សៀមរាប៖ លោក ណន តូនី ប្រធានក្រុមសណ្ដាប់ធ្នាប់ ដែលគ្រប់គ្រងក្នុងរមណីយដ្ឋានអង្គររបស់អាជ្ញាធរជាតិអប្សរាបានអោយដឹងថា ក្រោយពេលដែលរាជរដ្ឋាភិបាលបានបើកឱ្យភ្ញៀវទេសចរដើរកម្សាន្តតាមតំបន់រមណីយដ្ឋានទូទាំងប្រទេស នៅរមណីយដ្ឋានអង្គរវត្ដ មានភ្ញៀវទេសចរជាច្រើនពាន់នាក់បានទៅទស្សនាជាហូរហែរ ដោយនៅថ្ងៃបិណ្ឌទី១៤ នៃពិធីបុណ្យភ្ជុំ មានអ្នកទេសចរទាំងជាតិ និងអន្ដរជាតិប្រមាណ២ពាន់នាក់ក្នុងមួយថ្ងៃ។ 

ព្រះសីហនុ៖ យោងតាមរបាយការណ៍របស់លោក តាំង សុចិត្តគ្រឹស្នា ប្រធានមន្ទីរទេសចរណ៍ខេត្តព្រះសីហនុបានអោយដឹងថា ភ្ញៀវទេសចរចូលមកខេត្តព្រះសីហនុក្នុងថ្ងៃទី០៥ ខែតុលា ឆ្នាំ២០២១ នាឱកាសបុណ្យភ្ជុំបិណ្ឌមានចំនួនសរុប១ម៉ឺន៨ពាន់១៩៧នាក់ កើនឡើង១១,៥១%។

កែប៖ យោងតាមមន្ទីរទេសចរណ៍ខេត្តកែបបានអោយដឹងថា ភ្ញៀវទេសចរចូលមកខេត្តកែប ក្នុងថ្ងៃទី០៥ ខែតុលា ឆ្នាំ២០២១ ត្រូវនឹងបិណ្ឌទី១៤ នៃពិធីបុណ្យភ្ជុំបិណ្ឌ មានចំនួនសរុបចំនួន២ម៉ឺន៦ពាន់៨៩០នាក់។