ភ្នំពេញ៖ អភិបាលនៃគណៈអភិបាលរាជធានីភ្នំពេញ លោកឃួង ស្រេង បានជំរុញឲ្យចៅសង្កាត់និងស្មៀនធ្វើយ៉ាងណាបម្រើសេវាសាធារណៈនិងសេវាផ្សេងៗទៀត ជូនបងប្អូនប្រជាពលរដ្ឋនៅក្នុងមូលដ្ឋានរបស់ខ្លួនឲ្យបានល្អប្រសើរ ។ ការជំរុញបែបនេះរបស់លោកឃួង ស្រេង អភិបាលរាជធានីភ្នំពេញបានធ្វើឡើង ក្នុងពិធីសំណេះសំណាលជាមួយលោក ចៅសង្កាត់ និងស្មៀនសង្កាត់ទាំងអស់នៅក្នុងរាជធានីភ្នំពេញនាព្រឹកថ្ងៃទី០៦ខែមករាឆ្នាំ២០២២នេះនៅសាលារាជធានីភ្នំពេញ។

ភ្នំពេញ៖ សមាគមផលិតស្បែកជើង និងផលិតផលិតផលធ្វើដំណើរ នាព្រឹកថ្ងៃទី៦ ខែមករា ឆ្នាំ២០២២ ដឹកនាំដោយ លោកឧកញ៉ា លី ឃុនថៃ ប្រធានកិត្តិយស និងលោក លឹម តុង ប្រធានសមាគមក្នុងអណត្តិ បានដឹកនាំគណៈប្រតិភូរបស់សមាគមចូលជួបសម្តែងការគួរសម ណែនាំខ្លួន និងស្នើសុំការគាំទ្រពីក្រសួង ព្រមទាំងអនុសាសន៍ណែនាំដ៏ខ្ពង់ខ្ពស់ របស់ឯកឧត្តមបណ្ឌិតរដ្ឋមន្រ្តី ពាក់ព័ន្ធនឹងដំណើរការសកម្មភាពការងាររបស់ សមាគមផលិតស្បែកជើង និងផលិតផលិតផលធ្វើដំណើរ នៅទីស្តីការក្រសួងការងារ។

ខេត្តកណ្តាល៖ ថ្ងៃជ័យជំនះ ០៧មករា ឆ្នាំ១៩៧៩ គឺជាថ្ងៃដែលប្រជាជន បានរួចរំដោះផុតពីរបបប្រល័យពូជសាសន៍ខ្មែរក្រហម(ប៉ុលពត) ដែលធ្វើឱ្យកម្ពុជាយើង មានការអភិវឌ្ឍន៍ និងរីកចំរើនលើគ្រប់វិស័យ ក្រោមការដឹកនាំដ៏ ឈ្លាសវៃ និងប៉ិនប្រសប់ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាណាចក្រកម្ពុជា។

រាជធានីភ្នំពេញ÷ ក្រសួងអប់រំ យុវជន និងកីឡា បានរៀបចំចុះកិច្ចព្រមព្រៀង រវាងអង្គការភ្លេនអន្តរជាតិ និងក្រុមហ៊ុនព្រិនស៏គ្រុប ស្តីពីកិច្ចសហប្រតិបត្តិការវិស័យអប់រំ ក្នុងការថែរក្សាអនាម័យដល់សិស្សានុសិស្ស និងយុវជន នៅក្នុងបរិបទកូវីដ-១៩ ដោយបានឧបត្ថម្ភនូវម៉ាស៊ីនវាស់កម្តៅ ស្វ័យប្រវត្តិចំនួន៩៩០គ្រឿង និងធុងលាងសម្អាត ដៃចំនួន១៩៨គ្រឿង ដល់គ្រឹះស្ថានសិក្សាសាធារណៈទាំង៩៩នៅក្នុងខេត្តព្រះសីហនុ ដោយមួយសាលាទទួលបាននូវម៉ាស៊ីនវាស់កម្តៅស្វ័យប្រវត្តិចំនួន១០គ្រឿង និងធុងលាងដៃហាស់ដឺអូកែច្នៃចំនួន២គ្រឿង។

