ភ្នំពេញ ៖ មានយានយន្តសរុបចំនួន ៦២០គ្រឿងទៀត ត្រូវបាននគរបាលទូទាំងប្រទេសត្រួតពិនិត្យ និងផាកពិន័យ នៅថ្ងៃទី២៤ ខែតុលា ឆ្នាំ២០២១នេះ ក្នុងនោះមានម៉ូតូ ៤៧២គ្រឿង និងរថយន្ត ១៤៨គ្រឿង។ នេះបើតាមឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ ។ បើតាមអ្នកនាំពាក្យ, គិតថ្ងៃទី០១ ខែមករា ដល់ថ្ងៃទី២៤ ខែតុលា ក្នុងឆ្នាំ២០២១នេះ នគរបាលចរាចរណ៍ទូទាំងប្រទេសបានត្រួតពិនិត្យ និងផាកពិន័យយានយន្តសរុបចំនួន ១៧៨,៧២៤គ្រឿង ក្នុងនោះមានម៉ូតូ ១៣៤,៧២៩គ្រឿង និងរថយន្តគ្រប់ប្រភេទ ៤៣,៩៩៥គ្រឿង។បទល្មើសដែលត្រូវបានកត់សម្គាល់សម្រាប់ម៉ូតូ គឺភាគច្រើនអត់មួក ល្មើសសញ្ញា អត់ស្លាកលេខ បត់ជែង និងទូរស័ព្ទជាដើម។ ដោយឡែករថយន្តល្មើសល្បឿន ល្មើសសញ្ញា អត់ប័ណ្ណបើកបរ អត់ស្លាកលេខ បត់ជែង លើសចំណុះ ទូរស័ព្ទ អត់ខ្សែក្រវាត់ ឆៀក អាជីវកម្មជាដើម។ ឧត្តមសេនីយ៍ឯក ឆាយ គឹមខឿន បានបន្តថា ការអនុវត្តតាមអនុក្រឹត្យលេខ៣៩ ក្នុងការផាកពិន័យយានយន្តល្មើសបានដំណើរការទៅយ៉ាងល្អប្រសើរ។ ឯកឧត្តម បានថ្លែងអំណរគុណ…

