វ៉ាស៊ីនតោន៖ នាយសេនាធិការកងទ័ពចម្រុះអាមេរិក លោកឧត្ដមសេនីយ៍ ម៉ាក មីលី (Mark Milley) បានទទួលស្គាល់នៅសវនាការសួរចម្លើយរបស់គណៈកម្មាធិការសេវាអាវុធនៃព្រឹទ្ធសភាអាមេរិកថា លោកពិតជាបានបើកកិច្ចសន្ទនាតាមទូរស័ព្ទជាសម្ងាត់ជាមួយឧត្ដមសេនីយ៍ចិន លោក លី ហ្ស៊ូឆាង (Li Zuocheng) ប្រាកដមែន ប៉ុន្តែមិនបានបិទបាំងរឿងនេះចំពោះអតីតមន្ត្រីរដ្ឋបាលលោក ដូណាល់ ត្រាំ នោះទេ ហើយថែមទាំងបានទទួលការណែនាំពីក្រុមមន្ត្រីទាំងនេះ ក្នុងការបន្ធូរបន្ថយភាពតានតឹងជាមួយចិនទៀតផង។

វ៉ាស៊ីនតោន៖ រដ្ឋមន្ត្រីការពារជាតិអាមេរិក លោក ល្លយដ៍ អូស្ទីន បានថ្លែងនៅចំពោះមុខការសួរចម្លើយដោយគណៈកម្មាធិការសេវាអាវុធនៃព្រឹទ្ធសភាអាមេរិក ពាក់ព័ន្ធនឹងបរាជ័យរបស់សហរដ្ឋអាមេរិកនៅក្នុងសង្រ្គាម ២០ឆ្នាំនៅអាហ្វហ្គានីស្ថានថា ការដួលរលំភ្លាមៗនៃកងទ័ពអាហ្វហ្គានីស្ថាន បានធ្វើអោយមន្ទីរបញ្ចកោណមានការភ្ញាក់ផ្អើលជាខ្លាំង។

ប៉ារីស៖ ប្រធានាធិបតីបារាំងលោក អេម៉ានុយអែល ម៉ាក្រុង នៅថ្ងៃអង្គារនេះថ្លែងថា អឺរ៉ុបត្រូវការបញ្ឈប់ភាពឆោតល្ងង់ ពាក់ព័ន្ធនឹងការការពារផលប្រយោជន៍របស់ខ្លួន និងការកសាងសមត្ថភាពយោធាផ្ទាល់ខ្លួន ខណៈការអះអាងបែបនេះធ្វើឡើងបន្ទាប់ពីក្រិកបានបញ្ចប់កិច្ចព្រមព្រៀងទិញនាវាចម្បាំងបារាំង ដែលមានតម្លៃប្រហែល ៣ ពាន់លានអឺរ៉ូ ឬស្មើនឹង ៣.៥១ ពាន់លានដុល្លារ។

ប៉េកាំង៖ រដ្ឋមន្ត្រីការបរទេសចិន លោក វ៉ាង យី ក្នុងអំឡុងកិច្ចពិភាក្សាជាមួយសមភាគីជាន់ខ្ពស់គណៈកម្មការកិច្ចការបរទេសសហភាពអឺរ៉ុបរបស់លោក គឺលោក ចូសេប បូរ៉េល នៅថ្ងៃអង្គារសប្តាហ៍នេះបានគូសបញ្ជាក់ថា ភាពជាដៃគូថ្មីរវាងសហរដ្ឋអាមេរិក អូស្រ្តាលី និងចក្រភពអង់គ្លេស ដែលហៅកាត់ថា “AUKUS” បានបង្ហាញពី “ចិត្តគំនិតសង្គ្រាមត្រជាក់” ។

សេអ៊ូល៖ ប្រទេសកូរ៉េខាងជើងតាមរយៈសារព័ត៌មានរដ្ឋរបស់ខ្លួនបានចេញផ្សាយថា ការធ្វើតេស្តអាវុធលើកចុងក្រោយនេះ គឺជាមីស៊ីលលឿនជាងសំឡេង «ហៃភើសូនិច» (hypersonic missile) ប្រភេទថ្មី ដែលខ្លួនទើបបានអភិវឌ្ឍឡើង។

បាងកក៖ មនុស្ស ៦ នាក់បានស្លាប់នៅក្នុងគ្រោះទឹកជំនន់ដ៏អាក្រក់ ដែលកំពុងវាយលុកយ៉ាងហោច ៣០ ខេត្ត និងគំរាមកំហែងដល់អាយុជិវិតមនុស្សជាង ៧ ម៉ឺនគ្រួសារ ដែលពួកគេភាគច្រើនប្រឈមនឹងការផ្លាស់ទីលំនៅ។