បរទេស ៖ ចំនួនមនុស្សស្លាប់ អំឡុងគ្រោះទឹកជំនន់ នៅរដ្ឋតិចសាស់ សហរដ្ឋអាមេរិក រយៈពេលប្រមាណ៣ថ្ងៃមកនេះ បានកើនឡើងដល់ ជិត៨០នាក់ ខណៈដែលមនុស្សជាង៤០នាក់ផ្សេងទៀត បាត់ខ្លួន។ លោក Greg Abbott អភិបាលរដ្ឋ តិចសាស់ បាននិយាយ នៅក្នុងសន្និសីទសារព័ត៌មាន កាលពីថ្ងៃអាទិត្យថា ទឹកជំនន់ បានសម្លាប់មនុស្ស ៧៨នាក់ហើយ។ លោកបន្ថែមថា នៅទូទាំងរដ្ឋក្នុងតំបន់ទាំងអស់ ដែលរងផលប៉ះពាល់ ដោយសារទឹកជំនន់ នៅមានអ្នកបាត់ខ្លួន ចំនួន៤១ នាក់ផ្សេងទៀត។ លោកបានបន្ថែមថា អ្នកបាត់ខ្លួន រួមមានទាំង មនុស្ស១១នាក់ នៅជំរុំរដូវក្តៅ តាមមាត់ទន្លេ ដោយគេដឹងថា ជាការជួបជុំ ខាងគ្រីស្ទាន នាពេលនោះ ហើយមានមនុស្សប្រហែល ៧៥០នាក់បានស្នាក់ នៅទីនោះ ក្នុងពេលមានគ្រោះមហន្តរាយ បានកើតឡើង។ គួរបញ្ជាក់ថា ទឹកជំនន់ភ្លាមៗ វាយប្រហារ ភាគកណ្តាល នៃរដ្ឋតិចសាស់ កាលពីថ្ងៃសុក្រ សប្តាហ៍មុន៕ ប្រភពពី AFP ប្រែសម្រួល៖ សារ៉ាត

តៃប៉ិក ៖ ក្រសួងការពារជាតិកោះតៃវ៉ាន់បានបង្កើតអង្គភាពយោធាមួយបំពាក់ដោយប្រព័ន្ធរ៉ុកកែតបាញ់កាំភ្លើងធំចម្រុះគ្រាប់ HIMARS ដំបូងបង្អស់ បន្ទាប់ពីបានទិញប្រព័ន្ធ HIMARS ចំនួន ២៩គ្រឿងពីអាមេរិក ក្នុងនោះ ១១គ្រឿងត្រូវបានផ្គត់ផ្គង់ដល់កោះតៃវ៉ាន់កាលពីឆ្នាំមុន។ រដ្ឋមន្ត្រីការពារជាតិកោះតៃវ៉ាន់ លោក Wellington Koo និយាយថា អង្គភាពយោធាបំពាក់ដោយប្រព័ន្ធរ៉ុកកែតបាញ់កាំភ្លើងធំ HIMARS ដែលផលិតដោយអាមេរិកនេះ បង្កើតឡើងប្រមូលផ្តុំដោយទាហានចាស់ និងទាហានថ្មីដែលទទួលបានការបណ្តុះបណ្តាលនៅអាមេរិក។ របាយការណ៍របស់ប្រព័ន្ធផ្សព្វផ្សាយបានឱ្យដឹងថា ប្រព័ន្ធ HIMARS ដែលអាមេរិកផលិតលក់ឱ្យកោះតៃវ៉ាន់ មានសមត្ថភាពអាចបាញ់មីស៊ីល GMLRS ដែលហោះក្នុងចម្ងាយដល់ទៅ ៨០គីឡូម៉ែត្រ និងកាំជ្រួច ATACMS ដែលហោះក្នុងចម្ងាយរហូតដល់ ៣០០គីឡូម៉ែត្រ។ កាលពីពាក់កណ្តាលខែឧសភា យោធាតៃវ៉ាន់បានធ្វើសមយុទ្ធបាញ់គ្រាប់ពិតប្រើប្រាស់ប្រព័ន្ធ HIMARS ជាលើកដំបូងនៅឯមូលដ្ឋានយោធាមួយកន្លែង។ ហើយប្រព័ន្ធ HIMARS នេះទៀតសោត ក៏ធ្លាប់ត្រូវបានតៃវ៉ាន់បាញ់សាកល្បងកាលពីខែមិថុនា ផងដែរ។ ទីប្រឹក្សាសន្តិសុខជាតិអាមេរិករបស់លោកប្រធានាធិបតី Donald Trump គឺលោក Mike Waltz បាននិយាយថា អាមេរិកចង់ពង្រឹងសមត្ថភាពការពារជាតិដល់កោះតៃវ៉ាន់ តាមរយៈការបំពាក់សម្ភារៈយោធា មានដូចជាប្រព័ន្ធមីស៊ីលចល័ត យន្តហោះដ្រូន និងបច្ចេកវិជ្ជាឃ្លាំមើលកម្រិតខ្ពស់ ដើម្បីបង្កើនសក្តានុពលប្រយុទ្ធរបស់កោះតៃវ៉ាន់…

