បរទេស៖ ធនាគារពិភពលោក ឬ World Bank បាននិយាយ កាលពីថ្ងៃព្រហស្បតិ៍ថា ជាងមួយឆ្នាំនៃការប៉ះទង្គិចគ្នា ដែលបានវិវឌ្ឍន៍ទៅជាសង្រ្គាម កាលពីពេលថ្មីៗនេះ បានធ្វើឱ្យប្រទេសលីបង់ ខាតបង់សេដ្ឋកិច្ច ច្រើនជាង៥ពាន់លានដុល្លារ ជាមួយនឹងការខូចខាតរចនាសម្ព័ន្ធជាក់ស្តែង រាប់ពាន់លានដុល្លារ ផ្សេងទៀត។ ចាប់តាំងពីថ្ងៃទី ២៣ ខែកញ្ញាមក អ៊ីស្រាអែលបានបង្កើនយុទ្ធនាការវាយប្រហារតាមផ្លូវអាកាស ទៅលើប្រទេសលីបង់។ ក្រោយមក បានបញ្ជូនកងទ័ពលុកលុយតាមផ្លូវគោក បន្ទាប់ពីការបាញ់គ្រាប់ផ្លោង ឆ្លងព្រំដែន ជិតមួយឆ្នាំ ដែលផ្តួចផ្តើមឡើង ដោយក្រុមហេសបូឡា ជុំវិញសង្រ្គាមហ្គាហ្សា។ នៅក្នុងរបាយការណ៍ស្តីពីប្រទេសលីបង់ ធនាគារពិភពលោកបានផ្តល់ការប៉ាន់ប្រមាណសម្រាប់ការខូចខាត រវាងថ្ងៃទី ៨ ខែតុលា ឆ្នាំ ២០២៣ ដល់ថ្ងៃទី ២៧ ខែតុលា ឆ្នាំ ២០២៤ ក្នុងនោះ បង្ហាញថា មានការខាតបង់សេដ្ឋកិច្ចចំនួន ៥.១ពាន់លានដុល្លារ ជាមួយនឹងការខូចខាតដល់រចនាសម្ព័ន្ធរូបវ័ន្ត យ៉ាងហោចណាស់ ៣.៤ ពាន់លានដុល្លារ បន្ថែមទៀត។ របាយការណ៍នេះបានបន្តថា «ការខាតបង់ ភាគច្រើន មាននៅក្នុងវិស័យពាណិជ្ជកម្ម និង…

បរទេស៖ ប្រទេសហ្វីលីពីនបានបង្កើនការប្រកាសអាសន្នព្យុះខ្ពស់បំផុតរបស់ខ្លួន និងបានជម្លៀសមនុស្សរាប់ពាន់នាក់ នៅថ្ងៃព្រហស្បតិ៍ ទី១៤ ខែវិច្ឆិកានេះ ខណៈដែលព្យុះទីហ្វុង Usagi បានបក់បោកឆ្ពោះ ទៅភាគខាងជើង ដែលបានបំផ្លិចបំផ្លាញដ៏គ្រោះមហន្តរាយ រួចទៅហើយ។ ដោយមានកម្លាំងខ្យល់បក់រហូតដល់ ១៨០ គីឡូម៉ែត្រ ក្នុងមួយម៉ោង ព្យុះ Usagi គ្រោងនឹងបក់បោកទៅលើកោះសំខាន់នៃ Luzon នៅពេលរសៀល ម៉ោងក្នុងស្រុក ដែលជាព្យុះទី៥ ដែលគំរាមកំហែងប្រទេសនេះ ក្នុងរយៈពេលត្រឹមតែ ៣សប្តាហ៍ប៉ុណ្ណោះ។ រលកដ៏ឃោរឃៅនៃបញ្ហាព្យុះនេះ បានសម្លាប់មនុស្ស ១៥៩នាក់រួចហើយ ហើយបានជំរុញឱ្យអង្គការសហប្រជាជាតិ ស្នើសុំជំនួយចំនួន ៣២.៩ លានដុល្លារសម្រាប់តំបន់ ដែលរងផលប៉ះពាល់ខ្លាំងបំផុត។ «ភ្លៀងធ្លាក់ខ្លាំង និងរលកឆ្នេរសមុទ្រ ដែលមានកម្រិត រហូតដល់ ៣ ម៉ែត្រ ដែលអាចគំរាមកំហែងដល់អាយុជីវិត ក្នុងរយៈពេលពីរថ្ងៃ ជាមួយនឹងការព្រមានអំពីព្យុះ ដែលបានលើកឡើងជាសញ្ញាខ្ពស់បំផុត នៅលើមាត្រដ្ឋាន៥ជំហាន» នេះបើតាម ប្រធានការពារជនស៊ីវិល លោក Rueli Rapsing បានប្រាប់ AFP តាមទូរស័ព្ទ។ ព្យុះ និងព្យុះទីហ្វុងធំៗប្រហែល…

