ស៊ីដនី៖ មន្ត្រីអូស្ត្រាលីមានគំរោងដាក់ចេញនូវយុទ្ធនាការចាក់វ៉ាក់សាំងប្រឆាំងជំងឺកូវីដ១៩ដូសទី៣ ឬដូសជំរុញនាពេលឆាប់ៗនេះ ក្នុងគោលបំណងទប់ស្កាត់ការផ្ទុះករណីឆ្លងឡើងវិញ ខណៈប្រជាជនរស់នៅក្នុងទីក្រុងធំៗចំនួនពីរ គឺទីក្រុងស៊ីដនី និងមែលប៊ន បានចាប់ផ្តើមរីករាយនឹងសេរីភាពកាន់តែច្រើន ក្រោយការបិទខ្ទប់អស់រយៈពេលជាច្រើនខែ។

សេអ៊ូល៖ ប្រធានាធិបតីកូរ៉េខាងត្បូង លោក មូន ចែអ៊ីន ថ្លែងថា កូរ៉េខាងត្បូងនឹងចាប់ផ្ដើមត្រលប់ទៅរកជីវភាពតាមធម្មតាឡើងវិញបន្តិចៗម្ដង តាមរយៈការរៀនរស់នៅជាមួយជំងឺកូវីដ១៩នៅខែវិច្ឆិកាខាងមុខនេះ ស្របពេលដែលអត្រាចាក់វ៉ាក់សាំងរបស់ប្រទេសនេះកើនលើសពី ៧០ភាគរយហើយ។

ប៉េកាំង៖ អាជ្ញាធរចិនក្នុងតំបន់បានប្រាប់អ្នកសារព័ត៌មាននៅថ្ងៃអាទិត្យម្សិលមិញថា ទីក្រុងប៉េកាំងបានរឹតបន្តឹងការចូលមកក្នុងប្រទេសខ្លួន បន្ទាប់ពីមានរបាយការណ៍ថ្មីនៃករឆ្លងជំងឺកូវីដ១៩ក្នុងស្រុកកំពុងកើនឡើងវិញ នៅក្នុងតំបន់ផ្សេងៗនៅទូទាំងប្រទេស។