អង់ការ៉ា ៖ មេដឹកនាំតួកគីបានបង្ហាញទំនុកចិត្តថា ប្រទេសរបស់ខ្លួននឹងត្រូវបានដាក់បញ្ជូលទៅក្នុងកម្មវិធីផលិតយន្តហោះ F-35 របស់អាមេរិក ហើយនឹងទទួលបានយន្តហោះចម្បាំងបំបាំងកាយដ៏ទំនើបនេះ ស្របតាមកិច្ចព្រមព្រៀងជាមួយលោកប្រធានាធិបតីអាមេរិក Donald Trump។ ការអះអាងបែបនេះរបស់តួកគី ធ្វើឡើងបន្ទាប់ពីអាមេរិកបានបណ្តេញតួកគីចេញពីកម្មវិធីផលិតយន្តហោះ F-35 នៅឆ្នាំ២០១៩ ហើយមួយឆ្នាំក្រោយមក បានដាក់ទណ្ឌកម្មលើទីក្រុងអង់ការ៉ាជុំវិញការទិញប្រព័ន្ធការពារមីស៊ីល S-400 របស់រុស្ស៊ី។ ប៉ុន្តែចាប់តាំងពីលោក Trump ចូលកាន់តំណែងវិញ សម្ព័ន្ធមិត្តណាតូទាំងពីរហាក់ដូចជាចង់បញ្ចប់ជម្លោះរាប់ឆ្នាំមួយនេះ។ លោកប្រធានាធិបតីតួកគី Tayyip Erdogan និយាយថា លោកជឿជាក់ថា លោកប្រធានាធិបតី Trump នឹងស្មោះត្រង់ចំពោះកិច្ចព្រមព្រៀងដែលពួកយើងបានធ្វើ។ ហើយលោកគិតថា យន្តហោះ F-35 នឹងត្រូវបានបញ្ជូនទៅកាន់ប្រទេសតួកគី មួយជំហានម្តងៗក្នុងអំឡុងពេលអាណត្តិរបស់លោក Trump។ យ៉ាងណា លោកប្រធានាធិបតី Erdogan មិនបានផ្តល់ព័ត៌មានលម្អិតពាក់ព័ន្ធនឹងកិច្ចព្រមព្រៀងជាមួយមេដឹកនាំអាមេរិកទេ ប៉ុន្តែលោកបាន និយាយ ថា បញ្ហា F-35 មិនត្រឹមតែជាបញ្ហាបច្ចេកវិទ្យាយោធាសម្រាប់ពួកយើងប៉ុណ្ណោះទេ ប៉ុន្តែក៏ជាបញ្ហាភាពជាដៃគូដ៏រឹងមាំនៅក្នុងវេទិកាអន្តរជាតិ មានដូចជា NATO ផងដែរ។ កាលពីខែមីនា មេដឹកនាំទាំងពីរក៏បានជជែកគ្នាពីតម្រូវការបញ្ចប់កិច្ចព្រមព្រៀងមួយ ដើម្បីអនុញ្ញាតឱ្យតួកគីអាចទិញយន្តហោះចម្បាំង F-16 របស់អាមេរិក…

អ.ស.ប ៖ ទ្រាំលែងបាន អគ្គលេខាធិការអង្គការសហប្រជាជាតិ លោក Antonio Guterres បានចេញមុខថ្កោលទោសរុស្ស៊ីភ្លាមៗ ក្រោយរុស្ស៊ីវាយប្រហារដោយយន្តហោះដ្រូន និងមីស៊ីលទ្រង់ទ្រាយធំបំផុត ក្នុងសង្គ្រាមរយៈពេលជាងបីឆ្នាំនៅអ៊ុយក្រែន។ លោក Guterres បាននិយាយនៅក្នុងសេចក្តីថ្លែងការណ៍មួយ ដែលសំដៅលើការវាយប្រហារកាលពីថ្ងៃសុក្រថា អង្គការសហប្រជាជាតិបានថ្កោលទោសយ៉ាងខ្លាំង ចំពោះការវាយប្រហារដោយយន្តហោះដ្រូន និងមីស៊ីលទ្រង់ទ្រាយធំបំផុតរបស់រុស្ស៊ីប្រឆាំងអ៊ុយក្រែន។ ការវាយប្រហាររបស់រុស្សីចុងក្រោយនេះ បានទម្លាក់គ្រាប់បែកជា ច្រើនម៉ោង បង្ខំឲ្យប្រជាជនអ៊ុយក្រែនរត់ភៀសខ្លួនទៅរកទីជម្រកមានសុវត្ថិភាពនៅទូទាំងប្រទេស។ ជាលទ្ធផល មនុស្សម្នាក់ត្រូវបានសម្លាប់ និង ២៦នាក់ផ្សេងទៀត រួមទាំងកុមារម្នាក់បានរងរបួសនៅក្នុងរដ្ឋធានីកៀវ។ យ៉ាងណា យោងតាមសេចក្តីថ្លែងការណ៍ដែលចេញដោយអ្នកនាំពាក្យអង្គការសហប្រជាជាតិ លោក Stephane Dujarric លោកអគ្គលេខាធិការ Guterres មានការភ័យខ្លាចជាខ្លាំង ចំពោះការកើនឡើងការវាយប្រហារដ៏គ្រោះថ្នាក់នេះ និងការកើនឡើងចំនួនជនស៊ីវិលបាត់បង់ជីវិត ឬរងរបួស។ អ្នកនាំពាក្យមេធំយូអិនរូបនេះ បានសង្កត់ធ្ងន់ទៀតថា ការវាយប្រហារប្រឆាំងនឹងជនស៊ីវិល ឬក៏ហេដ្ឋារចនាសម្ព័ន្ធស៊ីវិល គឺត្រូវតែហាមឃាត់ដាច់ខាត យោងតាមច្បាប់អន្តរជាតិ ហើយត្រូវតែបញ្ឈប់ជាបន្ទាន់៕ ប្រភព ៖ AFP ប្រែសម្រួល ៖ ឈឹម ទីណា

បាងកក ៖ កងទ័ពអាកាសថៃ ហៅកាត់ (RTAF) បានសម្ញែងយន្តហោះគ្មានមនុស្សបើកអត្តឃាត Kamikaze ដែលត្រូវបានរចនាឡើងសម្រាប់ការវាយប្រហារយ៉ាងជាក់លាក់លើគោលដៅអំឡុងពេលប្រយុទ្ធ ដើម្បីលើកកម្ពស់សន្តិសុខជាតិ និងអធិបតេយ្យប្រទេស។ គម្រោងបង្កើតយន្តហោះដ្រូនអត្តឃាតនេះ គឺជាកិច្ចសហការរវាងបណ្ឌិតសភាទ័ពអាកាសថៃ នាយកដ្ឋានអាវុធយុទ្ធភណ្ឌទ័ពអាកាស និងមជ្ឈមណ្ឌលស្រាវជ្រាវ និងអភិវឌ្ឍន៍របស់កងទ័ពអាកាសថៃ សម្រាប់អវកាស និងវិទ្យាសាស្រ្ត និងបច្ចេកវិទ្យាអាកាសចរណ៍។ កងទ័ពអាកាសថៃបានដាក់រហស្សនាមឱ្យដ្រូន Kamikaze UAV ថា ជា “យន្តហោះគ្មានមនុស្សបើកអត្តឃាត” ដោយសារតែវាមានសមត្ថភាពវាយប្រហារបំផ្លាញគោលដៅសត្រូវ ជាមួយនឹងក្បាលគ្រាប់ផ្ទុះកម្រិតខ្ពស់។ យន្តហោះដ្រូននេះបានបញ្ចប់ការសាកល្បងដោយជោគជ័យ ដែលបង្ហាញពីសមត្ថភាពវាយប្រហារគោលដៅរយៈចម្ងាយមធ្យម ជាមួយនឹងគម្លាតតិចជាង៥ម៉ែត្រពីគោលដៅ។ ជាមួយគ្នានេះ កងទ័ពអាកាសថៃបានសាទរចំពោះការសាកល្បងនេះថា ជាជំហានឆ្ពោះទៅការនាំយកយន្តហោះដ្រូន Kamikaze ទៅក្នុងផលិតកម្មពេញលេញ និងការដាក់ពង្រាយប្រយុទ្ធនាពេលអនាគត។ គំនិតផ្តួចផ្តើមនេះទៀតសោត ត្រូវបានរំពឹងថា នឹងជួយពង្រឹងការត្រៀមខ្លួនប្រយុទ្ធ និងជួយការពារសន្តិសុខ ព្រមទាំងអធិបតេយ្យភាពជាតិរបស់ប្រទេសថៃ តាមរយៈបច្ចេកវិទ្យាយោធាទំនើប និងពឹងផ្អែកលើខ្លួនឯង៕ ប្រភព ៖ The Nation ប្រែសម្រួល ៖ ឈឹម ទីណា

កៀវ ៖ លោកប្រធានាធិបតីអ៊ុយក្រែន Volodymyr Zelensky និយាយថា រូបលោក និងមេដឹកនាំអាមេរិក លោក Donald Trump បានយល់ព្រមចាត់វិធានការពង្រឹងសមត្ថភាពការពារដែនអាកាសរបស់ទីក្រុងកៀវ ទប់ទល់ការវាយប្រហារដោយយន្តហោះដ្រូន និងមីស៊ីលរបស់រុស្ស៊ី។ លោកប្រធានាធិបតី Zelensky បាននិយាយក្នុងវីដេអូបង្ហោះលើបណ្តាញសង្គមកាលពីថ្ងៃសុក្រថា លោកមានការសន្ទនាតាមទូរស័ព្ទសំខាន់ និងមានប្រយោជន៍មួយជាមួយលោកប្រធានាធិបតី Trump។ លោកថា ពួកលោកបានយល់ព្រមឲ្យតំណាងប្រទេសទាំងពីរជួបចរចាពីបញ្ហានេះ។ ការអះអាងបែបនេះរបស់លោក Zelensky ធ្វើឡើងចំពេលដែលអាជ្ញាធរគ្រាអាសន្នអ៊ុយក្រែននិយាយថា រុស្ស៊ីបានវាយប្រហារដោយយន្តហោះដ្រូន និងមីស៊ីលទ្រង់ទ្រាយធំបំផុតលើអ៊ុយក្រែនកាលពីថ្ងៃសុក្រ។ ជាលទ្ធផលនោះ មនុស្សម្នាក់ត្រូវបានសម្លាប់ និង ២៦នាក់ផ្សេងទៀត រួមទាំងកុមារម្នាក់បានរងរបួសនៅក្នុងរដ្ឋធានីកៀវ។ ជាការឆ្លើយតប យោធាអ៊ុយក្រែនបានសង្កត់ធ្ងន់លើតម្រូវការពង្រឹងសមត្ថភាពការពារដែនអាកាសរបស់ខ្លួនជាបន្ទាន់។ ការវាយប្រហារខ្នាតធំរបស់រុស្ស៊ីនេះទៀតសោត កើតឡើងបន្ទាប់ពីរដ្ឋបាលលោកប្រធានាធិបតី Trump បានបញ្ឈប់ការដឹកជញ្ជូនជំនួយសព្វាវុធសំខាន់ៗមួយចំនួនទៅឲ្យអ៊ុយក្រែន រួមទាំងមីស៊ីលការពារដែនអាកាសផងដែរ៕ ប្រភព ៖ AFP ប្រែសម្រួល ៖ ឈឹម ទីណា

បាងកក ៖ សេដ្ឋកិច្ចប្រទេសថៃ ត្រូវបានព្យាករណ៍ថា នឹងកើនឡើងក្នុងរង្វង់ ១.៨ភាគរយប៉ុណ្ណោះនៅក្នុងឆ្នាំ២០២៥ ពោលគឺធ្លាក់ចុះជាងការព្យាករណ៍ពីមុន ២.