តៃប៉ិ៖ ការវាយប្រហារណាមួយរបស់ចិននឹងត្រូវប្រឈមមុខនូវផលលំបាកយ៉ាងខ្លាំងជាទីបំផុត ដោយសារតែទីក្រុងប៉េកាំងមិនមានសមត្ថភាពគ្រប់គ្រាន់ក្នុងការផ្គត់ផ្គង់ និងបញ្ជូនកងទ័ពចូលកោះតៃវ៉ាន់ឡើយ។ នេះបើតាមក្រសួងការពារជាតិកោះតៃវ៉ាន់បញ្ជាក់នៅក្នុងការវាយតម្លៃលើការគំរាមកំហែងចុងក្រោយរបស់ខ្លួន។

វ៉ាស៊ីនតោន៖ រដ្ឋបាលរបស់លោក ចូ បៃដិន នឹងស្វែងរកការលើកកម្ពស់កិច្ចសហប្រតិបត្តិការផ្នែកសន្តិសុខ និងសេដ្ឋកិច្ចជាមួយបណ្តាប្រទេសអាស៊ីអាគ្នេយ៍ តាមរយៈដំណើរទស្សនកិច្ចរបស់ប្រមុខការទូតរបស់ខ្លួនទៅកាន់តំបន់នេះនៅក្នុងសប្តាហ៍នេះ ស្របដែលពេលទីក្រុងវ៉ាស៊ីនតោនកំពុងធ្វើការដើម្បីបង្កើតរណសិរ្សរួបរួម ប្រឆាំងនឹងឥទ្ធិពលចិននៅតំបន់ឥណ្ឌូ-ប៉ាស៊ីហ្វិក។

វ៉ាស៊ីនតោន៖ ប្រធានាធិបតីអាមេរិកលោក ចូ បៃដិន ថ្លែងថា លទ្ធភាពនៃការបញ្ជូនកងទ័ពជើងគោកអាមេរិកទៅកាន់ប្រទេសអ៊ុយក្រែន ក្នុងករណីមានការឈ្លានពានរបស់រុស្ស៊ី គឺ “មិនដែលមាននៅលើតុ” ទេ ទោះបីជាសហរដ្ឋអាមេរិក និងអង្គការណាតូ នឹងតម្រូវឱ្យបញ្ជូនកងកម្លាំងបន្ថែមទៀតទៅកាន់ភាគខាងកើតនៃបណ្តាប្រទេសអង្គការណាតូក៏ដោយ ដើម្បីពង្រឹងការការពាររបស់ពួកគេ។

មូស្គូ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានប្រាប់សមភាគីអាមេរិកលោក ចូ បៃដិន ថា លោកពិតជាចង់ជួបលោក បៃដិន ផ្ទាល់ នៅពេលពួកលោកធ្វើកិច្ចពិភាក្សាគ្នាតាមរយៈតំណភ្ជាប់វីដេអូអនឡាញកាលពីដើមខែនេះ។ នេះបើតាមប្រព័ន្ធផ្សព្វផ្សាយរុស្ស៊ីបានរាយការណ៍កាលពីថ្ងៃអាទិត្យម្សិលមិញ។

ញូយ៉ក៖ កាសែត ​The Wall Street Journal បានដកស្រង់សម្តីរបស់ក្រុមមន្រ្តីអាមេរិកថា ក្រុមស្វែងរក និងជួយសង្គ្រោះនៅភាគខាងលិចរដ្ឋ Kentucky និងរដ្ឋក្បែរៗនោះ កំពុងដុតដៃដុតជើងស្វែងរកអ្នកនៅរស់រានមានជីវិត នៅថ្ងៃអាទិត្យម្សិលមិញ បន្ទាប់ពីព្យុះកំបុតត្បូងជាបន្តបន្ទាប់បានបោកបក់ពេញតំបន់ ដោយបានសម្លាប់មនុស្សយ៉ាងហោចណាស់រាប់សិបនាក់ ខណៈដែលចំនួនអ្នកស្លាប់នៅក្នុងរដ្ឋ Kentucky តែមួយអាចលើសពី ១០០នាក់។

មូស្គូ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយថា រុស្ស៊ីគឺជាប្រទេសនាំមុខគេលើពិភពលោកផ្នែកបច្ចេកវិទ្យាមីស៊ីលលឿនជាងសំឡេង ហើយនៅពេលដែលប្រទេសផ្សេងទៀតតាមទាន់ ខ្លួនទំនងជាមានបច្ចេកវិទ្យាអភិវឌ្ឍន៍ ដើម្បីទប់ទល់នឹងអាវុធថ្មីទាំងនេះ។