ភ្នំពេញ៖នៅព្រឹកថ្ងៃពុធ ទី០១ ខែកញ្ញា ឆ្នាំ២០២១ ឯកឧត្តម ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម បានចូលរួមជាវាគ្មិនកិត្តិយស ក្នុងកិច្ចប្រជុំកំពូលគំនិតផ្តួចផ្តើមខ្សែក្រវាត់ និងផ្លូវ លើកទី៦ (The 6th Belt and Road Summit) ឆ្នាំ២០២១ ក្រោមប្រធានបទការលើកកម្ពស់កិច្ចសហប្រតិបត្តិការពហុភាគី តាមប្រព័ន្ធវីដេអូ។កិច្ចប្រជុំកំពូលនេះ បានរៀបចំ និង ដឹកនាំដោយ ឯកឧត្តម Edward Yau រដ្ឋមន្ត្រីពាណិជ្ជកម្ម និងសេដ្ឋកិច្ចអភិវឌ្ឍន៍ នៃតំបន់រដ្ឋបាលពិសេសហុងកុង នៃ សាធារណរដ្ឋប្រជាមានិតចិន និងមានការចូលរួម ជាវាគ្មិនកិត្តិយសពី ឯកឧត្តម Dato Lim Jock Hoi អគ្គលេខាធិការ អាស៊ាន និងរដ្ឋមន្ត្រីពាណិជ្ជកម្មមកពីបណ្តាប្រទេសជាសមាជិកអាស៊ាន និងប្រទេសដទៃមួយចំនួនទៀត។គោលបំណង សំខាន់នៃកិច្ចប្រជុំកំពូល ផោ្តតលើការពង្រឹងកិច្ចសហប្រតិបត្តិការពហុភាគី ក្រោមគំនិតផ្តួចផ្តើមខ្សែក្រវាត់ និងផ្លូវ របស់ សាធារណរដ្ឋប្រជាមានិតចិន ជាមួយនឹងប្រទេសជាដៃគូ រួមមានអាស៊ាន អង្គការពាណិជ្ជកម្មពិភពលោក (WTO) និង ដៃគូពាណិជ្ជកម្មដទៃទៀត…

ភ្នំពេញ៖ កាលពីពេលថ្មីៗនេះ អ្នកជំនួញផ្នែកវិស័យអប់រំដ៏លេចធ្លោមួយរូបគឺ ឧកញ៉ាវេជ្ជបណ្ឌិតគួច ម៉េងលី ជា ស្ថាបនិក ប្រធាន ក្រុមប្រឹក្សា ភិ បាល ហើយក៏ជា អគ្គនាយក ប្រតិបត្តិ នៃ ក្រុមហ៊ុន ម៉េង លី ជេគួ ច អេឌ្យូខេ សិនត្រូវបានព្រះមហាក្សត្រនៃព្រះរាជាណាចក្រកម្ពុជាសព្វព្រះរាជហរទ័យ ដោយបានតែងតាំងមុខងារថ្មីដល់លោកមួយកម្រិតទៀតជា “អ្នកឧកញ៉ា”។យ៉ាងណាមិញ ក្រោយពេលដែលទទួលបានគោរមងារថ្មី អ្នកឧកញ៉ា គួច ម៉េងលី ក៏បានប្ដេជ្ញាធ្វើរឿងសំខាន់បំផុត៣ ឱ្យខ្លាំងថែមទៀតផងដែររួមមាន៖ ១. ការងារ សប្បុរស ធម៌ និង មនុស្សធម៌ ជាការពិតណាស់ ការរស់នៅក្នុងសង្គមមួយជាមួយគ្នា គឺយើងមិនអាចជៀសផុតពីការជួយជ្រោមជ្រែងគ្នា ជាពិសេសទៅដល់អ្នកដែលមានជីវភាពខ្វះខាតក្រលំបាក ឬជួបនូវបញ្ហាគ្រោះធម្មជាតិ ឬជំងឺរាតត្បាតផ្សងៗជាដើម។ ទស្សនៈមួយថា