ព្រៃវែង៖ អនុប្រធានសហភាពសហព័ន្ធយុវជនកម្ពុជា(ស.ស.យ.ក) ទទួលបន្ទុកបីខេត្ត បានស្នើដល់សមាជិក ស.ស.យ.ក ខេត្តព្រៃវែង បង្កើនកិច្ចសហការជាមួយមន្ទីរអប់រំខេត្តដើម្បីបើកវគ្គបំប៉នវិជ្ជាសំខាន់ៗ ដល់សិស្សថ្នាក់ទី១២ ត្រៀមប្រឡងសញ្ញាបត្រមធ្យមសិក្សាទុតិយភូមិ ។

ភ្នំពេញ៖ លោកជំទាវកិត្តិសង្គហបណ្ឌិត ឃួន សុដារី អនុប្រធានកាកបាទក្រហមកម្ពុជា តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី១៥ ខែកក្កដា ឆ្នាំ២០២២នេះបានអញ្ជើញដឹកនាំគណៈប្រតិភូចូលរួមគោរពវិញ្ញាណក្ខន្ធ ឯកឧត្ដម អ៊ឹង គៀត ឧត្តមប្រឹក្សាផ្ទាល់ព្រះមហាក្សត្រ ដែលបាន ទទួលមរណភាពកាលពីវេលាម៉ោង ១១:៥០ ថ្ងៃពុធ ១៥កើត ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី ១៣ ខែកក្កដា ឆ្នាំ២០២២ ក្នុងជន្មាយុ ៩៨ឆ្នាំ ដោយជរាពាធ។

ភ្នំពេញ៖ នៅព្រឹកថ្ងៃទី១៥ ខែកក្កដា ឆ្នាំ២០២២ លោក ម៉ូវ ម៉ានិត អភិបាលខណ្ឌសែនសុខ និងលោក ឃឹម រ័ត្ន ចៅសង្កាត់អូរបែកក្អម បានអញ្ជើញចូលរួមជាមួយឯកឧត្ដម លឹម ស៊ីដេនីន រដ្ឋលេខាធិការក្រសួងសាធារណការ និងដឹកជញ្ជូន លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូន រាជធានីភ្នំពេញ ចុះពិនិត្យទីតាំងប្រព័ន្ធលូរំដោះទឹកចាប់ពីផ្លូវ១០១៩ (ភ្នំពេញ-ហាណូយ ) ដល់ផ្លូវ២០០៤ ណតប្រ៊ីត។

ខេត្តកែប៖ តាមរយៈកម្មវិធី បណ្តុះបណ្តាលការអភិវឌ្ឍន៍សេដ្ឋកិច្ចមូលដ្ឋាន ដើម្បីចីរភាពនៅកម្ពុជា របស់អង្គការ អេដ អេ អាក់ស្យុង ដែលហៅកាត់ថា AEA ក្រោមការគាំទ្ររបស់សហភាពអឺរ៉ុប កម្មវិធី អប់រំកុមារ (AEC) នៃមូលនិធិអប់រំទាំងអស់គ្នា និងស្ថាប័នដៃគូជាច្រើនទៀត បានបើកវគ្គបណ្តុះបណ្តាល ដល់សិក្ខាកាមដែល ជាអាជ្ញាធរមូលដ្ឋាន ក្រុមប្រឹក្សាក្រុង-ស្រុក ឃុំ-សង្កាត់ នាយកសាលាបឋមសិក្សាទូទាំងខេត្តកែបផងដែរ ។

ភ្នំពេញ៖ នៅថ្ងៃទី១៥ខែកក្កដាឆ្នាំ២០២២នេះ ឯកឧត្តម ឃួង ស្រេង និងលោកជំទាវបាននាំទៀនព្រះវស្សា ព្រមទាំងទេយ្យ និងគ្រឿង ឧបភោគ បរិភោគប្រគេនដល់វត្តទូទាំងរាជធានីភ្នំពេញទាង១៥១វត្ត។ពិធីបានប្រព្រឹត្តិទៅជាតំណាងនៅវត្តចាន់បុរីវង្ស។ វត្តនីមួយៗទទួលបានទៀនព្រះវស្សា,អង្ករ,សាដក់,ស្ករស,ទឹកដោះគោ,ទឹកក្រូច,ទឹកសុទ្ធ,មី ,ត្រីខ និងបច្ច័យមួយចំនួន។

ខេត្តកណ្តាល៖ នៅព្រឹកថ្ងៃទី១៥ ខែកក្កដា ឆ្នាំ២០២២ នៅទីបញ្ជាការតំបន់ប្រតិបត្តិការសឹករងកណ្តាល បានរៀបចំពិធីចុះហត្ថលេខាផ្ទេរប្រគល់ និងធ្វើមាតុភូមិនិវត្តអដ្ឋិធាតុកងទ័ពស្ម័គ្រចិត្ត និងជំនាញការវៀតណាម ដែលបានរុករកឃើញ ជីកលើកបាននៅក្នុងភូមិសាស្ត្រ