បរទេស៖ កាលពីថ្ងៃពុធ ទាហានប្រទេសឥណ្ឌូណេស៊ី និងអូស្ត្រាលី ជាង២,០០០នាក់បានធ្វើសមយុទ្ធយោធារួមគ្នា បន្ទាប់ពីសម្ព័ន្ធមិត្តទាំងពីរ បានចុះហត្ថលេខា លើកិច្ចព្រមព្រៀងការពារជាតិថ្មីមួយ ដោយសន្យាពង្រឹងកិច្ចសហប្រតិបត្តិការ កាន់តែជិតស្និទ្ធ ដើម្បីប្រឆាំងនឹងការគំរាមកំហែងផ្នែកសន្តិសុខ នៅក្នុងតំបន់អាស៊ី-ប៉ាស៊ីហ្វិក។ សមយុទ្ធ រយៈពេល ៤ ថ្ងៃ ដែលមានឈ្មោះថា Keris Woomera នៅលើកោះសំខាន់របស់ឥណ្ឌូនេស៊ី Java រួមមាន លំហាត់អាកាស ផ្លូវគោក សមុទ្រ និងតាមអ៊ីនធឺណិត នៅក្នុងអ្វី ដែលរដ្ឋមន្ត្រីការពារជាតិអូស្ត្រាលី បានហៅថា «សមយុទ្ធដ៏ធំបំផុតដែលអូស្ត្រាលី ធ្វើនៅខាងក្រៅប្រទេស នៅឆ្នាំនេះ»។ រថក្រោះ កប៉ាល់ យន្តហោះចម្បាំង យានចុះចត ឧទ្ធម្ភាគចក្រវាយប្រហារ និងបុគ្គលិកយោធាប្រហែល ២,០០០នាក់បានចូលរួម ក្នុងសមយុទ្ធបាញ់គ្រាប់ពិតផងដែរ។ ប្រធានាធិបតីឥណ្ឌូនេស៊ី លោក Prabowo Subianto បានហៅកិច្ចព្រមព្រៀងសន្តិសុខថ្មី ដែលបានចុះហត្ថលេខា កាលពីខែសីហាថាជា «ព្រឹត្តិការណ៍ប្រវត្តិសាស្ត្រ» សម្រាប់ទំនាក់ទំនងរវាងប្រទេសទាំងពីរ៕ ប្រភពពី AFP ប្រែសម្រួល៖ សារ៉ាត

បរទេស ៖ ប្រធានាធិបតីជាប់ឆ្នោតអាមេរិក លោក Donald Trump បានវិលត្រឡប់ទៅកាន់សេតវិមានវិញ ហើយត្រូវបានស្វាគមន៍ ដោយប្រធានាធិបតី Joe Biden កាលពីថ្ងៃពុធ ដែលជាផ្នែកមួយនៃការប្រគល់អំណាច តាមទម្លាប់។ លោក Biden បាននិយាយថា «យើងកំពុងទន្ទឹងរង់ចាំ ការផ្លាស់ប្តូរដ៏រលូន ដូចដែលយើងធ្លាប់បាននិយាយ។ ធ្វើអ្វីៗគ្រប់យ៉ាង ដែលយើងអាចធ្វើបាន ដើម្បីឱ្យប្រាកដថា អ្នកមានអ្វីដែលអ្នកត្រូវការ ហើយយើងនឹងមានឱកាសនិយាយ អំពីកិច្ចការមួយចំនួន សូមស្វាគមន៍មកវិញ Trump »។ លោក Trump បានឆ្លើយតបវិញថា «អរគុណ អ្នកខ្លាំងណាស់ នយោបាយគឺពិបាក។ ខ្ញុំសូមកោតសរសើរយ៉ាងខ្លាំង ចំពោះការផ្លាស់ប្តូរដែលរលូន អាចទទួលបាន