បង្រៀនមនុស្សឱ្យចេះស្ទួចត្រីប្រសើរជាងឱ្យត្រីគាត់ហូប ប៉ុន្តែពេលខ្លះ ចំណេះក៏យើងជួយ ជំនួយក៏ត្រូវផ្ដល់ឱ្យអ្នកដែលមានបញ្ហាប្រឈមភ្លាមៗផងដែរ។២. ការចែករំលែកចំណេះដឹងល្អៗទៅដល់សាធារណជនជាក់ស្ដែងគេតែងតែសង្កេតឃើញអ្នកឧកញ៉ាតែងតែចែករំលែកនូវចំណេះដឹងល្អៗជាច្រើនទាំងផ្នែកសុខភាព អាជីវកម្ម បទពិសោធន៍ជីវិត ជាប្រភេទអត្ថបទ និងជាវីដេអូ ជាសៀវភៅជាដើម ហើយអ្វីទាំាំងអស់នេះ លោកនៅតែបន្តខំប្រឹងចែករំលែកចំណេះដឹងល្អៗទាំងនេះឱ្យកាន់តែទូលំទូលាយបន្ថែមទៀតផងដែរ។៣.…

ខេត្តព្រះសីហនុ  គឺជាខេត្តដែលបានរកឃើញអ្នកវិជ្ជមានកូវីដច្រើន បន្ទាប់ពីរាជធានីភ្នំពេញ និងខេត្តកណ្តាល។ គ្រូពេទ្យដែលបម្រើការងារនៅតាមមណ្ឌលសុខភាពចំនួន៦៣នាក់ ត្រូវបានចាត់មកចូលរូមជាមួយក្រុមគ្រូពេទ្យនៅក្រុងព្រះសីហនុ ដែលជាកន្លែងព្យាបាល និងមើលថែទាំងអ្នកជំងឺកូវីដ១៩ និងយកសំណាកប្រជាជនពាក់ពន្ធ័អ្នកឆ្លងជំងឺ។ បន្ទាប់ពីបានចូលរួមការងារប្រយុទ្ធប្រឆាំងទប់ស្កាត់ជំងឺកូវីដ១៩ជាច្រើនខែមក ពេលនេះក្រុមគ្រូពេទ្យមកពីបណ្តារមណ្ឌលសុខភាពតាមឃុំ ត្រូវបានរំសាយអោយត្រឡប់ទៅមណ្ឌលរបស់ខ្លួនវិញ ក្រោយស្ថានភាពឆ្លងថ្មីនៃជំងឺកូវីដ-១៩ នៅខេត្តព្រះសីហនុ មានការថយចុះ និងអាចគ្រប់គ្រងបាន។ កាលពីរសៀលថ្ងៃទី៣១ ខែសីហា ឆ្នាំ២០២១នេឯកឧត្តម គួច ចំរើន អភិបាលខេត្តព្រះសីហនុ អញ្ជើញសំណេះសំណាលថ្លែងអំណរគុណនិងផ្តល់ការលើកទឹកចិត្តផងដែរ។ ឯកឧត្តម គួច ចំរើន បានថ្លែងការកោតសរសើរក្រៃលេងចំពោះពលិកម្មរបស់ក្រុមគ្រូពេទ្យទាំអស់គ្នាដើម្បីប្រជាជាតិនាពេលកន្លងមកនេះ។ រដ្ឋបាលខេត្តនឹងចងចាំជានិច្ចនូវគុណតម្លៃក្រុមគ្រូពេទ្យដែលបំពេញការងារនៅសមរភូមិមុខក្នុងការប្រយុទ្ធនឹងជំងឺកូវីដ-១៩នៅខេត្តព្រះសីហនុ។ ទន្ទឹមនេះឯកឧត្តម អភិបាល ក៏បានបានបង្ហាញការសោកស្តាយជាពន់ពេកចំពោះក្រុមគ្រួសារសពអ្នកគ្រូពេទ្យ អ៊ឹម ស្រីនិ ដែលបានបាត់បង់អាយុជីវិតក្នុងបុព្វហេតុប្រយុទ្ធប្រឆាំងនឹងជំងឺកូវីដ-១៩។ ឯកឧត្តម ចាត់ទុកថា