ត្បូងឃ្មុំ ៖ ឯកឧត្តម អ៊ាង សុផល្លែត រដ្ឋលេខាធិការក្រសួងបរិស្ថាន បានជម្រុញលើកទឹកចិត្តដល់មន្ទីរបរិស្ថានខេត្តត្បូងឃ្មុំ ខិតខំរៀបចំកែលម្អសោភណ្ឌភាព សណ្តាប់ធ្នាប់ និងដាំដើមឈើបន្ថែមក្នុងដែនសមត្ថកិច្ចរបស់ខ្លួន ។ នេះជាប្រសាសន៍លើកឡើងក្នុងពេលឯកឧត្តមអញ្ជើញជាអធិបតី ក្នុងកិច្ចប្រជុំពិនិត្យវឌ្ឍនភាពការងារបរិស្ថានខេត្តត្បូងឃ្មុំឆ្នាំ២០២១ និងលើកទិសដៅអនុវត្តបន្តឆ្នាំ២០២២ នារសៀលថ្ងៃទី៥ ខែមករា ឆ្នាំ២០២២ នៅសាលាខេត្តត្បូងឃ្មុំ ។

ព្រឹទ្ធសភា នៃព្រះរាជាណាចក្រកម្ពុជា បានបើកសម័យប្រជុំលើកទី៨ព្រឹទ្ធសភា នីតិកាលទី៤ ក្រោមអធិបតីភាពដ៏ខ្ពង់ខ្ពស់របស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា នាព្រឹកថ្ងៃព្រហស្បតិ៍ ទី០៦ ខែមករា ឆ្នាំ២០២។ សមាជិកព្រឹទ្ធសភាមានវត្តមានចំនួន ៥៨រូប។

ក្រុមហ៊ុន ព្រីនស៍ ហូលឌីង គ្រុប ដែលជាពហុក្រុមហ៊ុនមួយក្នុងចំណោមពហុក្រុមហ៊ុនដែលធំជាងគេ និងរីកចម្រើនបំផុតនៅក្នុងប្រទេសកម្ពុជា នាថ្ងៃទី០៦ ខែមករា ឆ្នាំ២០២២ បានចុះហត្ថលេខាលើអនុស្សរណៈនៃការយោគយល់គ្នាជាមួយនឹងអង្គការភ្លែនអន្តរជាតិកម្ពុជា ដែលជាអង្គការអភិវឌ្ឍនិងមនុស្សធម៌មួយដែលចូលរួមលើកកម្ពស់សិទ្ធិកុមារ និងសមភាពក្មេងស្រី ។

នៅសាលប្រជុំនាយកដ្ឋានសុចរិតភាព និងអភិបាលកិច្ច ឯកឧត្តម ឧត្តមសេនីយ៍ឯក ងួន ស្រេង អគ្គនាយកនៃអគ្គនាយកដ្ឋានសវនកម្មផ្ទៃក្នុង បានអញ្ជេីញជាអធិបតីក្នុងកិច្ចប្រជុំប្រកាសបេក្ខជនទទួលបានជ័យលាភីចូលក្របខ័ណ្ឌ មន្រ្តីនគរបាលជាតិ និងមន្រ្តីរាជការសុីវិលក្នុងអគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ។ កិច្ចប្រជុំនេះមានការអញ្ជេីញចូលរួមពី ឯកឧត្តម លោកជំទាវ អគ្គនាយករង លោកប្រធាននាយកដ្ឋាន និងមន្រ្តីជំនាញពាក់ព័ន្ធ នៅថ្ងៃ ទី៥ខែមករា ឆ្នាំ២០២២ ។