រូម៖ រដ្ឋមន្ត្រីការបរទេសអ៊ីតាលីលោក លូជី ឌី ម៉ៃយ៉ូ ថ្លែងថា រដ្ឋាភិបាលតាលីបង់នៅអាហ្វហ្គានីស្ថានមិនអាចទទួលស្គាល់បានទេ ប៉ុន្តែលោកបានជំរុញឱ្យរដ្ឋាភិបាលបរទេសការពារការដួលរលំផ្នែកហិរញ្ញវត្ថុនៅទីនោះ ដែលនឹងបង្កឱ្យមានលំហូរជនអន្តោប្រវេសន៍យ៉ាងច្រើន។

ប៉េកាំង៖ ឯកអគ្គរដ្ឋទូតចិនប្រចាំប្រទេសអាហ្វហ្គានីស្ថានលោក វ៉ាង យូ បាននិយាយនៅក្នុងកិច្ចប្រជុំជាមួយលោក អាមៀ ខាន់ មុតតាគី រដ្ឋមន្ត្រីការបរទេសស្តីទីនៃរដ្ឋាភិបាលអាហ្វហ្គានីស្ថានបណ្តោះអាសន្ន នៅថ្ងៃអាទិត្យសប្តាហ៍មុន (ម៉ោងក្នុងតំបន់)ថា ការផ្តល់ជំនួយមនុស្សធម៌ដល់ប្រទេសអាហ្វហ្គានីស្ថាន គឺជារឿងអាទិភាព ហើយគួរតែត្រូវបានធ្វើឡើងដោយមិនបង្អង់យូរឡើយ។

យូអិន៖ មហាសន្និបាតអង្គការសហប្រជាជាតិ (UNGA) ដែលកំពុងប្រព្រឹត្តទៅនៅក្នុងទីក្រុងញូវយ៉ក នឹងបិទបញ្ចប់នៅថ្ងៃចន្ទសប្ដាហ៍នេះ (ម៉ោងក្នុងតំបន់) ដោយគ្មានការថ្លែងសុន្ទរកថារបស់អ្នកតំណាងរដ្ឋាភិបាលដែលកំពុងអំណាចនៅក្នុងប្រទេសអាហ្វហ្គានីស្ថាន និងមីយ៉ាន់ម៉ាឡើយ។