នេះជាការបាត់បង់នូវធនធានមនុស្សដែលមានវីរភាពដ៏ល្អប្រពៃក្នុងការចូលរួមជាមួយរាជរដ្ឋាភិបាល ក្នុងបុព្វហេតុជួយការពារអាយុជីវិតនិងសុខមាលភាពប្រជាជន។ ឯកឧត្តម បួងសួងសូមឱ្យវិញ្ញាណក្ខនអ្នកគ្រូពេទ្យទៅកាន់សុគតិភពកុំបីឃ្លៀងឃ្លាតឡើយ។ ឯកឧត្តម គួច ចំរើន មានប្រសាសន៍ថា៖ ក្នុងនាមប្រធានក្រុមប្រឹក្សាខេត្តព្រះសីហនុ មន្ត្រីរាជការ និងប្រជាជាតិខេត្តព្រះសីហនុ សូមកោតសរសើរដោយស្មោះចំពោះថ្នាក់ដឹកនាំមន្ទីរសុខាភិបាល មន្ត្រីសុខាភិបាល និងក្រុមគ្រូពេទ្យទាំងអស់ ដែលបានលះបង់កំលាំងកាយចិត្ត ចូលរួមប្រយុទ្ធប្រឆាំងទប់ស្កាត់ការឆ្លងជំងឺកូវីដ-១៩ក្នុងខេត្តព្រះសីហនុនាពេលកន្លងមកនេះយ៉ាងសកម្ម។ ជាមួយគ្នានេះគ្រូរពេទ្យរបស់យើងក៏ទទួលបាននូវបទពិសោធន៍ថ្មីអំពីរបៀបធ្វើការងារជាមួយកូវីដ១៩ ដូចជាការយកសំណាក មើលថែអ្នកជំងឺ…

    ភ្លៀងធ្លាក់១មេធំ ពីយប់ថ្ងៃទី៣១ សីហា ឆ្នំា២០២១ បង្ករអោយមានជំនន់ជន លិចនៅអូរព្រំដែនកម្ពុជា-ថៃ ក្នុងនោះបានជនពន្លិច ផ្លូវ ស្ពាន ច្រកព្រំដែនតំបន់ម៉ាឡៃ និងផ្ទះសម្បែងប្រជាពលរដ្ឋ ប៉ុស្តិ៍នគរបាលនិងគោលដៅឈរជើងរបស់កងកម្លាំងយោធា ការពារព្រំដែននៅស្រុកម៉ាឡៃ។ នេះបើតាមការអោយដឹងពីមន្ត្រីរដ្ឋបាលស្រុកម៉ាឡៃ ប្រាប់នៅរសៀលថ្ងៃទី១ ខែកញ្ញា ឆ្នាំ២០២១ ។     មន្ត្រីដដែលបន្តអោយដឹងថា ៖ កាលពីយប់ថ្ងៃទី៣១ ខែសីហា មានភ្លៀង១មេធំ ស្ទើរបាក់មេឃនៅភូមិសាស្ត្រស្រុក និងនៅខាងទឹកដីថៃ ធ្វើអោយទឹកមួយចំនួនបានហូរស្រុងចុះមកពីទីទំនាប និងអូរព្រំដែនយ ។ប៉ុន្តែនៅថ្ងៃត្រង់ថ្ងៃទី១ ខែកញ្ញានេះ ទឹកបានជន់ជោរថែមយ៉ាងលឿន ។     ពេលនេះ មន្ត្រីរាជការ កងកម្លាំង និងអ្នកពាក់ព័ន្ធ បានចេញទ្រោលស្ថានការណ៍គ្រាអាសន្នហើយ ។    ចំណែកលោកជា សេងអាន ប្រធានទីស្នាក់ការច្រកទ្វារតំបន់ព្រំដែនម៉ាឡៃ បានអោយដឹងដែរថា៖ ចាប់ពីម៉ោង១១ ថ្ងៃត្រង់ ថ្ងៃទី០១ ខែកញ្ញា ឆ្នាំ២០២១ ទឹកអូរម៉ាឡៃបានហក់ឡើងយ៉ាងលឿន លិចស្ពានច្រកព្រំដែនតំបន់ម៉ាឡៃ-ណងព្រឺហើយ ។ ចរាចរណ៍ឆ្លងកាត់ព្រំដែនត្រូវកាត់ផ្តាច់បណ្តោះអាសន្ន ។…