ការកកស្ទះសម្រាមនៅក្រុងព្រះសីហនុ ត្រូវបានគេមើលឃើញថា នៅតែកើតមាន និងមិនទាន់បានដោះស្រាយបានទាំងស្រុងនៅឡើយ ខណៈអាជ្ញាធរក្រុងព្រះសីហនុ នៅតែបន្តខិតខំចលនាប្រជាជនអោយចូលរួមវិចខ្ចប់ទុកដាក់អោយបានត្រឹមត្រូវ និងជម្រុញក្រុមហ៊ុនប្រមូលសម្រាមបង្កើនការងារប្រមូលអោយបានល្អបន្ថែមទៀត ។   នៅតាមទីកន្លែងដីទំនេរ និងតាមផ្លូវក៏មានខ្លះដែរត្រូវបានគេយកសម្រាមមកគរទុកចោលដោយគ្មានកាទទួលខុសត្រូវរកម្ចាស់មិនឃើញ។ ក្រុមហ៊ុនប្រមូលសម្រាមក៏មានលំបាកដែរក្នុងការមកប្រមូលដោយសារតែភាពរាយប៉ាយគ្មានការវិចខ្ចប់ត្រឹមត្រូវ។ ទោះជាបែបនេះក្តីស្ថានភាពនៃការប្រមូលម្រាមនាពេលបច្ចុប្បន្ននេះគេមើលឃើញថា មានភាពល្អប្រសើរជាងមុនបន្តិចផងដែរ។ ចំពោះមុខនេះ អាជ្ញាធរក្រុងព្រះសីហនុ និងក្រុមហ៊ុនប្រមូលដឹកជញ្ជូនសំរាម(KSWM) បានប្តូរយុទ្ធសាស្ត្រគ្រប់គ្រងសំណល់រឹងដោយបានសាកល្បងកំណត់ពេលវេលាជាក់លាក់ក្នុងការបញ្ចេញ និងប្រមូលដឹកចេញពីទីក្រុ ងដែលកន្លងមកធ្វើនៅ ពេលថ្ងៃ តែពេលនេះប្តូរទៅធ្វើនៅពេលយប់វិញ។ កាលពីថ្ងៃទី២៣ ខែតុលា ឆ្នាំ២០២១ អាជ្ញាធរបានបើកយុទ្ធនាការផ្សព្វផ្សាយប័ណ្ណពត៌មាន ស្តីពីការបញ្ចេញនិងប្រមូលសំរាមនៅតាមផ្លូវចំនួន៤៧ខ្សែ ក្នុងក្រុងព្រះសីហនុ ដើម្បីអោយប្រជាជនបានយល់ដឹងនិងចូលរួមអនុវត្តសំដៅដោះស្រាយបញ្ហាគ្រប់គ្រងសំរាមនៅក្នុងក្រុងព្រះសីហនុ អោយបានល្អប្រសើរ។ យោងតាមផែនការដែលបានផ្សព្វផ្សាយជំហានដំបូងនេះ អាជ្ញាធរ និងក្រុមហ៊ុនប្រមូលសម្រាម បានចាប់ផ្តើមអនុវត្តចំពោះលំនៅដ្ឋាននៅតាមដងផ្លូវអាទិភាពចំនួន៤៧ខ្សែផ្លូវ នៅក្នុងក្រុងព្រះសីហនុ។ សំរាមត្រូវបញ្ចេញតាមពេលវេលាកំណត់ចាប់ពីម៉ោង ៧:០០យប់ បន្ទាប់មកក្រុមហ៊ុនត្រូវធ្វើការប្រមូលសំរាមចាប់ពីម៉ោង ៣ភ្លឺ នឹងបញ្ចប់នៅម៉ោង១០ព្រឹក។ ខ្សែផ្លូវក្នុងតំបន់គោលដៅត្រូវបានកំណត់ប្រភេទពណ៌ ក្រហមនិងពណ៌ខៀវ។ ផ្លូវចំនួន ២៧ខ្សែ មានប័ណ្ណសម្គាល់ពណ៌ក្រហម តម្រូវអោយប្រជាពលរដ្ឋបញ្ចេញសំរាមចាប់ពីម៉ោង ៧យប់ ដល់ម៉ោង៣ភ្លឺ ហើយក្រុមហ៊ុនត្រូវទៅប្រមូល និងដឹកជញ្ជូនសំរាមចាប់ពីម៉ោង ៣ភ្លឺ ដល់ម៉ោង ៨ព្រឹក។ ផ្លូវចំនួន២០ខ្សែទៀត មានប័ណ្ណសម្គាល់ពណ៌ខៀវ តម្រូវអោយប្រជាពលរដ្ឋបញ្ចេញសំរាមចាប់ពីម៉ោង…

