ខេត្តពោធិ៍សាត់៖ពលរដ្ឋអ្នកបើកកាណូតម្នាក់រងរបួសធ្ងន់បន្ទាប់ពីក្រុមជនល្មើសបើកកាណូតបំបុក ខណៈដែល កំពុងដឹកមន្រ្តីសមត្ថកិច្ជលចុះបង្រ្កាបបទល្មើស នៅលើផ្ទៃបឹងទន្លេសាបក្នុង ភូមិសាស្រ្តខេត្តពោធិ៍សាត់ ។ នាយខណ្ឌ័រដ្ឋបាលជលផលខេត្តពោធិសាត់បានបញ្ជាក់អោយដឹងថា ក្រុមសមត្ថកិច្ចដែលល្បាតការពារកន្លែងអភិរក្សជលផល បានប្រទះឃើញក្រុមជនប្រព្រឹត្តបទល្មើសនេសាទ ដោយប្រើប្រាស់នូវឧបករណ៍អួនកែច្នៃអូសទាញដោយកាណូតច្រើនគ្រឿង     ជនរងរបួស(ឡេង ពេជ្រ)និងមន្រ្តីយោធា១នាក់ដែលប្រចាំការជាមួយមន្រ្តីរដ្ឋបាលជលផលចេញទៅជួយ ដោយក្រុមជនប្រព្រឹត្តបទល្មើសប្រើប្រាស់នូវកាណូតទំនើបៗដែលមាបល្បឿនលឿន និងមានសាម៉ែលមើលនៅទីងងឹតផងនោះ បានបើកកាណូតមកបុកទាំងកម្រោលបណ្ដាលឲ្យចំជនរងគ្រោះធ្លាក់ទឹក ថែមទាំងមុតនឹងស្លាបចាក់កាណូតបាក់ឆ្អឹងត្រគៀកយ៉ាងធ្ងន់ ក្រោយដឹងហេតុការណ៍ការណ៍នេះភ្លាមកម្លាំងច្រើនស្ថាប័នបានចេញជួយអន្តរាគមន៍ និងបានផ្ទុះអាវុធមួយប្រាវជាមួយនិងក្រុមជនល្មើសបានបើកកាណូតគេចបាត់អស់ ដោយបន្សល់នូវវត្ថុតាងអួនកែច្នៃចំនួន៣វង់។ ភ្លាមៗនោះសមត្ថកិច្ចបញ្ជូនតៃកុងកាណូតមកសង្រ្គោះ នៅមន្ទីរពេទ្យបង្អែកខេត្តពោធិ៍សាត់ ប៉ុន្តែដោយស្ថានភាពរបួសធ្ងន់ធ្ងរពេក ក្រុមគ្រូរពេទ្យសម្រួលបញ្ជូនបន្តទៅមន្ទីររាជធានីភ្នំពេញ ចំពោះក្រុមមុខសញ្ញាជាជនល្មើសវៀតណាម មកពីតំបន់ចុងភ្នាសនៃខេត្តសៀមរាប សមត្ថកិច្ចស្ថាប័នជំនាញពាក់ព័ន្ធខេត្តពោធិ៍សាត់ និងខេត្តសៀមរាបបានសហការការគ្នាបើកការស្រាវជ្រាវបន្ទាន់ដើម្បីរកមុខក្រុមជនល្មើសយកមកផ្ដន្ទាទោសតាមផ្លូវច្បាប់។ គួរបញ្ជាក់ថា ហេតុការណ៍ខាងលើបានកើតឡើងពី យប់ថ្ងៃទី៧ ខែមេសា ឆ្នាំ២០២១ ម្សិលមិញនៅលើទឹកបឹងទន្លេសាប ស្ថិតនៅត្រង់ចំណុចក្នុងកន្លែងអភិរក្សជលផល អតីតឡូត៍នេសាទលេខ៦ នៅភូមិកោះក្អែក ឃុំរាំងទិល ស្រុកកណ្ដៀង ខេត្តពោធិ៍សាត់ ។ នាយខណ្ឌរដ្ឋបាលជលផលខេត្តពោធិ៍សាត់បានអោយដឹងថា តាមការបញ្ជាក់អះអាងរបស់មន្រ្តីរដ្ឋបាលជលផល និងកងកម្លាំងប្រដាប់អាវុធ បានបញ្ចាក់ឱ្យដឹងថា ជនរងរបួសឈ្មោះ ឡេង ពេជ្រ ភេទប្រុស អាយុ ៣៣ឆ្នាំ ជនជាតិខ្មែរ មានទីលំនៅភូមិ.ឃុំរាំងទិល ស្រុកកណ្ដៀង ខេត្តពោធិ៍សាត់ ជាប្រជាពលរដ្ឋ…

កំពត៖ ក្មេងប្រុសស្រីចំនួន៣នាក់តបានស្លាប់បាត់បង់ជីវិត្តដោយសារលង់ទឹកនៅក្នុងរណ្ដៅដីដេលមានជម្រៅរហូតដល់ទៅ៧ម៉ែត្រកាល ពីវេលាម៉ោង៣រសៀល ថ្ងៃទី៨ ខែមេសា ឆ្នាំ២០២១ ដែលមានទីតាំងស្ថិតនៅក្នុងភូមិដើមចំរៀក ឃុំស្ដេចគង់ខាងលិច ស្រុកបន្ទាយមាស ខេត្តកំពត។ បើតាមការអោយដឹងពីមន្ត្រីនគរបាលប៉ុស្លិស្ដេចគង់ខាងលិចបាននិយាយប្រាប់អោយដឹងថា ជនរងគ្រោះទាំង៣នាក់ ដែលបានលង់ទឹកស្លាប់នោះ ទី១មានឈ្មោះ ហង់ ស្រីតី ភេទស្រីអាយុ១៣ឆ្នាំ ទី២ ជាកុមារា មានឈ្មោះ ហង់ ទី អាយុ9ឆ្នាំ ពីរនាក់នេះបងប្អូននិងគ្នាបង្កើត និងកុមារីរងគ្រោះទី៣ មានឈ្មោះ សុង រតនា អាយុ១៣ ឆ្នាំ ជនរងគ្រោះទាំង៣នាក់នេះផ្ទះនៅជិតៗគ្នា រស់នៅភូមិជ្រោះតាសោម ឃុំប្រាសាទភ្នំខ្យង ស្រុកកំពង់ត្រាច ខេត្តកំពត។ តាមតាមការអោយដឹងពីក្មេងស្រីម្នាក់ជាសាក្សី មានទីលំនៅរស់នៅភូមិដើមចំរៀក ឃុំស្ដេចគង់ ខាងលិចបាននិយាយប្រាប់អោយដឹងថា ពួកគេទាំង៣នាក់បានជិះទូកត្នោតតូចមួយលេង ក្រោយមកពួកគេបានហក់ចុះទាំងបីនាក់លិចបាត់អស់។ ក្រោយមកសាក្សីក្មេងស្រីនោះបានរត់ហៅអោយគេជួយដែរ តែកន្លែងរណ្ដៅដីជនរងគ្រោះជិះទូកនោះនៅដាច់ពីភូមិ និងទីប្រជុំជន តែទំរាំដឹងប្រមូលគ្នាមកចុះរាវរកជនរងគ្រោះវាហួសពេលបាត់ទៅហើយ ម្នាក់ៗបានត្រឹមតែស្រែកត្រហោយំស្ដាយស្រណោះ៕