ព្យុងយ៉ាង៖ កូរ៉េខាងជើងបានធ្វើព្យុហយាត្រាយោធានៅពាក់កណ្តាលអធ្រាត្រឆ្លងចូលថ្ងៃព្រហស្បតិ៍នេះ ក្នុងទីក្រុងព្យុងយ៉ាង ដើម្បីប្រារព្ធខួបលើកទី ៧៣ នៃការបង្កើតប្រទេសរបស់ខ្លួន ។

ប៉េកាំង៖ ​ក្រុមប្រឹក្សា​រដ្ឋ​ និង​ជា​រដ្ឋមន្ត្រី​ការបរទេស​ចិន លោក ​វ៉ាង យី នៅ​ថ្ងៃ​ពុធសប្តាហ៍នេះថ្លែងថា អា​ហ្វ​ហ្គានី​ស្ថាន​ពេលនេះ ​កំពុង​ឈរ​នៅ​ផ្លូវបំបែក​នៃ​ប្រវត្តិសាស្ត្រ ហើយបានអំពាវនាវអោយប្រទេសជិតខាងអាហ្វហ្គានីស្ថាន បង្កើនឥទ្ធិពលវិជ្ជមានបន្ថែមទៀតលើការវិវឌ្ឍន៍សភាពការណ៍ក្នុងតំបន់។

បរទេស៖ សហគមន៍អន្តរជាតិ​បាន​ស្វាគមន៍​ការបង្កើត​រដ្ឋាភិបាល​ថ្មី​នៅ​អា​ហ្វ​ហ្គានី​ស្ថាន​ដោយ​ការប្រុងប្រយ័ត្ន និង​ការ​អាក់អន់ចិត្ត​ នៅ​ថ្ងៃ​ពុធសប្តាហ៍នេះ ​បន្ទាប់ពី​ក្រុម​តា​លី​បង់​បានតែងតាំង​អតីតយុទ្ធជន​ក្បាលរឹង​ឡើងកាន់​តំណែង​កំពូល ​រួម​ទាំង​មនុស្ស​ជាច្រើន​ដែល​អាមេរិក​ធ្លាប់​ដាក់​តម្លៃ​ក្បាល​សម្រាប់​ការចាប់ខ្លួន​។​

វ៉ាស៊ីនតោន៖ សហរដ្ឋអាមេរិក និងសម្ព័ន្ធមិត្ត ព្រមទាំងដៃគូរបស់ខ្លួនបានបញ្ជាក់ពីកិច្ចខិតខំប្រឹងប្រែងរួមគ្នា ដើម្បីធានាសេរីភាពក្នុងការធ្វើដំណើរ និងការការពារសិទ្ធិស្ត្រីនៅក្នុងប្រទេសអាហ្វហ្គានីស្ថានដែលគ្រប់គ្រងដោយតាលីបង់។

វ៉ាស៊ីនតោន៖ សេតវិមាន នៅថ្ងៃពុធសប្តាហ៍នេះបញ្ជាក់ថា ខ្លួនបានស្នើសុំឱ្យអតីតមន្រ្តីនៃរដ្ឋបាលលោក ដូណាល់ ត្រាំ ចំនួន១៨នាក់លាលែងពីក្រុមប្រឹក្សាបណ្តុះបណ្តាលយោធា ដោយនិយាយថា លោកប្រធានាធិបតី ចូ បៃដិន នឹងតម្រូវឱ្យមន្រ្តីបែបនេះត្រូវ “ស្របតាមគុណតម្លៃនៃរដ្ឋបាលនេះ”។

ប៊ែរឡាំង៖ រដ្ឋមន្ត្រីការបរទេសអាមេរិក លោក Antony Blinken បានអំពាវនាវសាជាថ្មីដល់ក្រុមតាលីបង់អនុញ្ញាតឱ្យយន្ដហោះដឹកពលរដ្ឋអាមេរិក និងប្រជាជនអាហ្វហ្គានីស្ថានងាយរងគ្រោះមួយចំនួនចាកចេញពីដោយសុវត្ថិភាព។

ប៊្រុចសែល៖ សហភាពអឺរ៉ុបបានសម្តែងការមិនពេញចិត្ត នៅថ្ងៃពុធសប្តាហ៍នេះនៃរដ្ឋាភិបាលបណ្តោះអាសន្នរបស់តាលីបង់នៅក្នុងប្រទេសអាហ្វហ្គានីស្ថានបន្ទាប់ពីក្រុមសកម្មប្រយុទ្ធអ៊ីស្លាមបានដាក់ឈ្មោះមេដឹកនាំជាច្រើន ដោយនិយាយថា ពួកគេមិនបានរក្សាការសន្យា ក្នុងនោះរួមមានការគោរពសិទ្ធិស្ត្រី និងក្រុមសាសនាដទៃទៀតទេ។

ប៉េកាំង៖ ទីក្រុងប៉េកាំងនៅថ្ងៃពុធសប្តាហ៍នេះបញ្ជាក់ថា ខ្លួនស្វាគមន៍ការបញ្ចប់នៃ “ភាពអនាធិបតេយ្យបីសប្តាហ៍” នៅអាហ្វហ្គានីស្ថាន ជាមួយនឹងការបង្កើតរដ្ឋាភិបាលបណ្តោះអាសន្នថ្មីមួយនៅទីក្រុងកាប៊ុល ដោយអំពាវនាវអោយតាលីបង់ស្តារសណ្តាប់ធ្នាប់នៅក្នុងប្រទេសឡើងវិញ។