ហើយខ្ញុំសូមកោតសរសើរយ៉ាងខ្លាំងណាស់ Joe»។ បើតាមលេខាធិការសារព័ត៌មានប្រចាំនៅសេតវិមាន លោកស្រី Karine Jean-Pierre បាននិយាយថា កិច្ចប្រជុំនេះ មានរយៈពេលប្រហែល ពីរម៉ោង។ លោកស្រីបានបន្ថែមថា ប្រធានាធិបតី Biden និងប្រធានាធិបតីជាប់ឆ្នោត បានពិភាក្សាគ្នាអំពីបញ្ហាសន្តិសុខជាតិ និងគោលនយោបាយ ក្នុងស្រុកសំខាន់ៗ។…

បរទេស ៖ ព្រែកជីកប៉ាណាម៉ា ត្រូវបានសារព័ត៌មាន CNBC រាយការណ៍ថា បានមើលឃើញការដឹកជញ្ជូនទំនិញតាមកប៉ាល់ស្ទុះងើបឡើងវិញយ៉ាងគំហុក បន្ទាប់ពីព្រែកជីកសិប្បនិម្មិតដ៏សំខាន់ ដែលតភ្ជាប់មហាសមុទ្រប៉ាស៊ីហ្វិក និងមហាសមុទ្រអាត្លង់ទិកនេះ ជួបគ្រោះរាំងស្ងួតមិនធ្លាប់មានអស់រយៈពេលពីរឆ្នាំ ដោយសារប្រព័ន្ធអាកាសធាតុ El Nino។ នេះបើតាមការចេញផ្សាយដោយសារព័ត៌មាន CNBC។ អ្នកគ្រប់គ្រងព្រែកជីកប៉ាណាម៉ា លោក Ricaurte Vásquez បានប្រាប់សារព័ត៌មាន CNBC ថា ព្រែកជីកប៉ាណាម៉ាបានផ្លាស់ប្តូរគំរូអាជីវកម្មរបស់ខ្លួន ដើម្បីបង្កើនប្រសិទ្ធភាពការប្រើប្រាស់ទឹក និងកែលម្អការព្យាករណ៍ ដែលនេះជាកិច្ចខិតខំប្រឹងប្រែងស្ដារភាពប្រាកដប្រជា និងភាពជឿជាក់ឡើងវិញ។ ព្រែកជីកប៉ាណាម៉ាបានកសាងឡើងតាំងពីឆ្នាំ១៩០៤ និងបានដំណើរការតាំងពីឆ្នាំ១៩១៤។ ព្រែកជីកនេះបានជួបគ្រោះរាំងស្ងួតប្រចាំឆ្នាំបំផុតក្នុងប្រវត្តិសាស្រ្តជាលើកទី៣ ដោយបានកាត់បន្ថយបរិមាណទឹករបស់ព្រែក ដែលអាចឱ្យដំណើរការការដឹកជញ្ជូន ហើយបង្ខំឱ្យអាជ្ញាធរព្រែកកាត់បន្ថយចំនួននាវាឆ្លងកាត់ប្រចាំថ្ងៃចន្លោះពីចុងឆ្នាំ ២០២៣ ដល់ដើមឆ្នាំ ២០២៤។ ព្រែកជីកប៉ាណាម៉ាជាផ្លូវដឹកជញ្ជូនទំនិញ ៤២៣លានតោន ដោយទទួលនាវា ២៧,៣នាវាជាមធ្យមក្នុងមួយថ្ងៃ ថយចុះពី ៣៦គ្រឿងជាមធ្យមក្នុងមួយថ្ងៃ។ យ៉ាងណាមិញ ការចំណាយលើប្រតិបត្តិការព្រែកជីក ត្រូវបានកាត់បន្ថយ ៥ ភាគរយ ដែលជួយសម្រួលបន្ទុកដល់បញ្ហាហិរញ្ញវត្ថុដោយគ្រោះរាំងស្ងួត។ នេះបើតាមការចុះផ្សាយរបស់កាសែតរ៉យទ័រ។ ផ្អែកតាមប្រភពរបស់សារព័ត៌មាន AFP បានឱ្យដឹងថា បាតុភូត El…

