ភ្នំពេញ៖ ឯកឧត្តម ម៉ាង ស៊ីណេត អភិបាលខេត្តព្រះសីហនុ កាលពី​រសៀលថ្ងៃទី៧ ខែមិថុនា ឆ្នាំ២០២៥ បានអញ្ជើញ​ដឹកនាំវេទិកាកិច្ចសហប្រតិបត្តិការវិនិយោគព្រះសីហនុ-ជាំងស៊ូ នៅទីក្រុងណានជីង ខេត្តជាំងស៊ូ សាធារណរដ្ឋ​ប្រជា​មានិតចិន ។ប្រភពរដ្ឋបាលខេត្តព្រះសីហនុបានឱ្យដឹងថា វេទិកានេះមានការ​ចូលរួមពី លេខាធិការដ្ឋានក្រុមការងារជំរុញ​ការវិនិយោគ​ខេត្ត​ព្រះសីហនុ លេខាធិការដ្ឋាន​ក្រុមការងារបច្ចេកទេស​អន្តរក្រសួង​សម្របស្រួលការរៀបចំផែនការមេ ដើម្បីអភិវឌ្ឍ​ខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង អគ្គកុងស៊ុលកម្ពុជា​ប្រចាំទីក្រុងសៀងហៃ អ្នកឧកញ៉ា ឧកញ៉ា លោក លោកស្រី អគ្គនាយក នាយកក្រុមហ៊ុន អ្នកគ្រប់គ្រងរោងចក្រ សហគ្រាស ជាវិនិយោគិនចិន និងសមាជិក សមាជិកាទាំងអស់ប្រមាណ​ជាង៣០០នាក់។ វេទិកាខាងលើ មានការចូលរួមសហការរៀបចំដោយ មន្ទីរ​ពាណិជ្ជកម្មខេត្ត ជាំងស៊ូ រដ្ឋបាលខេត្តជាំងស៊ូ សាធារណរដ្ឋ​ប្រជាមានិតចិន។ ថ្លែងបើកវេទិកាឯកឧត្តមអភិបាលខេត្តបានបង្ហាញឱ្យឃើញកាន់តែច្បាស់អំពីការបន្តពូនជ្រុំលើកកម្ពស់ទំនាក់ទំនងមិត្តភាព ជា «មិត្តដែកថែប និងជាដៃគូយុទ្ធសាស្ត្រគ្រប់ជ្រុងជ្រោយ» របស់​ប្រទេសទាំងពីរ ដែលជាលទ្ធផលនៃភាព​ស៊ីសង្វាក់​គ្នារវាង​យុទ្ធសាស្ត្រចតុកោណ និងយុទ្ធសាស្ត្របញ្ចកោណ របស់​រដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន អតីតនាយករដ្ឋមន្ត្រី និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងគោល​នយោបាយ គំនិតផ្តួចផ្តើម…

(ខេត្តរតនគិរី)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងក្នុងពិធី សម្ពោធអគារសិក្សា អគារទីចាត់ការ អគារសយនដ្ឋាន និងអគារពិសោធន៍ ស្ថិតក្នុងសង្កាត់ឡាបាន សៀក ក្រុងបានលុង ខេត្តរតនគិរី នាព្រឹកថ្ងៃសៅរ៍ ទី៧ ខែមិថុនា ឆ្នាំ២០២៥ ថាខេត្តរតនគិរី ជាខេត្តដែលមានចម្ងាយឆ្ងាយជាងគេ ធៀបនឹងបណ្តាខេត្តទូទាំង ប្រទេស តែរាជរដ្ឋាភិបាល មិនបាន មើលរំលង ឬទុកចោលនោះទេ ដោយបានដាក់ចេញនូវគោល នយោបាយ និងផែនការអភិវឌ្ឍ និង ការតភ្ជាប់យ៉ាងច្រើន រួមទាំងហេដ្ឋារចនាសម្ព័ន្ធ និងការអភិវឌ្ឍលើ គ្រប់ វិស័យ ក្រោមស្ថិរភាព