៩ភាគរយនៅក្នុងខែកុម្ភៈ ចំពេលមានការកើនឡើងភាពតានតឹងជាសកល និងក្នុងស្រុក នេះបើតាមការអះអាងរបស់ធនាគារពិភពលោក (WB)។ ធនាគារពិភពលោកបាននិយាយនៅក្នុងរបាយការណ៍មួយថា មូលហេតុដែលខ្លួនព្យាករទម្លាក់កំណើនសេដ្ឋកិច្ចប្រទេសថៃ គឺយោងតាមការនាំចេញ និងវិស័យទេសចរណ៍ដែលទន់ខ្សោយ ក៏ដូចជាការថមថយខ្លាំងតម្រូវការក្នុងស្រុក ពិសេសការវិនិយោគឯកជន និងការកាត់បន្ថយការប្រើប្រាស់ឯកជន។ យោងតាមអ្នកតាមដានសេដ្ឋកិច្ចថៃរបស់ធនាគារពិភពលោក បានឲ្យដឹងថា ការកើនឡើងភាពតានតឹងពាណិជ្ជកម្មសកល និងការងើបឡើងវិញយឺតជាងការរំពឹងទុកក្នុងវិស័យទេសចរណ៍ អាចជាចលករបន្ទុចបង្អាក់ដល់កំណើនការនាំចេញ និងសេវាកម្មផ្សេងៗរបស់ប្រទេសថៃ។ របាយការណ៍បាននិយាយថា ភាពមិនប្រាកដប្រជាផ្នែកនយោបាយក្នុងស្រុករបស់ប្រទេសថៃ អាចបណ្តាលឱ្យមានការពន្យារពេលក្នុងច្បាប់ថវិកាសារពើពន្ធឆ្នាំ២០២៦ និងការអនុវត្តការវិនិយោគលើហេដ្ឋារចនាសម្ព័ន្ធសាធារណៈ។ ភ្ញៀវទេសចរសរុបហូរចូលប្រទេសអាស៊ីអាគ្នេយ៍មួយនេះ ត្រូវបានរំពឹងថា នឹងឈានដល់ ៣៧.៤លាននាក់នៅឆ្នាំ២០២៥នេះ កើនឡើងដល់ទៅ ៩៤ភាគរយ ធៀបនឹងកម្រិតមុនផ្ទុះឡើងជំងឺរាតត្បាតនៅឆ្នាំ២០១៩ ហើយតួលេខនេះ ត្រូវបានព្យាករថា នឹងត្រលប់ទៅរកកម្រិតមុនផ្ទុះជំងឺកូវីដវិញ នៅត្រីមាសទីពីរនៃឆ្នាំ២០២៦៕ ប្រភព ៖ ស៊ីនហួរ ប្រែសម្រួល ៖ ឈឹម ទីណា

បរទេស ៖ រដ្ឋមន្ត្រីការពារជាតិ អ៊ីស្រាអែល បាននិយាយអះអាងថា កងទ័ពនឹងធានាថា អ៊ីរ៉ង់មិនអាចគំរាមកំហែង ប្រទេសនេះ ម្តងទៀតទេ។ លោក Israel Katz រដ្ឋមន្ត្រីការពារជាតិអ៊ីស្រាអែល បាននិយាយថា «កងទ័ពត្រូវតែបង្កើតផែនការមួយ ដើម្បីការពារទប់ស្កាត់ អ៊ីរ៉ង់ ពីការគំរាមកំហែង លើអ៊ីស្រាអែលម្តងទៀត បន្ទាប់ពីសត្រូវទាំងពីរ បានប្រយុទ្ធគ្នា ក្នុងសង្គ្រាម រយៈពេល ១២ ថ្ងៃ កាលពីខែមុន នេះបើតាមសេចក្តីអធិប្បាយ ដែលបានចេញផ្សាយ កាលពីថ្ងៃសុក្រ។ លោក Katz បាននិយាយ នៅក្នុងកិច្ចប្រជុំ ជាមួយមេដឹកនាំយោធា កាលពីថ្ងៃព្រហស្បតិ៍ថា «បេសកកម្មបច្ចុប្បន្ន របស់យោធាអ៊ីស្រាអែល គឺ ដើម្បីរៀបចំផែនការអនុវត្តមួយ ដើម្បីធានាថា អ៊ីរ៉ង់មិនអាចគំរាមកំហែងអ៊ីស្រាអែល ម្តងទៀតបានទេ»។ លោក Katz បាននិយាយបន្ថែមថា «កងទ័ពត្រូវតែរៀបចំ លើកម្រិតស៊ើបការណ៍សម្ងាត់ និងប្រតិបត្តិការដើម្បីធានាថា កងកម្លាំងអាកាស រក្សាឧត្តមភាពផ្លូវអាកាស លើទីក្រុងតេអេរ៉ង់ សមត្ថភាពក្នុងការពង្រឹងការរឹតបន្តឹងលើអ៊ីរ៉ង់ និងការពារ ទប់ស្កាត់ពីការកសាងសមត្ថភាពនុយក្លេអ៊ែរ របស់អ៊ីរ៉ង់…