ហ្សាការតា​ ៖ ក្រសួងកសិកម្មបានប្រកាសថ្មីៗនេះថា ឥណ្ឌូណេស៊ីបានកំណត់គោលដៅក្លាយជាប្រទេសផលិតប្រេងដូងធំបំផុតរបស់ពិភពលោកនៅឆ្នាំ២០២៥។ នេះបើតាមការចេញផ្សាយដោយសារព័ត៌មាន Vietnam News។ អនុរដ្ឋមន្ត្រីកសិកម្មឥណ្ឌូណេស៊ី លោក Sudaryono បានគូសបញ្ជាក់ថា ប្រទេសឥណ្ឌូណេស៊ីបានកំណត់គោលដៅក្លាយជាប្រទេសមានសមត្ថភាពអាចកំណត់តម្លៃប្រេងដូងកសល ឲ្យបានឆាប់តាមដែលអាចធ្វើទៅបាន។ នេះបើតាមការចុះផ្សាយរបស់ទីភ្នាក់ងារសារព័ត៌មានឥណ្ឌូណេស៊ី ANTARA។ លោក Sudaryono បន្តថា ដើម្បីសម្រេចបានគោលដៅនេះ លោកបានជំរុញឱ្យកសិករ និងសហគ្រិនប្រេងដូង ចាត់ទុកចម្ការដូងប្រេងរបស់ឥណ្ឌូណេស៊ី ជាតំបន់កសិកម្មអាទិភាពខ្ពស់ ដែលទាមទារការយកចិត្តទុកដាក់ជាពិសេស ដើម្បីពង្រឹងសេដ្ឋកិច្ចជាតិ។ លោក Sudaryono បន្ថែមថា ឥណ្ឌូណេស៊ីមានបច្ចេកវិទ្យាទំនើបដែលត្រូវការរួចហើយ ក្នុងការផលិតគ្រាប់ដូងប្រេងដែលមានគុណភាពខ្ពស់ ដើម្បីលក់ចេញទៅលើទីផ្សារអន្តរជាតិ។ លោកថា ឥណ្ឌូណេស៊ីអាចវាយតម្លៃភាពសមស្របនៃគ្រាប់ពូជសម្រាប់ដាំ មុនពេលវាចេញជាពន្លក ដែលនេះជាកត្តាដ៏សំខាន់ ក្នុងការកំណត់ស្តង់ដារ សម្រាប់គ្រាប់ពូជដូងប្រេងឥណ្ឌូណេស៊ី។ អនុរដ្ឋមន្ត្រីកសិកម្មឥណ្ឌូណេស៊ីរូបនេះ បានសង្កត់ធ្ងន់ទៀតថា រដ្ឋាភិបាលបានគណនាយ៉ាងយកចិត្តទុកដាក់បំផុត ថាតើប្រេងដូងប៉ុន្មានដែលត្រូវនាំចេញ និងចំនួនប៉ុន្មានដែលត្រូវបែងចែកសម្រាប់ការប្រើប្រាស់ក្នុងស្រុក ដើម្បីអាចធានាបានថា ទំនិញទាំងនោះនឹងចូលរួមចំណែកយ៉ាងធំធេងដល់សេដ្ឋកិច្ចរបស់ឥណ្ឌូណេស៊ី៕ ប្រភព៖ Vietnam News ប្រែសម្រួល ៖ ឈឹម ទីណា

សិង្ហបុរី ៖ ក្រុមហ៊ុនអាកាសចរណ៍សិង្ហបុរី ថ្មីៗនេះបានរាយការណ៍ពីការធ្លាក់ចុះប្រាក់ចំណេញសុទ្ធដល់ទៅ ៥៩% នៅក្នុងត្រីមាសទី៣ ឆ្នាំ២០២៤ ពោលគឺចាប់ពីខែកក្កដា ដល់ខែកញ្ញា មកនៅត្រឹមប្រហែល ២១៦លានដុល្លារ ចំពេលមានការប្រកួតប្រជែងខ្លាំង និងការចំណាយកើនឡើង។ ក្រុមហ៊ុនអាកាសចរណ៍សិង្ហបុរីបានបញ្ជាក់នៅក្នុងរបាយការណ៍ហិរញ្ញវត្ថុថា ទិដ្ឋភាពប្រតិបត្តិការនឹងបន្តមានការប្រកួតប្រជែងកាន់តែខ្លាំង។ ដូច្នេះហើយក្រុមហ៊ុនចាំបាច់ត្រូវតែចំណាត់ការឲ្យបានឆាប់រហ័ស ជាមួយនឹងការកែសម្រួលបណ្តាញអ្នកដំណើរ និងសមត្ថភាពដឹកជញ្ជូនរបស់ខ្លួន