នៅព្រឹកថ្ងៃចន្ទ ទី២៥ ខែតុលា ឆ្នាំ២០២១នេះ រដ្ឋសភា នឹងបន្តសម័យប្រជុំ ដើម្បីពិភាក្សា និងអនុម័តលើរបៀបវារៈចំនួន៤ ក្នុងនោះក៏មានវិសោធនកម្មរដ្ឋធម្មនុញ្ញទាក់ទងនឹងការកំណត់សញ្ជាតិខ្មែរតែមួយ សម្រាប់នាយករដ្ឋមន្រ្តី ប្រធានរដ្ឋសភា ប្រធានព្រឹទ្ធសភា និងប្រធានក្រុមប្រឹក្សាធម្មនុញ្ញផងដែរ។ កិច្ចប្រជុំនេះ នឹងធ្វើឡើងក្រោមអធិបតីភាព សម្តេចអគ្គមហាពញាចក្រី ហេង សំរិន ប្រធានរដ្ឋសភា ដោយមានការចូលរួមដោយសមាជិកនានារបស់រដ្ឋសភា។ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ដែលជាអ្នកផ្តួចផ្តើមបង្កើតច្បាប់នេះ និងតំណាងក្រសួងពាក់ព័ន្ធ ក៏នឹងចូលរួមកិច្ចប្រជុំផងដែរ។ របៀបវារៈចំនួន៤ ដែលនឹងពិភាក្សា និងអនុម័តមានក្នុងសម័យប្រជុំនេះមានដូចជា៖ ១៖ ការបោះឆ្នោតផ្តល់សេចក្តីទុកចិត្តលើការបំពេញបន្ថែមសមាសភាពសមាជិកនៃរាជរដ្ឋាភិបាលដល់ឯកឧត្តម ប៉ា សុជាតិវង្ស ជាទេសរដ្ឋមន្រ្តីទទួលបន្ទុកបេសកកម្មពិសេស។ ២៖ ពិភាក្សានិងអនុម័តសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងបន្ថែមទៅលើកិច្ចព្រមព្រៀងរវាងរាជរដ្ឋាភិបាលកម្ពុជា និងអង្គការសហប្រជាជាតិ ទាក់ទងទៅនឹងការកាត់សេចក្តីនៅក្រោមច្បាប់កម្ពុជានូវឧក្រិដ្ឋកម្ម ដែលប្រព្រឹត្តឡើងនៅក្នុងរយៈកាល នៃកម្ពុជាប្រជាធិបតេយ្យ ស្តីពីការរៀបចំក្នុងពេលអន្តរកាល និងការបញ្ចប់ ការងាររបស់អង្គជំនុំជម្រះវិសាមញ្ញ។ ៣៖ ពិភាក្សានិងអនុម័ត សេចក្តីព្រាងច្បាប់ធម្មនុញ្ញស្តីពី វិសោធនកម្មមាត្រា១៩ថ្មី មាត្រា៨២ថ្មី មាត្រា១០៦ថ្មី(មួយ) មាត្រា១១៩ថ្មី និងមាត្រា១៣៧ថ្មីនៃរដ្ឋធម្មនុញ្ញនៃព្រះរាជាណាចក្រកម្ពុជា និងមាត្រា៣ និងមាត្រា៤ នៃច្បាប់ធម្មនុញ្ញបន្ថែមសំដៅធានានូវដំណើរការជាប្រក្រតីនៃស្ថាប័នជាតិ។…

ខេត្តកំពង់ឆ្នាំង ៖ ដោយសារស្ថានភាពទឹកភ្លៀងនៅតែបន្តធ្លាក់ ជាបន្តបន្ទាប់ ធ្វើឱ្យជំនន់ទឹកភ្លៀង បានហូរធ្លាក់មកពីប៉ែកខាងលើ មានដូចជាព្រំប្រទល់ខេត្តកំពង់ស្ពឺ ជាដើម បានហូរធ្លាក់ចុះមកកំណាត់ផ្លូវជាតិលេខ ៥ បណ្ដាលឲ្យ ជន់លិចកំណាត់ផ្លូវ ដោយអន្លើៗ គឺចាប់ពីគីឡូម៉ែត្រលេខ ៣៩ ដល់លេខ៤៦ ។ គ្រោះធម្មជាតិនេះបានធ្វើឲ្យអាជ្ញាធរស្រុក និងខេត្ត និងមន្ត្រីជំនាញ បានយកចិត្តទុកដាក់ក្នុងការ ជួសជុលផ្លូវរងការខូចខាត និង សម្រួលចរាចរណ៍ ដល់បងប្អូនប្រជាពលរដ្ឋ អ្នកធ្វើដំណើរ ។ ជាក់ស្ដែងនៅព្រឹកថ្ងៃទី ២៤ ខែតុលា ឆ្នាំ២០២១នេះ ឯកឧត្តម សាន់យូ អភិបាលរងខេត្តកំពង់ឆ្នាំង បានដឹកនាំក្រុមមន្ត្រីជំនាញ សហការជាមួយ ម្ចាស់រោងចក្រ (ខេមស្ព័តស៊ូ ) ដោយសម្រេចកាយផ្តាច់កំណាត់ផ្លូវចូលរោងចក្រ ដែលបង្ករឱ្យស្ទះចរន្តទឹក ហូរធ្លាក់លើផ្លូវជាតិ ។ ឯកឧត្តម សាន់ យូ អភិបាលរងខេត្តកំពង់ឆ្នាំង មានប្រសាសន៍ថា តាមបណ្តោយផ្លូវជាតិលេខ៥ត្រង់បង្គោលគីឡូមែត្រលេខ៤៦ ត្រង់ចំណុចផ្លូវចូលរោងចក្រ ខេនស្ព័ត៍ស៊ូ មានទីតាំងស្ថិតក្នុងភូមិចំការស្វាយ ឃុំសេដ្ឋី ស្រុកសាមគ្គីមាន ជ័យ…

