បរទេស៖ គ្រួសារមួយប្រើវិធីដាំដុះដែលហៅថា Syntropics ដើម្បីផលិតអាហារដោយខ្លួនឯងទាំងអស់នៅលើផ្ទៃដីតែមួយហិកតាប៉ុណ្ណោះ ហើយដំណាំដែលពួកគេចូលចិត្តគឺចេក។

វ៉ាស៊ីនតោន៖ ប្រធានាធិបតីអាមេរិកលោក ចូ បៃដិន ថ្លែងថា នៅក្នុងថ្ងៃពុធសប្តាហ៍នេះ រូបលោកនឹងធ្វើដំណើរទស្សនកិច្ចដោយផ្ទាល់ទៅកាន់រដ្ឋ Kentucky ដែលរងគ្រោះធ្ងន់ធ្ងរដោយសារតែការវាយប្រហារពីខ្យល់ព្យុះកំបុតត្បូងនាពេលថ្មីៗនេះ ដើម្បីស្ទាបស្ទង់ពីទំហំនៃការខូចខាតនៅក្នុងរដ្ឋមួយនេះ។

មូស្គូ៖ អនុរដ្ឋមន្ត្រីការបរទេសរុស្ស៊ីលោក សឺហ្គៃ រីយ៉ាបកូវ ថ្លែងថា ការជាប់គាំងទាំងផ្នែកនយោបាយ និងការទូត គឺមានតែជំរុញឲ្យរុស្ស៊ីឆ្លើយតបដោយមធ្យោបាយយោធា និងបច្ចេកវិទ្យាផ្នែកយោធាប៉ុណ្ណោះ… រឿងគឺបែបនេះ វានឹងក្លាយជាការប្រឈមមុខដាក់គ្នា… វានឹងកើតឡើងនៅដំណាក់កាលបន្ទាប់។

ព្រុចសែល៖ នៅពេលដែលភាពតានតឹងកើនឡើងនៅតាមព្រំដែនអ៊ុយក្រែនជាមួយរុស្ស៊ី ប្រទេសមហាអំណាចលោកខាងលិចកំពុងថ្លឹងថ្លែងថាតើទណ្ឌកម្មអ្វីដែលពួកគេអាចនឹងដាក់លើរដ្ឋាភិបាលទីក្រុងមូស្គូ។ ហើយនៅថ្ងៃចន្ទសប្តាហ៍នេះ អ្នកការទូតកំពូលរបស់សហភាពអឺរ៉ុបបានអះអាងដែរថា ប្លុកនេះក៏កំពុងធ្វើការជាមួយអាមេរិក និងអង់គ្លេស សម្រាប់បញ្ជីដាក់ទណ្ឌកម្មផងដែរ។

មូស្គូ៖ វិមានក្រឹមឡាំងបានលើកឡើងថា ប្រធានាធិបតីរុស្ស៊ីលោក វ្ល៉ាឌីមៀ ពូទីន បានប្រាប់នាយករដ្ឋមន្រ្តីអង់គ្លេសលោក បូរីស ចនសុន ថា សមាជិកនៃសម្ព័ន្ធមិត្តយោធាណាតូកំពុងគំរាមកំហែងរុស្ស៊ី តាមរយៈការពង្រីកសកម្មភាពនៅក្នុងប្រទេសអ៊ុយក្រែន។

ប៉េកាំង៖ ក្រសួងការបរទេសចិនបានប្រកាសថា ប្រធានាធិបតីចិនលោក ស៊ី ជីនពីង នឹងជួបពិភាក្សាតាមរយៈប្រព័ន្ធវីដេអូអនឡាញជាមួយសមភាគីរុស្ស៊ីលោក វ្ល៉ាឌីមៀ ពូទីន នៅក្នុងថ្ងៃពុធសប្តាហ៍នេះ។