ដើម្បីផ្គូផ្គងតាមតម្រូវការដែលកំពុងវិវត្ត។ គិតមកទល់ពេលនេះ ក្រុមហ៊ុនអាកាសចរណ៍សិង្ហបុរីបានប្រតិបត្តិការយន្តហោះសរុបចំនួន ២០៥គ្រឿង ក្នុងនោះមានយន្តហោះប្រភេទ Boeing 787-10 ចំនួន ៤គ្រឿងដែលត្រូវបានបន្ថែម ក្នុងអំឡុងត្រីមាសទី៣ ពោលគឺពីខែកក្កដា ដល់ខែកញ្ញា។ ថ្មីៗនេះ ក្រុមហ៊ុនអាកាសចរណ៍សិង្ហបុរីក៏បានពង្រីកជើងហោះហើរទៅកាន់គោលដៅពេញនិយមផ្សេងៗ មានដូចជាទីក្រុងហាណូយ និងទីក្រុងហូជីមិញរបស់វៀតណាម, ទីក្រុងចូហានណេសប៊ឺក របស់អាហ្វ្រិកខាងត្បូង, ទីក្រុងមែលប៊ន របស់អូស្រ្តាលី, កោះភូកេត របស់ថៃ និងទីក្រុងសេអ៊ូល របស់កូរ៉េខាងត្បូង៕ ប្រភព ៖ AFP ប្រែសម្រួល ៖ ឈឹម ទីណា

តូក្យូ ៖ កងកម្លាំងស្វ័យការពារជប៉ុន ព្រមទាំងយោធាអាមេរិក និងកូរ៉េខាងត្បូង បានចាប់ផ្តើមសមយុទ្ធត្រីភាគីរបស់ពួកគេនៅសមុទ្រចិនខាងកើត។ ក្រសួងការពារជាតិជប៉ុននិយាយថា សមយុទ្ធត្រីភាគីនេះ មានឈ្មោះថា Freedom Edge បានចាប់ផ្តើមដំណើរការកាលពីថ្ងៃពុធទី១៣ ខែវិច្ឆិកា ដែលនេះជាលើកទីពីរហើយ បន្ទាប់ពីលើកដំបូងធ្វើឡើងកាលពីខែខែមិថុនាឆ្នាំនេះ។ នាវាចម្បាំងចំនួន៧គ្រឿងមកពីប្រទេសទាំងបី រួមទាំងនាវាផ្ទុកយន្តហោះដើរដោយថាមពលនុយក្លេអ៊ែររបស់កងទ័ពជើងទឹកអាមេរិក USS George Washington នឹងចូលរួមក្នុងសមយុទ្ធនេះ ក៏ដូចជាយន្តហោះចម្បាំងបំបាំងកាយ និងយន្តហោះល្បាត។ សមយុទ្ធនេះនឹងគ្របដណ្តប់ទាំងការការពារដែនអាកាស ការការពារមីស៊ីលផ្លោង និងសង្គ្រាមប្រឆាំងនាវាមុជទឹក។ ក្រសួងការពារជាតិជប៉ុនបន្ថែមថា សមយុទ្ធនេះទៀតសោត មានគោលបំណងលើកកម្ពស់អន្តរប្រតិបត្តិការរបស់កងកម្លាំងជប៉ុន អាមេរិក និងកូរ៉េខាងត្បូង ដើម្បីសន្តិភាព និងស្ថិរភាពនៅតំបន់ឥណ្ឌូប៉ាស៊ីហ្វិក រួមទាំងឧបទ្វីបកូរ៉េផងដែរ។ ការហាត់ហ្វឹកហ្វឺននេះក៏ត្រូវបានអ្នកវិភាគមើញឃើញដែរថា ប្រទេសទាំងបីចង់បង្ហាញពីភាពជាដៃគូរបស់ពួកគេ ចំពេលដែលកូរ៉េខាងជើងបានបាញ់មីស៊ីលផ្លោងម្តងហើយម្តងទៀត ហើយចិនអះអាងវត្តមានរបស់ខ្លួននៅក្នុងតំបន់។ យ៉ាងណាមិញ ក្នុងពេលធ្វើសមយុទ្ធ Freedom Edge កាលពីខែមិថុនា កូរ៉េខាងជើងធ្លាប់បានព្រមានថា សកម្មភាពបង្កហេតុបែបនេះ អាចមានផលវិបាកធ្ងន់ធ្ងរ៕ ប្រភព ៖ AFP ប្រែសម្រួល ៖ ឈឹម ទីណា

