ហ្សឺណែវ៖ អង្គការសហប្រជាជាតិបាននិយាយនៅមុនកិច្ចប្រជុំកំពូលស្តីពីការប្រែប្រួលអាកាសធាតុ COP26 ថា ទ្វីបអាស៊ីបានទទួលរងអាកាសធាតុក្តៅបំផុតដល់កំណត់ត្រាក្នុងឆ្នាំ២០២០ ជាមួយនឹងអាកាសធាតុដ៏អាក្រក់ដែលបានធ្វើឱ្យមានការខូចខាតយ៉ាងខ្លាំងដល់ការអភិវឌ្ឍន៍របស់ទ្វីបនេះ។

កាប៊ុល៖ ទីភ្នាក់ងារស្បៀងអាហាររបស់អង្គការសហប្រជាជាតិកំពុងព្រមានថា ជាងពាក់កណ្តាលនៃចំនួនប្រជាជនអាហ្វហ្គានីស្ថាន អាចប្រឈមមុខនឹងការស្រេកឃ្លានធ្ងន់ធ្ងរ លុះត្រាតែចាត់វិធានការជាបន្ទាន់។

ដូហា៖ ទីប្រឹក្សារដ្ឋ និងជារដ្ឋមន្ត្រីការបរទេសចិន លោក វ៉ាង យី ថ្លែងថា ប្រទេសអាហ្វហ្គានីស្ថានកំពុងប្រឈមមុខនឹងបញ្ហាធំៗចំនួន ៤ ក្នុងនោះរួមមានវិបត្តិមនុស្សធម៌ ភាពចលាចលនៃសេដ្ឋកិច្ច ការគំរាមកំហែងភេរវកម្ម និងបញ្ហាអភិបាលកិច្ច ដោយលោក វ៉ាង បានអះអាងថា ការយកឈ្នះលើបញ្ហាប្រឈមទាំងនេះ គឺទាមទារការយល់ដឹង និងការគាំទ្របន្ថែមទៀតពីសហគមន៍អន្តរជាតិ។