តូក្យូ៖ ទីបំផុតលោក ហ៊្វូមីអូ គីហ្ស៊ីដា បានក្លាយជានាយករដ្ឋមន្រ្តីជប៉ុនទី១០០ ជាផ្លូវការហើយនៅក្នុងថ្ងៃចន្ទដើមសប្តាហ៍នេះ បន្ទាប់ពីទទួលបានជ័យជំនះក្នុងការបោះឆ្នោតនៅសភាទាំងពីររបស់ប្រទេសជប៉ុន និងក្រោយពេលដែលលោក ស៊ូហ្គា យ៉ូស៊ីហ៊ីដេ បានសម្រេចចិត្តលាលែងចេញពីតំណែងនេះ កាលពីខែកញ្ញា។

តេហេរ៉ង់៖ រដ្ឋមន្ត្រីការបរទេសអ៊ីរ៉ង់លោក ហូសេន អាមៀអាប់ឌុលឡាហៀន បានគូសបញ្ជាក់ថា បានអំពាវនាវឱ្យសហរដ្ឋអាមេរិកឈប់បង្កលទ្រព្យសម្បត្តិ ចំនួន១០ ពាន់លានដុល្លាររបស់ទីក្រុងតេអេរ៉ង់ ដើម្បីជម្រះផ្លូវសម្រាប់ការវិលត្រឡប់ទៅរកកិច្ចព្រមព្រៀង នុយក្លេអ៊ែរជាមួយមហាអំណាចធំៗវិញ។

វ៉ាស៊ីនតោន៖ សហរដ្ឋអាមេរិកបានជំរុញឱ្យប្រទេសចិន បញ្ឈប់សកម្មភាពយោធាដែលបង្កហេតុរបស់ខ្លួននៅក្បែរកោះតៃវ៉ាន់ បន្ទាប់ពីកោះនេះបានព្រមានថា យន្តហោះយោធាចិនជិត ១០០ គ្រឿងបានហោះចូលក្នុងតំបន់ការពារដែនអាកាសរបស់ខ្លួនក្នុងរយៈពេលបីថ្ងៃមកនេះ។

សេអ៊ូល៖ ប្រព័ន្ធផ្សព្វផ្សាយរដ្ឋកូរ៉េខាងជើង KCNA បានរាយការណ៍ថា ប្រទេសខ្លួនបាននិយាយថា ខ្លួននឹងចាប់ផ្តើមស្តារឡើងវិញនូវបណ្តាញទូរស័ព្ទបន្ទាន់អន្តរកូរ៉េចាប់ផ្តើមពីថ្ងៃចន្ទដើមសប្តាហ៍នេះ ប៉ុន្តែបានជំរុញឱ្យកូរ៉េខាងត្បូងបង្កើនកិច្ចខិតខំប្រឹងប្រែង ដើម្បីធ្វើឱ្យទំនាក់ទំនងប្រសើរឡើង។

ព្យុងយ៉ាង៖ កូរ៉េខាងជើងបានចោទប្រកាន់ថា ក្រុមប្រឹក្សាសន្តិសុខអង្គការសហប្រជាជាតិប្រកាន់ (UNSC) បានប្រើឥរិយាបថ «ស្ដង់ដារពីរ» ពាក់ព័ន្ធនឹងសកម្ម ភាពយោធានៃបណ្ដារដ្ឋជាសមាជិកអង្គការសហប្រជាជាតិ។

កាប៊ុល៖ អ្នកនាំពាក្យក្រសួងមហាផ្ទៃអាហ្វហ្គានីស្ថានលោក Sayed Khosti បាននិយាយថា យ៉ាងហោចណាស់មនុស្សពីរនាក់បានស្លាប់ និង ៤ នាក់ផ្សេងទៀតរងរបួស ដោយសារការបំផ្ទុះគ្រាប់បែកនៅខាងក្រៅវិហារអ៊ីស្លាមមួយកន្លែងក្នុងទីក្រុងកាប៊ុល កាលពីថ្ងៃអាទិត្យម្សិលមិញ។