ក្រោម ម្លប់ សន្តិភាព ហើយបន្តដើរទៅមុខជានិច្ច។ ការអភិវឌ្ឍនៅទីនេះ គឺមិនមានការរើស អើងនោះ ទេ ហើយ បាន ជំរុញដល់គ្រប់ជនជាតិ ខ្មែរយើងបានរួមរស់ជាមួយគ្នា ប្រកបដោយសុខុដមរមនា ហើយធានាបាននូវឱកាសក្នុងការ ទទួល បានមនុញ្ញផល នៃ ការអភិវឌ្ឍក្នុងខេត្ត និងផែនការកសាងផ្លូវក្រវាត់ព្រំដែន…

(ភ្នំពេញ)៖ ឯកឧត្តម ប៊ូ ជុំសេរី អនុរដ្ឋលេខាធិការក្រសួងអប់រំយុវជននិងកីឡាបាន ថ្លែងថា អនាគតរបស់អត្តពលិក គឺស្ថិតនៅក្នុងកណ្ដាប់ដៃ របស់គ្រូបង្វឹក ព្រោះថា គ្រូបង្វឹកគឺជាអ្នកកែច្នៃ ជាអ្នកធ្វើឲ្យសិស្សដណ្ដើមបានជោគជ័យ នៅក្នុងការប្រកួត។ គ្រូ ជាអ្នកជួយឲ្យ អត្តពលិក អភិវឌ្ឍជំនាញបច្ចេកទេសរបស់ខ្លួន ឲ្យមានស្មារតីប្រយុទ្ធមោះមុត មានកាយសម្បទាសមរម្យ និង រឹងមាំ ។ ថ្លែងលើកឡើងបែបនេះ ក្នុងឱកាសបិទសិក្ខាសាលា ”ស្តីពីការរៀបចំទ្រឹស្តីផែនការហាត់ហ្វឹកហ្វឺន និងពង្រឹងសមត្ថិភាព គ្រូបង្វឹក គ្រូ ជំនួយក្រុមកីឡាជម្រើសជាតិ និងក្រុមកីឡាថ្នាល” នៅមជ្ឈមណ្ឌលជាតិហ្វឹកហ្វឺន កីឡា ។ ឯកឧត្តមបានបញ្ជាក់ថា ក្រៅពីសិក្សាផ្នែកទ្រឹស្ដី គ្រូបង្វឹកត្រូវសិក្សាស្វែងយល់ពីខាងក្រៅបន្ថែមទៀត ជាមួយនិង ការអនុវត្ថជាក់ស្ដែង ដើម្បីចេះរៀបចំច្នៃប្រឌិតការបង្វឹក ពិសេសការប្រកួត ឲ្យសមស្របទៅនឹងស្ថានភាព ជាក់ស្ដែងដើម្បីយកប្រៀបលើគូប្រកួត ព្រោះថា គ្រូបង្វឹក គឺជាអ្នកចែករំលែកនូវចំណេះដឹងដល់គេ ហើយសម្រាប់កីឡាមិនត្រឹមតែចែករំលែកនូវចំណេះដឹងប៉ុណ្ណោះទេ ប៉ុន្តែថែមទាំងចេះបង្ហាញនូវការអនុវត្តលើទីលានបន្ថែមទៀត ដើម្បីឲ្យសិស្សរបស់ខ្លួនមានកម្រិតសមត្ថភាពកាន់តែប្រសើរឡើង។ឯកឧត្តម អនុដ្ឋលេខាធិការ បន្ដថា សិក្ខាសាលារយៈពេល៤ថ្ងៃនេះ គឺជាមូលដ្ឋាននៃចំណេះដឹង ថ្មី បន្ថែមទៀត សម្រាប់ដុះខាត់ទេពកោសល្យ…

ភ្នំពេញ៖អង្គភាពអ្នកនាំពាក្យរាជរដ្ឋាភិបាលកម្ពុជាបានឱ្យដឹងថា នាថ្ងៃទី៤ ដល់ ថ្ងៃទី៦ ខែមិថុនា ឆ្នាំ២០២៥ នៅរដ្ឋធានី​វ៉ាស៊ីនតោន សហរដ្ឋអាម៉េរិក ឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជា​អនុប្រធានទី១ នៃ​ក្រុមប្រឹក្សា​អភិវឌ្ឍន៍កម្ពុជា និងលោកជំទាវ ចម និម្មល រដ្ឋមន្ត្រី ក្រសួងពាណិជ្ជកម្ម