដែលពាក់ព័ន្ធនឹងយន្តហោះចម្បាំងរាប់សិបគ្រឿង។ យោងតាមប្រភពពីមន្ត្រីបារាំងសុំមិនបញ្ចេញឈ្មោះ, ទីភ្នាក់ងារសារព័ត៌មាន AP បានចេញផ្សាយកាលពីថ្ងៃអាទិត្យថា ប្រទេសចិនកំពុងព្យាយាមបង្ខូចកេរ្តិ៍ឈ្មោះ និងធ្វើឲ្យប៉ះពាល់ដល់ការលក់យន្តហោះចម្បាំងដ៏ល្បីរបស់ប្រទេសបារាំង Rafale។ បើតាមប្រភពពីមន្ត្រីបារាំង ចារកម្មរបស់ពួកគេបានរកឃើញថា ស្ថានទូតចិនបានលាបពណ៌ធ្វើឲ្យប៉ះពាល់ដល់ការលក់យន្តហោះ Rafale តាមរយៈការបញ្ចុះបញ្ចូលប្រទេសដែលបានបញ្ជាទិញយន្តហោះនេះពីបារាំងរួចហើយ ជាពិសេសគឺប្រទេសឥណ្ឌូនេស៊ី ហើយងាកមកទិញយន្តហោះចម្បាំងដែលផលិតដោយចិនជំនួសវិញ។ ការលក់យន្តហោះចម្បាំង Rafales និងគ្រឿងសព្វាវុធផ្សេងទៀត គឺជាអាជីវកម្មដ៏ធំមួយសម្រាប់ឧស្សាហកម្មការពារជាតិរបស់បារាំង ហើយវាក៏ជួយឲ្យទីក្រុងប៉ារីសពង្រឹងទំនាក់ទំនងជាមួយបណ្តាប្រទេសផ្សេងៗទៀត រួមទាំងនៅក្នុងតំបន់អាស៊ី ដែលប្រទេសចិនកំពុងក្លាយជាមហាអំណាចក្នុងតំបន់៕ ប្រភព ៖ Al Jazeera ប្រែសម្រួល ៖ ឈឹម ទីណា

បរទេស ៖ ចំនួនមនុស្សស្លាប់ អំឡុងគ្រោះទឹកជំនន់ នៅរដ្ឋតិចសាស់ សហរដ្ឋអាមេរិក រយៈពេលប្រមាណ៣ថ្ងៃមកនេះ បានកើនឡើងដល់ ជិត៨០នាក់ ខណៈដែលមនុស្សជាង៤០នាក់ផ្សេងទៀត បាត់ខ្លួន។ លោក Greg Abbott អភិបាលរដ្ឋ តិចសាស់ បាននិយាយ នៅក្នុងសន្និសីទសារព័ត៌មាន កាលពីថ្ងៃអាទិត្យថា ទឹកជំនន់ បានសម្លាប់មនុស្ស ៧៨នាក់ហើយ។ លោកបន្ថែមថា នៅទូទាំងរដ្ឋក្នុងតំបន់ទាំងអស់ ដែលរងផលប៉ះពាល់ ដោយសារទឹកជំនន់ នៅមានអ្នកបាត់ខ្លួន ចំនួន៤១ នាក់ផ្សេងទៀត។ លោកបានបន្ថែមថា អ្នកបាត់ខ្លួន រួមមានទាំង មនុស្ស១១នាក់ នៅជំរុំរដូវក្តៅ តាមមាត់ទន្លេ ដោយគេដឹងថា ជាការជួបជុំ ខាងគ្រីស្ទាន នាពេលនោះ ហើយមានមនុស្សប្រហែល ៧៥០នាក់បានស្នាក់ នៅទីនោះ ក្នុងពេលមានគ្រោះមហន្តរាយ បានកើតឡើង។ គួរបញ្ជាក់ថា ទឹកជំនន់ភ្លាមៗ វាយប្រហារ ភាគកណ្តាល នៃរដ្ឋតិចសាស់ កាលពីថ្ងៃសុក្រ សប្តាហ៍មុន៕ ប្រភពពី AFP ប្រែសម្រួល៖ សារ៉ាត