ឡុងដ៍ ៖ សារព័ត៌មាន Auto Mail បានរាយការណ៍ថ្មីៗនេះថា ការលក់ឡាន Rolls-Royce នៅទីផ្សារប្រទេសរុស្ស៊ី បានកើនឡើង ៣៩% ក្នុងរយៈពេល៩ខែដំបូងនៃឆ្នាំនេះ បើធៀបនឹងរយៈពេលដូចគ្នាកាលពីឆ្នាំមុន។ ការកើនឡើងនៃការលក់ម៉ាករថយន្តប្រណិតរបស់អង់គ្លេសកើតឡើង បើទោះបីជាលោកខាងលិចព្យាយាមបិទផ្លូវនាំចូលទំនិញលំដាប់ខ្ពស់ទៅកាន់ប្រទេសរុស្ស៊ីក៏ដោយ។ ជនជាតិរុស្ស៊ីបានទិញឡាន Rolls-Royce សរុបចំនួន ៩៩គ្រឿងនៅចន្លោះខែមករា និងខែកញ្ញា ដោយឡានម៉ាក Cullinan SUV បានក្លាយជាម៉ូដែលពេញនិយមបំផុតរបស់ Rolls-Royce។ យោងតាមស្ថិតិចុះបញ្ជីរថយន្តបានឱ្យដឹងថា ការលក់ឡានប្រណិត ដែល មាន តម្លៃ ជាង ១លាន ដុល្លារ បាន កើនឡើង ២៧% បន្ទាប់ពីឡានម៉ាក Cullinan SUV ចំនួន ៥៩គ្រឿង ត្រូវ បាន ក្រុមអភិជននៅរុស្ស៊ី ទិញ ។ ឡានប្រណិតទីពីរ ដែលស្ថិតក្នុងបញ្ជីរថយន្តពេញ និយម បំផុត ក្នុង ចំណោម មហាសេដ្ឋី រុស្ស៊ី គឺគឺរថយន្តប្រណិតម៉ាក…

ប៉េកាំង ៖ ក្រុមហ៊ុនផលិតយន្តហោះនៃប្រទេសចិន COMAC នៅថ្ងៃអង្គារនេះនិយាយថា ក្រុមហ៊ុនអាកាសចរណ៍ Air China គឺជាអតិថិជនដំបូងគេ ដែលបញ្ជាទិញយន្តហោះ C929 widebody របស់ខ្លួន ដែលកំពុងស្ថិតក្រោមការអភិវឌ្ឍន៍ ដើម្បីប្រកួតប្រជែងជាមួយនឹងយន្តហោះរបស់ក្រុមហ៊ុន Airbus និង Boeing។ នេះបើតាមការចេញផ្សាយដោយសារព័ត៌មានរ៉យទ័រ។ នាយករងផ្នែកទីផ្សាររបស់ក្រុមហ៊ុន COMAC លោក Liu Yan បានធ្វើសេចក្តីប្រកាសបែបនេះ នៅក្នុងកម្មវិធីផ្សាយពាណិជ្ជកម្មដ៏ធំបំផុតរបស់ប្រទេសចិននៅទីក្រុង Zhuhai។ យ៉ាងណាមិញ លោក Liu មិនបានបង្ហើបឱ្យដឹងពីចំនួនយន្តហោះដែលក្រុមហ៊ុន Air China មានមូលដ្ឋាននៅទីក្រុងប៉េកាំង នឹងទិញ ឬ កាលបរិច្ឆេទចែកចាយនោះទេ។ បើតាមក្រុមហ៊ុន COMAC បានឱ្យដឹងថា យន្តហោះ C929 មានកៅអីអង្គុយចន្លោះពី ២៨០ ទៅ ៤០០កៅអី និងអាចហោះហើរក្នុងចម្ងាយ ១២,០០០គីឡូម៉ែត្រ ពោលគឺមានលក្ខណៈស្រដៀងទៅនឹងយន្តហោះ Boeing 787 Dreamliner ដែរ។ ដំបូងឡើយ យន្តហោះ…