បានដឹកនាំក្រុមការងារចំពោះ​កិច្ចសម្របសម្រួលទំនាក់ទំនងពាណិជ្ជកម្ម និងវិនិយោគទ្វេភាគី កម្ពុជា-សហរដ្ឋអាម៉េរិក ចូលរួមកិច្ចប្រជុំចរចាជុំទី២ ស្ដីពីកិច្ចព្រម​ព្រៀង​ពាណិជ្ជកម្មបដិការរវាងកម្ពុជា និង សហរដ្ឋអាម៉េរិក ជាមួយ​ភាគីសហរដ្ឋអាម៉េរិក ដឹកនាំដោយ លោកជំទាវ Sarah Ellerman អនុប្រធានតំណាង ពាណិជ្ជកម្មសហរដ្ឋអាម៉េរិកទទួលបន្ទុក​តំបន់​អាស៊ីអាគ្នេយ៍ និងប៉ាស៊ីហ្វិក។ ក្នុងសេចក្តីប្រកាសព័ត៌មានរបស់អង្គភាពអ្នកនាំពាក្យរាជរដ្ឋាភិបាលកម្ពុជានៅថ្ងៃទី៧ ខែមិថុនា ឆ្នាំ២០២៥បាន​ឱ្យដឹងទៀតថា ក្នុងកិច្ច​ប្រជុំ​ចរចាជុំទី២ នេះ ភាគីទាំងពីរបានបន្តពិភាក្សាគ្នាលើអត្ថបទ​សេចក្តី​ព្រាង​កិច្ចព្រមព្រៀង ពាណិជ្ជកម្មបដិការ ដោយឈរលើស្មារតី​យោគយល់គ្នាខ្ពស់ និងបានឈានទៅឯកភាពគា្នលើបញ្ញត្តិជាច្រើន។ ភាគីទាំងពីរ គ្រោងនឹងរៀបចំកិច្ចប្រជុំចរចាជុំទី៣ នាពេលឆាប់ៗខាង​មុខនេះ ដោយផ្ទាល់ នៅរដ្ឋធានីវ៉ាស៊ីនតោន។ រាជរដ្ឋាភិបាលដែលមាន សម្ដេចមហាបវរធិបតី ហ៊ុន ម៉ាណែត ជា នាយករដ្ឋមន្ត្រី នឹងបន្ត…

បាត់ដំបង៖ឯកឧត្តម សុខ លូ អភិបាលខេត្តបាត់ដំបងព្រមទាំង ថ្នាក់ដឹក នាំមន្រ្តីរាជការចំណុះរដ្ឋបាលខេត្តនិង សប្បុរសជន កាល ពីថ្ងៃទី៦ ខែមិថុនា ឆ្នាំ២០២៥ ​បានអញ្ជើញសួរសុខទុក្ខដល់កងកម្លាំង ដែលកំពុងឈរជើង​នៅតាម​ខ្សែបន្ទាត់ព្រំដែនកម្ពុជា-ថៃក្នុងភូមិសាស្រ្ត ស្រុកសំឡូត​ខេត្តបាត់ដំបងដោយនាំទៅជាមួយនូវអំណោយជាស្បៀង​អាហារមួយចំនួនធំទៅផ្តល់ជូនផងដែរ។ ខណៈជួបជាមួយកងកម្លាំងប្រចាំទិសសំឡូតឯកឧត្តមអភិបាលខេត្តបានលើកឡើងថា ជំនួបនេះ មិនមែនជារឿង​ចម្លែក​នោះទេ ព្រោះ​ជារឿយៗរដ្ឋបាលខេត្តបាត់ដំបង តែងតែចុះសាកសួរសុខទុក្ខដល់ គ្រប់កងកម្លាំងនៅតាមខ្សែ​បន្ទាត់​ព្រំដែនជាបន្តបន្ទាប់ក្នុងស្មារតីផ្សា ភ្ជាប់រវាងមន្រ្តីរាជការនៅជួរក្រោយជាមួយកងកម្លាំងជួរមុខ ។ជាពិសេស ក្នុងស្មារតី​សមរភូមិក្រោយជួយទំនុកបំរុងដល់សមរភូមិ មុខគ្រប់កាលៈទេសៈ។ ឯកឧត្តមអភិបាលខេត្តក៏បានរំលឹកប្រសាសន៍របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ដ្រី​កម្ពុជា ដោយបញ្ជាក់ពីគោល ជំហ ក្នុងការការពារនីវបូរណភាពទឹកដី និងចំណាត់ការដ៏​ម៉ឺងម៉ាត់ ក្នុងការ លើក​យក​បញ្ហា​ជម្លោះព្រំដែនកម្ពុជា-ថៃ រួមមាន ប្រាសាទតាមាន់ធំ ប្រាសាទតាមាន់តូច ប្រាសាទតាក្របី និង នៅតំបន់មុំបី​យក​កាន់ទៅ តុលាការយុត្តិធម៌អន្តរជាតិ(ICJ)ដែលជាយន្តការអន្តរជាតិតែមួយគត់ ដែលអាចផ្តល់នូវ​ដំណោះ​ស្រាយ​ពិតប្រាកដលើបញ្ហាព្រំដែន៕អត្ថបទ-រូបភាព៖ អ៊ុក សំអាន ប.ប

ព្រះវិហារ៖ លោក ស្រី កែកុល សោភា អគ្គនាយិកាមជ្ឈមណ្ឌល​ព័ត៌មាននគរ​វត្តកាលពីរសៀលថ្ងៃទី៦ ខែមិថុនា បាន​អញ្ជើញ​សាកសួរសុខទុក្ខ និងនាំយកគ្រឿងឧបភោគ បរិភោគ ព្រមទាំងថវិកា យកទៅប្រគល់ជូន កងទ័ព​ដែលកំពុង​ឈរជើងជួរមុខការពារ​ព្រំដែន​កម្ពុជា-ថៃ ទិសទី១ ខេត្តព្រះវិហារ ដែលស្ថិតនៅក្រោមការដឹកនាំរបស់ នាយឧត្ដមសេនីយ៍ កិត្តិសង្គហបណ្ដិត ហ៊ីង ប៊ុនហៀង អគ្គមេបញ្ជាការ​រងនៃកងយោធពលខេមរភូមិន្ទ និងជាមេបញ្ជាការបញ្ជាការដ្ឋាន​អង្គរក្ស។ ក្នុងឱកាសនេះលោកស្រីបានបញ្ជាក់ថា អ្វីដែលលោកស្រីបាន​មកដល់​នាថ្ងៃនេះ គឺដើម្បីដឹងគុណ វីរីភាព អង់អាច​ក្លាហាន​របស់កងទ័ព ដែល​បានលះបង់សេចក្តីសុខផ្ទាល់ខ្លួន ដើម្បីការពារទឹកដី សេចក្តីសុខដល់​ប្រជាពល​រដ្ឋទូទាំង​ប្រទេស ហើយក៏ជាការចូលរួមលើកទឹកចិត្តដល់​កងទ័ព ។ ឯកឧត្តមនាយឧត្ដមសេនីយ៍កិត្តិសង្គហបណ្ដិត ហ៊ីង ប៊ុនហៀង បានថ្លែងអំណរគុណដល់លោកស្រី កែកុល សោភា និងសហការី​ទាំងអស់ ដែលបានលើកទឹកចិត្តដល់កងទ័ពតាមរយៈចូលរួមគាំទ្រ ក្នុងន័យខ្មែរស្រឡាញ់ខ្មែរនិង បាននាំ​យក​នូវគ្រឿងឧបភោគ បរិភោគ​ផ្ដល់ជូនដល់កងទ័ពដោយផ្ទាល់នៅទីនេះ ។សូមជម្រាបថា អំណោយដែលបានយកទៅជូនកងទ័ពមាន ទឹកត្រី​ចំនួន ៣០០យួរ, ទឹកស៊ីវអ៊ីវចំនួន ៣០០ យួរ,ត្រីខ កំប៉ុងចំនួន ៣០០កេស,មីចំនួន ៣០០ កេស,ទឹកសុទ្ធចំនួន ៣០០…

(កំពង់ធំ)៖ វិទ្យាស្ថានពហុបច្ចេកទេសខេត្តកំពង់ធំ បានត្រៀមខ្លួនរួចជាស្រេចក្នុងការរៀបចំទិវាជាតិអប់រំបណ្តុះបណ្តាលបច្ចេកទេសនិងវិជ្ជាជីវៈ លើកទី៨ ឆ្នាំ២០២៥ ក្រោមប្រធានបទ «ការអប់រំបណ្តុះបណ្តាលបច្ចេកទេសនិងវិជ្ជាជីវៈ បង្កើតឱកាសការងារ សាងក្តីសង្ឃឹមដល់យុវជន» នៅទីតាំងវិទ្យាស្ថានផ្ទាល់ ថ្ងៃទី១៥ មិថុនា ឆ្នាំ២០២៥ ស្របតាមសារាចរណែនាំរបស់រាជរដ្ឋាភិបាល។ លោក ឯក ហៀង