ភ្នំពេញ៖ រដ្ឋមន្រ្តីការបរទេសសិង្ហបុរី ថ្លែងថា អ្នកវិនិយោគសិង្ហបុរី មានចំណាប់អារម្មណ៍មកវិនិយោគនៅកម្ពុជា ក្នុងពេលដែលកម្ពុជា ទប់ស្កាត់ជំងឺកូវីដ១៩បានល្អ និងបានបើកដំណើរការ ប្រទេស ឡើងវិញ ។

ខេត្តកំពង់ចាម៖ ឯកឧត្ដម អ៊ុន ចាន់ដា អអភិបាលនៃគណៈអភិបាលខេត្តកំពង់ចាម អមដោយថ្នាក់ដឹកនាំ មន្ត្រីរាជការសាលាខេត្ត មន្ទីរ អង្គភាពជុំវិញខេត្ត និងអាជ្ញាធរពាក់ព័ន្ធ បានអញ្ជេីញជួបសំណេះសំណាលជាមួយគណៈកម្មការផលិតរឿងភាគ “កូនប្រុសក្រោមពន្លឺព្រះចន្ទពេញបូណ៌មី” ស្ថិតនៅក្នុងបរិវេណវត្តកោះគល់ ឃុំកោះរការ ស្រុកកំពង់សៀម ខេត្តកំពង់ចាម និងបានផ្ដល់ថវិកាឧបត្ថម្ភ ចំនួន ៤០លានរៀលផងដែរ ។

រដ្ឋមន្រ្តីការបរទេស នៃសាធារណរដ្ឋប្រជាធិបតេយ្យប្រជាមានិតឡាវ បានថ្លែងថា រដ្ឋាភិបាលឡាវ គាំទ្រកម្ពុជា ជាប្រធានអាស៊ាន ជាពិសេសដំណើរទស្សនកិច្ចរបស់សម្ដេចតេជោ ទៅកាន់ប្រទេសមីយ៉ាន់ម៉ា ដើម្បីស្វែងរកសាមគ្គីភាពអាស៊ាន ។ ឯកឧត្តម សាលើមសៃ គុំម៉ាស៊ីត រដ្ឋមន្រ្តីការបរទេស នៃសាធារណរដ្ឋប្រជាធិបតេយ្យប្រជាមានិតឡាវ បានថ្លែងដូចនេះ នៅក្នុងឱកាសចូលជួបសម្ដែងការគួរសមចំពោះសម្ដេចអគ្គមហាសេនាបតីតេជោ ហ៊ុន សែន នាយរដ្ឋមន្ត្រី នៃព្រះរាជាណាចក្រកម្ពុជា នារសៀលលថ្ងៃទី១៦ ខែកុម្ភៈ ឆ្នាំ២០២២ នៅវិមានសន្តិភាព ។

បាត់ដំបង៖ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានមានប្រសាសន៍ថា អាជ្ញាធរ ឬក្រុមប្រឹក្សាឃុំ មានតួនាទីជួយដោះស្រាយបញ្ហាប្រឈម និងការលំបាកផ្សេងៗ ព្រមទាំងសេចក្តីត្រូវការរបស់ប្រជាពលរដ្ឋ ។ សម្ដេចក្រឡាហោម ស ខេង បានបញ្ជាក់បែបនេះ នៅក្នុងឱកាសដឹកនាំគណៈប្រតិភូជាន់ខ្ពស់ស្ថានទូត អាល្លឺម៉ង់ ស្ថានទូតអូស្ត្រាលី និងតំណាងទីស្នាក់ការអភិវឌ្ឍន៍ស្វីស ប្រចាំនៅកម្ពុជា ធ្វើទស្សនកិច្ចពិនិត្យមើលវឌ្ឍនភាពការងារ ពាក់ព័ន្ធនឹងកំណែទម្រង់វិមជ្ឈការ និងវិសហមជ្ឈការ នៅខេត្តបាត់ដំបង នាព្រឹកថ្ងៃ១៦ ខែកុម្ភៈ ឆ្នាំ២០២២ ។

ភ្នំពេញ៖ កម្លាំងនគរបាលនាយកដ្ឋាននគរបាលព្រហ្មទណ្ឌ នៃក្រសួងមហាផ្ទៃ បានចុះឃាត់ខ្លួនស្រ្តីអ្នកលក់ផលិតផលអនឡាញម្នាក់ នៅចំណុចសង្កាត់ស្រះចក ខណ្ឌដូនពេញ រាជធានីភ្នំពេញបង្ករឲ្យមានការភ្ញាក់ផ្អើល នៅរសៀលថ្ងៃទី១៦ ខែកុម្ភៈ ឆ្នាំ២០២២ ។

ភ្នំពេញ៖ ឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានបញ្ជាក់ប្រាប់បណ្តាញអប្សរាព័ត៌មាន (AMG) ឱ្យដឹងថា នៅថ្ងៃទី១៦ ខែកុម្ភៈ ឆ្នាំ២០២២ នគរបាលចរាចរណ៍ទូទាំងប្រទេស បានត្រួតពិនិត្យ និងផាកពិន័យយានយន្តសរុបចំនួន ៤៧០គ្រឿង ក្នុងនោះមានម៉ូតូ ៣៦៦គ្រឿង និងរថយន្ត ១០៤គ្រឿង។

កំពង់ធំ៖ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ថ្លែងថា បទវិន័យច្បាប់ស្ដីពីលក្ខន្តិកៈទូទៅ របស់កងយោធពល ខេមរៈភូមិន្ទ និងសេចក្ដីណែនាំលេខ០០៣ សណន របស់ក្រសួងការពារជាតិ យោធិនគ្រប់រូបត្រូវអនុវត្តជាកាតព្វកិច្ចមិនអាចខានបាន និងត្រូវអនុវត្តឲ្យបានម៉ឺងម៉ាត់ តាមបទបញ្ជារបស់ថ្នាក់លើតាមឋានានុក្រម ដែលយោធិនម្នាក់ៗត្រូវគោរពនិងអនុវត្ត ។ យោធិនម្នាក់ៗត្រូវប្ដេជ្ញាចិត្តដាច់ខាត ក្នុងកិច្ចការពារជាតិ សាសនា ព្រះមហាក្សត្រ និងការពារបូរណភាពទឹកដី សហការជាមួយអាជ្ញាធរដែនដី កងកម្លាំងប្រដាប់អាវុធទាំងបីប្រភេទ ដើម្បីរក្សាសន្តិសុខ សណ្ដាប់ធ្នាប់សង្គមនៅក្នុងមូលដ្ឋានឲ្យបានល្អប្រសើរ ។

ខេត្តព្រះសីហនុ ៖ នៅថ្ងៃទី១៦ ខែកុម្ភៈ ឆ្នាំ២០២២ ឯកឧត្តម សាយ សំអាល់ រដ្ឋមន្ត្រីក្រសួង បរិស្ថាន និងជាប្រធានក្រុមការងាររាជរដ្ឋាភិបាលចុះជួយខេត្តព្រះសីហនុ និងឯកឧត្តម គួច ចំរើន អភិបាលខេត្តព្រះសីហនុ ជួបសំណេះសំណាល និងផ្តល់រង្វាន់លើកទឹកចិត្តដល់សិស្សនៅខេត្តព្រះសីហនុ ដែលបានប្រឡងជាប់និទ្ទេស A. B. C សម្រាប់ឆ្នាំសិក្សា២០២០.២០២១កន្លងទៅនេះ ។