បរទេស ៖ ប្រព័ន្ធផ្សព្វផ្សាយរដ្ឋ កូរ៉េខាងជើង បានចេញផ្សាយថា ប្រទេសនេះ បានបើកតំបន់រមណីយដ្ឋានដ៏ធំមួយ នៅឆ្នេរសមុទ្រភាគខាងកើត ដើម្បីឲ្យប្រជាជនរបស់ខ្លួន និង ទេសចរអន្តរជាតិ ទៅកម្សាន្តរីករាយ។ តំបន់ទេសចរណ៍ Wonsan Kalma ត្រូវបានគេដាក់ឈ្មោះថា Waikiki មួយនេះ អាចផ្ទុកមនុស្សបានជិត ២ម៉ឺននាក់ នេះបើយោងតាមទីក្រុងព្យុងយ៉ាង ដែលពណ៌នាថាជា «រមណីយដ្ឋានវប្បធម៌ លំដាប់ពិភពលោក»។ ទីភ្នាក់ងារសារព័ត៌មានកណ្តាលកូរ៉េ របស់ទីក្រុងព្យុងយ៉ាង KCNA បានរាយការណ៍ថា តំបន់ទេសចរណ៍នេះ បានបើកឱ្យភ្ញៀវទេសចរណ៍ ក្នុងស្រុកចូលកម្សាន្ត តាំងពីថ្ងៃអង្គារ ដោយបានផ្សព្វផ្សាយរូបភាព នៃអ្នកទេសចរ ក្នុងឈុតហែលទឹក ចម្រុះពណ៌ រីករាយនឹងឆ្នេរនេះ។ KCNA បានរាយការណ៍ថា ប្រជាជនកូរ៉េខាងជើង គ្រប់វ័យ មកពីទូទាំងប្រទេស បានសម្រុកទៅលេង ពោរពេញដោយភាពរីករាយ។ ប្រភពបានបន្ថែមថា អ្នកទស្សនាមានការភ្ញាក់ផ្អើល ចំពោះភាពអស្ចារ្យនៃទីក្រុងទេសចរណ៍ មានអគារជាង៤០០ ដែលត្រូវបានរចនាដោយសិល្បៈ តម្រង់ជួរ នៅឆ្នេរខ្សាច់ ស ប្រកប ដោយភាពសុខដុមរមនា។ ក្រុមអ្នកវិភាគ…

បរទេស ៖ អង្គការសហប្រជាជាតិ ហៅកាត់ UN បាននិយាយថា មនុស្សជាង៥០០នាក់ ត្រូវបានសម្លាប់ អំឡុងពេលចែកចាយជំនួយនៃមូលនិធិមនុស្សធម៌ហ្គាហ្សា ហៅកាត់ GHF ចាប់តាំងពីចុងខែឧសភា ឆ្នាំ២០២៥មក ឬ ជាង១ខែមកនេះ។ អំឡុងសន្និសីទខ្លីមួយនៅទីក្រុងហ្សឺណែវ កាលពីថ្ងៃសុក្រ លោកស្រី Ravina Shamdasani អ្នកនាំពាក្យ ការិយាល័យសិទ្ធិមនុស្ស នៃអង្គការសហប្រជាជាតិ បានលើកឡើងថា មនុស្សប្រហែល ៦១៣នាក់ ត្រូវបានសម្លាប់ ក្នុងអំឡុងពេលចែកចាយជំនួយ នៅក្នុងតំបន់ហ្គាហ្សា ចាប់តាំងពីចុងខែឧសភា ក្នុងនោះ រួមមានទាំងមនុស្ស ៥០៩នាក់ នៅជិតទីតាំង របស់មូលនិធិមនុស្សធម៌ហ្គាហ្សា GHF ដោយបានចោទប្រកាន់ថា អាចមានពាក់ព័ន្ធ នឹងអ៊ីស្រាអែល។ លោកស្រី Ravina Shamdasani បានមានប្រសាសន៍ថា «វាច្បាស់ណាស់ថា យោធាអ៊ីស្រាអែលបានផ្លោងគ្រាប់ និងបាញ់ទៅលើជនជាតិប៉ាឡេស្ទីន ដែលព្យាយាម សម្រុកទៅដល់ទីតាំង ចែកចាយជំនួយ»។ យ៉ាណាមិញ អ៊ីស្រាអែលតែងតែបានចាត់ទុកថា មានពួកហាម៉ាស់ មកបន្លំយក ជំនួយទាំងនោះ។ អ៊ីស្រាអែលបានបើកការវាយលុករបស់ខ្លួន…