នាយកវិទ្យាស្ថានពហុបច្ចេកទេសខេត្តកំពង់ធំ បានឱ្យដឹងថា៖ «វិទ្យាស្ថានបានត្រៀមរួចរាល់ហើយ សម្រាប់អបអរសាទរទិវាជាតិអប់រំបណ្តុះបណ្តាលបច្ចេកទេសនិងវិជ្ជាជីវៈប្រចាំខេត្តរបស់ខ្លួន ដែលនឹងមានការអញ្ជើញជាអធិបតីពីសំណាក់ឯកឧត្តម នួន ផារ័ត្ន អភិបាលខេត្តកំពង់ធំ និងមន្ទីរ-អង្គភាពជុំវិញខេត្ត អង្គការ ក្រុមហ៊ុនឯកជន លោកគ្រូ អ្នកគ្រូ សិស្ស-និស្សិតសរុបប្រមាណជាង១,៦០០នាក់»។ នៅថ្ងៃប្រារព្ធពិធីនោះ មានការដាក់តាំងបង្ហាញស្នាដៃរបស់សិស្ស-និស្សិត រួមមាន៖ ភ្លើងចរាចរណ៍ ម៉ាកែត ម៉ាស៊ីនបោសសំរាម និងម៉ាស៊ីនប្រឡេះគ្រាប់ស្វាយចន្ទី។ ក្រៅពីនេះ ក៏មានក្រុមហ៊ុនផ្សេងៗទៀតដូចជា ៖ ក្រុមហ៊ុនត្រាក់ទ័រចនឌារ, ធនាគារអេស៊ីលីដា, ធនាគារABA, គ្រឹះស្ថានមីក្រូហិរញ្ញវត្ថុអម្រឹត, ធនាគារកាណាឌីយ៉ា, ធនាគារព្រីនស៍, ធនាគារអេ អ៊ឹម ខេ, ធនាគារវីង, ធនាគារភ្នំពេញពាណិជ្ជសាខាខេត្តកំពង់ធំ, ក្រុមហ៊ុន មិត្តហ្វូន (Metfone)…

(ត្បូងឃ្មុំ)៖ រាជរដ្ឋាភិបាលកម្ពុជានីតិកាលទី៧ នៃរដ្ឋសភា ក្រោមការដឹកនាំរបស់សម្តេចមហាបបវរធិបតី ហ៊ុន ម៉ាណែត នាយករដ្ឋមន្រ្តី បានប្តេជ្ញាចិត្តដ៏មោះមុតក្នុងការថែរក្សា «សន្តិភាព» និងការតម្កល់ «សន្តិភាព» ជាគុណតម្លៃខ្ពស់បំផុត គឺគ្មានការប្រែប្រួលជាដាច់ខាត ទោះបីក្នុងតម្លៃណាក៏ដោយ។ ដោយសារកត្តាសន្តិភាពទើបប្រទេសជាតិមានការអភិវឌ្ឍន៍ជឿនលឿន ប្រជាពលរដ្ឋមានជីវភាពធូរធា ដែលផ្តល់ឱកាសឱ្យប្រជាពលរដ្ឋចូលរួមធ្វើទេសចរណ៍លេងកម្សាន្តយ៉ាងសប្បាយរីករាយ នៅទូទាំប្រទេស។ នេះជាការលើកឡើងរបស់ ឯកឧត្តម វង សូត អនុប្រធានទី២រដ្ឋសភា ក្នុងឱកាសអញ្ជើញជួបសំណេះសំណាល សួរសុខទុក្ខអាជ្ញាធរមូលដ្ឋានភូមិ-ឃុំ ទូទាំងស្រុកពញាក្រែក ក្នុងខេត្តត្បូងឃ្មុំ នាព្រឹកថ្ងៃទី៧ ខែមិថុនា ឆ្នាំ២០២៥ អមដំណើរដោយ ឯកឧត្តម លោកជំទាវតំណាងរាស្រ្តមណ្ឌលខេត្តត្បូងឃ្មុំ និង ឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ ។ ឯកឧត្តម វង សូត បានថ្លែងអំណរគុណ និងកោតសរសើរក្រុមការងារទាំងអស់ ដែលបានខិតខំប្រឹងប្រែង គាំទ្រ និងផ្តល់ឱកាសជូន សម្តេចមហាបវរធិបតី ហ៊ុន ម៉ាណែត ក្នុងការបន្តវេនដឹកនាំ រាជរដ្ឋាភិបាល នីតិកាលទី៧ ។…