ភ្នំពេញ ៖ រាជរដ្ឋាភិបាលកម្ពុជា និងរដ្ឋាភិបាលវៀតណាម បានឯកភាពគ្នាពន្លឿនការងារព្រំដែនគោក ១៦% ទៀត ដែលនៅសេសសល់ មិនទាន់បោះបង្គោលរួច។ នេះបើយោងតាម សេចក្តីប្រកាសព័ត៌មាន របស់ក្រសួងការបរទេស និងសហប្រតិបត្តិការអន្តរជាតិ នៅថ្ងៃទី២៤ ខែតុលា ឆ្នាំ២០២១ ។

ភ្នំពេញ:ឯកឧត្តម ម៉ៅ ធនិន្ទ អភិបាលខេត្តកំពតថ្មី បានប្រកាសបើកការស្រាវជ្រាវស៊ើបអង្កេតផ្លូវច្បាប់ទៅលើមន្ត្រីពាក់ព័ន្ធមួយចំនួនដែលអនុវត្តផ្ទុយនឹងច្បាប់ និងដាក់ពិន័យមន្ត្រីទាំងនោះ បើរកឃើញថា មានការអនុវត្តខុសពាក់ព័ន្ធទៅនឹងករណីទិញលក់ដីអាងទឹកដងទង់ជាមួយក្រុមហ៊ុន សេង សម្បត្តិ ស្ថិតនៅក្នុងស្រុកដងទង់ ខេត្តកំពត។

អ្នកនាំពាក្យក្រសួងការបរទេសកម្ពុជាបានបញ្ជាក់អោយដឹងថា៖ កាលរំលងអាទ្រាតចូលថ្ងៃទី ២៤ ខែតុលា ឆ្នាំ ២០២១ ស្ថានអគ្គកុងស៊ុលកម្ពុជាប្រចាំខេត្តស្រះកែវប្រទេសថៃ បានអន្តរាគមន៍សហការជាមួយអាជ្ញាធរថៃ ជួយបញ្ជូនពលរដ្ឋខ្មែរចំនួន៣៨នាក់ (ប្រុស២៩នាក់) ដែលត្រូវបានមេខ្យល់នាំចូលទៅប្រទេសថៃ ដោយខុសច្បាប់តាមព្រៃរបៀង អោយបានត្រឡប់មកកម្ពុជាវិញនៅព្រលឹមថ្ងៃទី២៤ តុលា ២០២១ ដដែល។ដោយសួង ពិសិដ្ឋ

កំពង់ឆ្នាំង ៖ នៅព្រឹកថ្ងៃទី២៣ ខែតុលា ឆ្នាំ២០២១ លោកឧត្តមសេនីយ៍ត្រី អ៊ុ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង បានដឹកនាំក្រុមការងារថ្នាក់ខេត្ត នាំយកអំណោយដ៏ថ្លៃថ្លារបស់ឯកឧត្ដម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