ភ្នំពេញ៖ ការធ្វើវិសោធនកម្មរដ្ឋធម្មនុញ្ញលើកទី១០គឺ ដើម្បីបំពេញចន្លោះខ្វះខាតរដ្ឋធម្មនុញ្ញហើយអ្វីដែលសំខាន់នោះគឺបំពេញបន្ថែមចំពោះរដ្ឋធម្មនុញ្ញឆ្នាំ១៩៩៣ និងដើម្បីការពារ ឧត្តមប្រយោជន៍របស់ជាតិ។ នេះជាការបញ្ជាក់ពីរបស់រដ្ឋមន្រ្តីក្រសួងយុត្តិធម៌ ឯកឧត្តម កើត រិទ្ធ។

ខេត្តកំពង់ធំ៖ ដោយអនុវត្តតាមបទបញ្ជារបស់ ឯកឧត្តមឧត្តមសេនីយ៍ឯក ពៅ ហេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៤ នៅរសៀលថ្ងៃទី១៤ ខែកក្កដា ឆ្នាំ២០២២ ឧត្តមសេនីយ៍ទោ សោម ស៊ុន មេបញ្ជាការ តំបន់ប្រតិបត្តិការសឹករងកំពង់ធំ បានដឹកនាំសហការី ទៅត្រួតពិនិត្យនិងប្រគល់ភារកិច្ចសំខាន់ៗមួយចំនួន ជូនដល់កង កម្លាំងអន្តរាគមន៍នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដើម្បីត្រៀមខ្លួនជួយសង្គ្រោះប្រជាពលរដ្ឋក្នុងគ្រោះ មហន្តរាយផ្សេងៗ ពិសេសគ្រោះទឹកជំនន់ដែលកើតមានឡើងក្នុងភូមិសាស្រ្តខេត្តកំពង់ធំ ដែលពិធីនេះប្រព្រឹត្តទៅនៅទីបញ្ជាការកងវិរៈសេនាតូចលេខ ១ ស្ថិតនៅភូមិតាឡែកថ្មី ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ។

យោងតាមប្រសាសន៍ណែនាំ របស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា នៅក្នុងពិធីបិទ សន្និបាតបូកសរុបការងារទេសចរណ៍ ផែនការស្តារ និងលើកស្ទួយវិស័យទេសចរណ៍កម្ពុជា ក្នុង និងក្រោយវិបត្តិជំងឺកូវីដ-១៩ នាថ្ងៃទី១៤ ខែកក្កដា ឆ្នាំ២០២២ និងដើម្បីពង្រឹងគុណភាព និងវិសាលភាពសេវាទូរគមនាគមន៍ សម្រាប់ភ្ញៀវទេសចរណ៍ជាតិ និងអន្តរជាតិ ក្រសួងប្រៃសណីយ៍ និងទូរគមនាគមន៍ នឹងសាងសង់ស្ថានីយអង់តែន ចំនួន១០០ ដោយប្រើប្រាស់ថវិការបស់មូលនិធិកាតព្វកិច្ចសេវាសកល ព្រមទាំងសហការជាមួយក្រសួងទេសចរណ៍ ក្រសួងបរិស្ថាន ស្ថាប័នពាក់ព័ន្ធ និងប្រតិបត្តិករទូរសព្ទចល័ត ដើម្បីពង្រឹងគុណភាពសេវាដល់គោលដៅទេសចរណ៍អាទិភាព និងតំបន់ទេសចរណ៍ដាច់ស្រយាល។ នេះបើតាមសេចក្ដីប្រកាសព័ត៌មាន របស់ក្រសួងប្រៃសណីយ៍ និងទូរគមនាគមន៍ នៅថ្ងៃទី១៤ ខែកក្កដា ឆ្នាំ២០២២។

ឯកឧត្តម ឧបនាយករដ្ឋមន្រ្តី ហោ ណាំហុង សហប្រធាននៃគណៈកម្មាធិការសម្របសម្រួលអន្តររដ្ឋាភិបាលកម្ពុជា-ចិន បានស្នើឱ្យវិនិយោគិនចិនមកវិនិយោគបន្ថែមនៅកម្ពុជា ក្នុងវិស័យអាទិភាពទាក់ទងវិស័យចិញ្ចឹមសត្វ វារីវប្បកម្ម កៅស៊ូ សម្រាប់នាំទៅប្រទេសចិន និងដើម្បីពង្រីកទំហំពាណិជ្ជកម្មរវាងប្រទេសទាំងពីរ ។