បរទេស៖ អង្គការណាតូ និងអាល្លឺម៉ង់បានព្រមានទីក្រុងម៉ូស្គូ កុំធ្វើឱ្យស្ថានការណ៍នៅព្រំដែនអ៊ុយក្រែន-រុស្ស៊ីកាន់តែតានតឹងឡើង បន្ទាប់ពីមានសេចក្តីរាយការណ៍អំពីការប្រមូលផ្តុំកងទ័ពរបស់រុស្ស៊ី និងឧបករណ៍ជាច្រើននៅក្នុងតំបន់នោះ។

វ៉ាស៊ីនតោន៖ ប្រធានាធិបតីអាមេរិក លោក ចូ បៃដិន នៅថ្ងៃចន្ទដើមសប្តាហ៍នេះ បានចុះហត្ថលេខាលើច្បាប់ហេដ្ឋារចនាសម្ព័ន្ធជាប្រវត្តិសាស្ត្រមួយ បន្ទាប់ពីទទួលបានការអនុម័តពីសភាទាំងពីររបស់សហរដ្ឋអាមេរិក និងការចរចាអស់ពេលជាច្រើនខែមកហើយ ដោយកញ្ចប់ថវិកានេះ មានទំហំ ១.២ទ្រីលានដុល្លារ។

វ៉ាស៊ីនតោន៖ ប្រធានាធិបតីអាមេរិក លោក ចូ បៃដិន ថ្លែងថា ទំនាក់ទំនងរវាងប្រទេសរបស់លោក និងចិន គឺចង់អោយមានការប្រាស្រ័យទាក់ទងដោយស្មោះត្រង់ ខណៈដែលលោក ស៊ី ជីនភីង ក៏បានសន្យាដែរថា នឹងធ្វើអោយទំនាក់ទំនងចិន-អាមេរិកប្រកបដោយភាពវិជ្ជមាន។

ម៉ូស្គូ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយទូរស័ព្ទជាមួយសមភាគីបារាំងលោក អេម៉ានុយអែល ម៉ាក្រុង ដើម្បីពិភាក្សាគ្នាអំពីវិបត្តិជនចំណាកស្រុកនៅតាមព្រំដែនរវាងបេឡារុស្ស និងសហភាពអឺរ៉ុប (EU) ក៏ដូចជាស្ថានភាពនៅភាគខាងកើតអ៊ុយក្រែន។

ប៊ែរឡាំង៖ អ្នកនាំពាក្យរដ្ឋាភិបាលអាល្លឺម៉ង់បញ្ជាក់ថា អធិការបតីអាល្លឺម៉ង់លោកស្រី អាន់ជែឡា មឺហ្គែល និងប្រធានាធិបតីបេឡារូសលោក អាឡិចសាន់ឌឺ លូកាសិនខូ បានពិភាក្សាគ្នាតាមទូរស័ព្ទ ដើម្បីពិភាក្សាអំពីជំនួយមនុស្សធម៌សម្រាប់ជនភៀសខ្លួន និងជនចំណាកស្រុកដែលជាប់គាំងនៅព្រំដែនសហភាពអឺរ៉ុប-បេឡារូស។