វ៉ាស៊ីនតោន៖ ក្រសួងការពារជាតិអាមេរិកបានបញ្ជាក់ថា កងកម្លាំងរបស់ខ្លួននៅក្នុងប្រទេសអ៊ីរ៉ាក់បានបញ្ចប់បេសកកម្មប្រយុទ្ធរបស់ពួកគេហើយ ហើយជំនួសមកវិញនូវតួនាទីហ្វឹកហ្វឺន និងប្រឹក្សាសម្រាប់យោធារបស់ប្រទេសមួយនេះ។

បារាំង៖ ប្រធានាធិបតីបារាំងលោក អេម៉ានុយអែល ម៉ាក្រុង បាននិយាយនៅក្នុងសន្និសីទសារព័ត៌មានមួយ មុនពេលទីក្រុងប៉ារីសចូលកាន់តំណែងជាប្រធានប្តូរវេននៃក្រុមប្រឹក្សាអឺរ៉ុបថា ការដោះស្រាយបញ្ហាអ៊ុយក្រែនមិនអាចធ្វើបាន ដោយការដាក់សម្ពាធលើប្រទេសរុស្ស៊ីនោះទេ។

វ៉ាស៊ីនតោន៖ ប្រធានាធិបតីអាមេរិកលោក ចូ បៃដិន បានដឹកនាំមេដឹកនាំពិភពលោកជាង ១០០នាក់មកជួបជុំគ្នាក្នុងជំនួបតាមប្រព័ន្ធអ៊ីនធើណិត នៅក្នុងថ្ងៃព្រហស្បតិ៍សប្តាហ៍នេះ (ម៉ោងក្នុងតំបន់) សម្រាប់កិច្ចប្រជុំកំពូលដំបូងរបស់លោក ដើម្បីលទ្ធិប្រជាធិបតេយ្យ។

គៀវ៖ ប្រធានាធិបតីអ៊ុយក្រែនលោក វ៉ូឡូឌីមី ហ្សេឡិនស្គី និងប្រធានាធិបតីអាមេរិកលោក ចូ បៃដិន បានធ្វើកិច្ចសន្ទនាតាមទូរស័ព្ទស្តីអំពីស្ថានភាពសន្តិសុខជុំវិញប្រទេសអ៊ុយក្រែន និងអនាគតនៃការពង្រឹងដំណោះស្រាយដោយសន្តិវិធីនៅតំបន់ជម្លោះ Donbas ។ នេះបើតាមសេវាសារព័ត៌មានរបស់ប្រធានាធិបតីអ៊ុយក្រែន។

វ៉ាស៊ីនតោន៖ អ្នកនាំពាក្យអគ្គលេខាធិការអង្គការសហប្រជាជាតិលោក Antonio Guterres បានលើកឡើងថា លោកអគ្គលេខាធិការនឹងអញ្ជើញទៅចូលរួមព្រឹត្តិការណ៍កីឡាអូឡាំពិករដូវរងានៅទីក្រុងប៉េកាំង ឆ្នាំ ២០២២ ។

ម៉ាណាហ្គា៖ ប្រទេសនីការ៉ាហ្គាបានសម្រេចចិត្តកម្ទេចចោលនូវ ចំណងមិត្តភាពរយៈពេលរាប់ទសវត្សរ៍ជាមួយកោះតៃវ៉ាន់ ហើយងាកទៅកសាងទំនាក់ទំនងការទូតផ្លូវការ ជាមួយនឹងទីក្រុងប៉េកាំងវិញ ដោយប្រការនេះបានធ្វើឲ្យទីក្រុងតៃប៉ិ បាត់បង់ការទទួលស្គាល់ថែមមួយប្រទេសទៀត។