អូតាវ៉ា៖ គិតមកទល់ពេលនេះ ចក្រភពអង់គ្លេស កាណាដា សហរដ្ឋអាមេរិក និងអូស្រ្តាលីបានប្រកាសធ្វើពហិការផ្នែកការទូតចំពោះព្រឹត្តិការណ៍កីឡាអូឡាំពិករដូវរងានៅទីក្រុងប៉េកាំង ដែលនឹងត្រូវធ្វើឡើងនៅខែកុម្ភៈ ឆ្នាំ២០២២ ខណៈប្រទេសចិនបានហៅការធ្វើពហិការនេះថា “ការដាក់ទីតាំងនយោបាយ និងជាយុទ្ធនាការលាបពណ៌”។

ប៉ារីស៖ ក្រសួង​ការ​បរទេស​បារាំង​បាន​ព្រមានថា រុស្ស៊ី​នឹង​ប្រឈម​មុខនូវ​«​ផល​វិបាក​ជា​យុទ្ធសាស្ត្រ​ និង​​ធំដ៏មហិមារ» ប្រសិន​បើ​ខ្លួន​សម្រេច​ចិត្ត​វាយ​ប្រហារលើប្រទេស​អ៊ុយក្រែន។

វ៉ាស៊ីនតោន៖ ប្រធានាធិបតីអាមេរិកលោក ចូ បៃដិន នៅថ្ងៃពុធនេះថ្លែងថា ការដាក់ពង្រាយកងកម្លាំងអាមេរិកនៅលើទឹកដីប្រទេសអ៊ុយក្រែន ដើម្បីរារាំងការឈ្លានពានរបស់រុស្ស៊ី គឺមិនស្ថិតនៅលើតុទេ ប្រសិនបើភាពតានតឹងរវាងទីក្រុងមូស្គូ និងទីក្រុងវ៉ាស៊ីនតោនមានការធូរស្រាល បន្ទាប់ពីកិច្ចប្រជុំកំពូលតាមវីដេអូអនឡាញនៅក្នុងសប្តាហ៍នេះ។